💙 Teacher = Actor 🥰 သင်ကြားခြင်းအနုပညာမှာ ဆရာမဆိုတာ Performer… — KEB Community

KEB Community@KeystoneEnglishForBurmese · 221 subscribers Open in TelegramOpen

💙
Teacher = Actor 🥰

သင်ကြားခြင်းအနုပညာမှာ ဆရာမဆိုတာ Performer (သရုပ်ဆောင်) တစ်ယောက်လိုမျိုးလည်း သရုပ်ဆောင်နိုင်စွမ်း ရှိရပါတယ်။ ကိုယ့်ရဲ့ အားမလိုအားမရဖြစ်တဲ့ စိတ်ခံစားချက် (Emotions) တွေကို ကိုယ့်ရဲ့မျက်နှာမှာ လုံးဝမပေါ်မိဖို့အတွက် ကြိုးစားရပါတယ်။
ကျွန်မဆီမှာ ကလေးတွေကတော့ သူ့ဟာသူ လာတဲ့လမ်းကြောင်းတွေမတူကြဘူးပေါ့နော်။ ဒီနေ့သင်ရတဲ့အထဲမှာ ကလေးတစ်ယောက်ဆိုရင် တော်တော်လေးကို အားနည်းပါတယ်။ အားနည်းတဲ့အခါကျတော့ တော်တော်လေးကို မေတ္တာအရမ်းပေးပြီး သင်ရတယ်။ သူက သူ့ကိုယ်သူလည်း အားနည်းမှန်းသိတဲ့အခါကျတော့ Insecurity (လုံခြုံမှုမရှိတဲ့စိတ်) အရမ်းများပြီး အမှားလေးတစ်ခုလုပ်မိပြီဆိုတာနဲ့ ထိတ်ထိတ်ပြာပြာ ဖြစ်သွားတတ်တဲ့ ကလေးမျိုးလေးပါ။ ပြီးတော့ သူမှတ်မိအောင် နည်းမျိုးစုံနဲ့ ကြိုးစားပြီးသင်ရပေမဲ့ တစ်ခုသင်ပြီးရင်လည်း ချက်ချင်းမေ့တတ်လို့ နှစ်မိနစ်၊ သုံးမိနစ်ဆို စိတ်လွင့်သွားတဲ့ သူ့ကို ကိုယ့်ဆီပြန်ပါလာအောင် ခဏခဏ ပြန်ဆွဲခေါ်ရပါတယ်။ အဲ့ဒီကလေးက ကျောင်းတွေနဲ့ ဆရာတော်တော်များများရဲ့ "မသင်ချင်ဘူး" ဆိုပြီး ငြင်းပယ်တာ ခံခဲ့ရဖူးတဲ့ ကလေးဖြစ်တဲ့အတွက် အမြဲတမ်း စိုးရိမ်စိတ်ရှိပြီး ဆရာမရဲ့ မျက်နှာအမူအရာ အကဲခတ်နေတတ်ပါတယ်။ ကိုယ့်မျက်နှာလေး နည်းနည်းညှိုးသွားတာနဲ့ သူက ချက်ချင်း အားငယ်သွားတတ်ပါတယ်။

ကိုယ့်မျက်နှာ ပျက်သွားတာနဲ့ ကလေးက ဝမ်းနည်းသွားတတ်လို့ စိတ်ထဲမှာ ဘယ်လောက်ပဲ အားမလိုအားမရဖြစ်ဖြစ်၊ စိတ်ညစ်နေပါစေ... ကလေးရှေ့မှာတော့ ကိုယ့်မျက်နှာမှာရှိတဲ့ အကြောတွေကအစပြုံးတတ်အောင် လေ့ကျင့်ထားရပါတယ်။
ပြုံးတဲ့အခါမှာ မျက်လုံးလေးတွေကပါ အရောင်တလက်လက်နဲ့ အရမ်းကို အားရကျေနပ်တဲ့ အပြုံးမျိုး ဖြစ်နေရပါတယ်။
ကိုယ့်မျက်နှာပေါ်က အကြောလေးတွေ၊ နှုတ်ခမ်းလေးတွေကအစ အရမ်းကို ပျော်ရွှင်ပြီး အားရကျေနပ်နေတဲ့ ပုံစံပေါက်အောင်အထိ မျက်နှာတစ်ခုလုံးကို အားထည့်ပြီး ရွှင်လန်းနေအောင် ကြိုးစားရတာမျိုးပါ။

သူဘယ်လောက်မှားမှား ဘယ်လောက်မေ့မေ့ သူကြိုးစားပေးနေလို့ သူ့အတွက် အရမ်းကို ဂုဏ်ယူမိပါတယ်ဆိုတာ သူခံစားမိအောင်၊ သူ့အတွက် ကိုယ်ရှိနေပါတယ်ဆိုတာရယ်၊ သူ့ကို နားလည်တယ် အပြည့်အဝ လက်ခံတယ်ဆိုတာတွေကို ဒီ ရွှင်ပြုံးနေတဲ့ မျက်နှာနှင့် အမြဲ ပြပေးနေရတယ်။

