የሽኝት መርሃ ግብር ተካሄደ
የባሕር ዳር ሀገረ ስብከት ሰንበት ትምህርት ቤቶች አንድነት፣ በቅድስት ሥላሴ ዩኒቨርሲቲ በሀገር አቀፍ ሰንበት ትምህርት ቤቶች አንድነት አማካኝነት በሚሰጠው የመምህራን ስልጠና የሚሳተፉ ሰልጣኞችን በመሸኘት የቡራኬና የሽኝት መርሃ ግብር አካሂዷል።
በመርሃ ግብሩ ላይ የባሕር ዳርና የሰሜን ጎጃም ሀገረ ስብከት ሊቀ ጳጳስ ብፁዕ አቡነ አብርሃም ለሰልጣኞቹ አባታዊ ምክርና ቡራኬ ሰጥተው፣ በስልጠናቸው ወቅት በትጋት ተምረው በእውቀት፣ በሥነ ምግባርና በመንፈሳዊ አገልግሎት ተጠናክረው እንዲመለሱ አባታዊ መመሪያ ሰጥተዋል።
በዝግጅቱ ላይ የማደራጃ መምሪያ ኃላፊ መጋቤ ምስጢር ሙሉቀን ቁምላቸው፣ የአንድነቱ አመራሮች እንዲሁም ለስልጠናው የሚላኩ ሰልጣኞች ተገኝተዋል።
የባሕር ዳር ሀገረ ስብከት ሰንበት ትምህርት ቤቶች አንድነት ለሰልጣኞቹ መልካምና የተሳካ የስልጠና ጊዜ ይመኛል። የሚያገኙትን እውቀት ለቤተ ክርስቲያንና ለሰንበት ትምህርት ቤቶች አገልግሎት በብቃት እንዲያውሉ እንመኛለን።
"ለቤተ ክርስቲያን የተሻለ አገልግሎት፣ በእውቀትና በመንፈሳዊነት የታነፁ መምህራን!"
#የባሕርዳር_ሀገረ_ስብከት #ሰንበት_ትምህርት_ቤቶች_አንድነት #የመምህራን_ስልጠና #ቅድስት_ሥላሴ_ዩኒቨርሲቲ
