چاودێری میدیا | Chawderi Media

ئەبوو عوبەیدە: فەلەستینییەکان لە کەنار و قودس بۆ بەرگریکردن لە مزگەوتی ئەلئەقسا ڕاپەڕن

«ئەبوو عوبەیدە»، وتەبێژی کەتیبەکانی شەهید عیزەدین قەسام، باڵی سەربازیی حەماس، پیرۆزبایی و سەرەخۆشیی بۆ شەهیدبوونی «فەتحی خازم - ئەبوو ڕەعد»، باوکی دوو شەهیدی فەلەستینی و پاڵەوانی جەنین، کە بەهۆی تەقەکردنی داگیرکەرانی نازییەوە شەهید بوو، ئاراستەی تەواوی نەتەوەی فەلەستین کرد.

ناوبراو دووپاتی کردەوە کە ڕۆحی ئەبوو ڕەعد ئەمڕۆ لەگەڵ شەهیدانێک وەک «ئیسماعیل ئەبوو شەنەب»، «ڕائید ئەلعەتار»، «محەممەد ئەبوو شەمالە» و «محەممەد بەرهووم» و شەهیدانی دیکەی نەتەوەی فەلەستین هاوڕێ بووە.

ئەبوو عوبەیدە هاوکات لەگەڵ ساڵیادی سووتاندنی مزگەوتی ئەلئەقسا و لە سایەی پەرەسەندنی تاوانەکانی ڕژێمی داگیرکەر، لە تەواوی فەلەستینییەکان لە کەناری ڕۆژئاوای داگیرکراو و قودس داوای کرد بۆ بەرگریکردن لە مزگەوتی ئەلئەقسا، خاک و نامووسی خۆیان ڕاپەڕن، لە بەرامبەر داگیرکەران بەرگری بکەن و ڕووبەڕووی نیشتەجێکراوە زایۆنییەکان ببنەوە و تۆڵەی خوێنی شەهیدانی فەلەستینی بکەنەوە.

"ناوەندی ڕاگەیاندنی فەلەستین"

@ChawderiMedia چاودێری میدیا