ဒါမှသာ ကလေးက စိတ်လုံခြုံမှုရပြီး "ဆရာမ ရှိတယ်၊ ငါလုပ်နိုင်တယ်" ဆိုတဲ့ ယုံကြည်မှု (Confidence level) အပြည့်နဲ့ သင်ယူနိုင်မှာမို့လို့ပါ။

P.S.
ဒီ skill ကို တည်ဆောက်ကြည့်လာတာ ၁၀ လလောက် ရှိပြီ။ အတော်စိတ်ဝင်စား ဖို့ကောင်းပါတယ်။ 😇
ကိုယ်ဟာ ဒီကလေးရဲ့ သက်တမ်းအရှည်ဆုံး ဆရာမလို့တောင် ပြောလို့ရနေပြီ။ အနေအထားအမျိုးမျိုးနှင့် ကလေးတွေကို သင်ဖူးချင်လို့ ကိုယ့်ဘာသာ စိန်ခေါ်သင်လိုက်တာ ကလေးလည်း အတော် စာတတ်လာတယ်။

👩‍🏫𝐓𝐫 𝐋𝐢𝐧𝐝𝐚
👩‍🏫𝐅𝐨𝐮𝐧𝐝𝐞𝐫 𝐚𝐧𝐝 𝐏𝐫𝐢𝐧𝐜𝐢𝐩𝐚𝐥 Keystone Education for Better

𝐌𝐄𝐝 (𝐋𝐚 𝐓𝐫𝐨𝐛𝐞 𝐔𝐧𝐢𝐯𝐞𝐫𝐬𝐢𝐭𝐲, 𝐀𝐮𝐬𝐭𝐫𝐚𝐥𝐢𝐚)
𝐌𝐄𝐝 (𝐘𝐚𝐧𝐠𝐨𝐧 𝐔𝐧𝐢𝐯𝐞𝐫𝐬𝐢𝐭𝐲 𝐨𝐟 𝐄𝐝𝐮𝐜𝐚𝐭𝐢𝐨𝐧)
𝐃𝐢𝐩𝐥𝐨𝐦𝐚 𝐢𝐧 𝐄𝐧𝐠𝐥𝐢𝐬𝐡 𝐋𝐚𝐧𝐠𝐮𝐚𝐠𝐞 𝐄𝐝𝐮𝐜𝐚𝐭𝐢𝐨𝐧 (𝐇𝐢𝐫𝐨𝐬𝐡𝐢𝐦𝐚 𝐔𝐧𝐢𝐯𝐞𝐫𝐬𝐢𝐭𝐲, 𝐉𝐚𝐩𝐚𝐧)
𝐂𝐞𝐫𝐭𝐢𝐟𝐢𝐜𝐚𝐭𝐞 𝐢𝐧 𝐓𝐄𝐒𝐎𝐋 (𝐓𝐞𝐚𝐜𝐡𝐢𝐧𝐠 𝐌𝐞𝐭𝐡𝐨𝐝𝐨𝐥𝐨𝐠𝐲)
𝐌𝐞𝐦𝐛𝐞𝐫 𝐨𝐟 𝐭𝐡𝐞 𝐆𝐨𝐥𝐝𝐞𝐧 𝐊𝐞𝐲 𝐈𝐧𝐭𝐞𝐫𝐧𝐚𝐭𝐢𝐨𝐧𝐚𝐥 𝐇𝐨𝐧𝐨𝐮𝐫 𝐒𝐨𝐜𝐢𝐞𝐭𝐲 (𝐀𝐮𝐬𝐭𝐫𝐚𝐥𝐢𝐚)
𝐅𝐨𝐫𝐦𝐞𝐫 𝐇𝐢𝐫𝐨𝐬𝐡𝐢𝐦𝐚 𝐒𝐭𝐮𝐝𝐲 𝐀𝐛𝐫𝐨𝐚𝐝 𝐀𝐦𝐛𝐚𝐬𝐬𝐚𝐝𝐨𝐫
𝐖𝐢𝐧𝐧𝐞𝐫 𝐨𝐟 𝐭𝐡𝐞 𝐁𝐞𝐬𝐭 𝐂𝐨𝐧𝐭𝐞𝐧𝐭 𝐀𝐰𝐚𝐫𝐝 (𝐇𝐢𝐫𝐨𝐬𝐡𝐢𝐦𝐚 𝐒𝐮𝐩𝐩𝐨𝐫𝐭 𝐂𝐞𝐧𝐭𝐞𝐫 𝐟𝐨𝐫 𝐈𝐧𝐭𝐞𝐫𝐧𝐚𝐭𝐢𝐨𝐧𝐚𝐥 𝐒𝐭𝐮𝐝𝐞𝐧𝐭𝐬 (𝐇𝐢𝐂𝐈𝐒) (𝟐𝟎𝟐𝟎)

t.me/KeystoneEnglishForBurmese/704