@Aqaid_Course · 673 subscribers
AQAID KI AHMIYAT : Kufr Ke Alawa Har Gunah Allah Ta'ala Ki Marzi Par Hai Jis Gunah Ko Chahe Bakhsh De. Banda La-ilmi Me Kab Iman Gawa Baithey Maloom Nahin Lehaja Aqaid Course Lazmi Sikhen. Admin Contact Number : 7566980838 Apni Zarurat Par Contact Karen
The short link opens the channel straight in the Telegram app — not in a browser tab.
tg.me/go/Aqaid_CourseIs this your channel? Add @tgme as admin — and see how many people click your links. Get the stats →
Channel created January 24, 2024per Telegram
We have been tracking it since August 16, 2026
In all that time the channel has changed neither its name, nor its @username, nor its avatar.
We show only what we have seen ourselves.
Aqaaid Course (Part-446) “Alamat E Qayamat” #06 📌 Alamat e Sugrah : ⑭🔹Gaane Baaje Ki Kasrat Hogi, Mulaqaat Ke Waqt Salaam Ke Wajay Log Gali Galoj Se Pesh Aayenge, Aur Ye Bhi Dekhein To Aaj Hamare Jo Zaban Hai Commons Hain Pahle Hum Milte The Mulaqaat Karte The To Pura Salaam Karte The, Uske Baad Short Hota Gaya, Phir Hi /Hello Ho Gaya Aur Ab Log Ek Dusre Ko معاذ الله Galiyan De Kar Pukarne Lage To Ye Bhi Qayamat Ki Alamaton Mein Se Ek Alamat Hai. ⑮🔸Log Namaz Ke Sharait Aur Arkaan Ka Lihaaz Kiye Begair Namaz Padhenge Yahan Tak Ki 50 Mein Se Ek Namaz Bhi Qubool Nahi Hogi. 😢 Ye Bhi Ho Raha Hai Na... Ki Namaz Padhte Hain Lekin Kya Bas Zahen Par Ek Bojh معاذ الله Ek Zimmedari Hai Ye Samajh Kar Log Bas Jaldi Jaldi Padhte Hain Aur Hairat Hoti Hai Ki Jinhe Deen Se Duri Hai Woh Is Tarah Ki Harkate Kar Raha Hai Ya Ilm Nahi Hai Is Tarah Ki Harkate Kar Raha Hai, Isme Bhi Uski Galti Hai Lekin Ye Bhi To Hai Na Uske Paas Ilm Nahi Hai. 📚 Kuch Logon Ke Paas Achha Khasa Ilm Maujood Hai Ki Namaz Is Tarah Nahi Hoti Ki Kisi Bhi Tarah Padh Liya Lekin Phir Bhi Unme Ye Nazar Aata Hai Ki Namaz Ka Waqt Aaya To Na Sitr Ka Khayal, Na Theek Se Wuzu Huwa Hai Kuch Hissa Sukha Reh Gaya Hai Aur Na Tadeele Arkaan Ka Khayal Hai Kisi Bhi Cheez Ka Khayal Nahi Hai Bas Namaz Padhna Hai To Fat-Fat Padh Liye Aur Namaz Ho Gai. To Yaad Rakhe Farmaya Gaya Hai Ki Aisa Waqt Bhi Aayega Ki Log 50so Namaz Padhenge Inme Se Ek Namaz Bhi Qubool Nahi Hogi kyun Ki Na Faraiz Ka Khayal Rakha Ja Raha Hai, Na Sharait Ka Lihaz Rakha Ja Raha Hai. ⚠️Ye Sab Cheezein Nishaniyan Hain Ke Ankareeb Qayamat Aane Wali Hai Aur Hame Allah Ta'ala Ki Bargah Mein Hazir Hona Hai Ye Chhoti Chhoti Alamat Hain Aur Inka Zuhoor Hota Rahega... Hota Rahega.. Jab Tak Ki Imaam Mahndi رضی الله تعالی عنه Zahir Na Ho Jayen. Continue... https://t.me/Aqaid_Course Ubaid-e-Raza official
Aqaaid Course (Part-445) “Alamat E Qayamat” #05 📌 Alamat e Sugrah : ⑫🔸 Ilm E Deen Padhenge Magar Deen Ki Khatir Nahi Balki Duniya Kamane Ke Liye. Ye Bhi Zahir Hai Aaj, Pahle Jab Log Ilm E Deen Hasil Karte The To Jazba Ye Hota Tha Ki Hum Logon Ke Darmiyan Kaam Karen, Aaqa ﷺ Ne Jo Pyari Shariat Hame Di Hai Isko Logon Tak Pahunchayein, Ummat Ka Dard Tha Ki Log Aa Kar Amal Karen Deen Se Door Hain To Aa Kar Amal Karen.. Lekin Aaj Kal Ye Jazba Khatam Hota Gaya Log Apne Naam Ke Liye Apne Followers Ko Badhane Ke Liye Apne Founding Wagairah Ka Jo Silsila Shuru Ho Gaya Hai... To Isi Mein Lage Huwe Hain Unko Aisa Lag Raha Hai Ki Hamare Jo Peer O Murshid Hain Ya Hum Jin Aalim Ko Follow Karte Hain Unke Followers zyaada Ho Jaye Unke Paas zyaada Log Connected Rahe To Ye Connection Wali Cheezon Mein Hum Lag Gaye 🤔 Asal Maqsad Kya Tha.? Asal Maqsad Ye Tha Ki Sarkar ﷺ Ne Jo Deen Hame Diya Hai, Hum Isko Logon Tak Pahunchaye Agar Ye Aalim Pahunchaye Ya Woh Aalim Pahunchaye Ki Aakhir Jo Result Tha Woh Yahi Tha Ki Logon Tak Deen Pahunche Kisi Bhi Tarah Pahunch Raha Hai, To Ye Tha Ki Hum Deen Se Mababbat Karte Hue Khalis Deen Ke Liye Hum Kaam Kar Rahe The, 🔹Lekin..!! Jab Se Ye Ho Gaya Ki Mera Tera Sunniyon Mein Batwara Shuru Ho Gaya Ye Alamat Bhi Zahir Ho Gayi Ki Log Aaj Kal Duniya Kamane Ke Liye Zyaada Deen Sikh Rahe Hain, Balki Deen Ke Liye Kam Aur Duniya Kamane Ke Liye Zyaada Ye Muamla Pesh Ho Gaya Hai الّا ما شاء الله Bahut Kam Aise Afraad Rah Gaye Hain Jo Ki Khalisatan Deen Ke Liye Kaam Kar Rahe Hain. ⑬🔸Aurten Mardane Waza Ikhtiyar Karengi Aur Mard Zanana Waza Ikhtiyar Karenge Ye Bhi Ek Alamat Hai Yani Aurat Mardon Ki Tarah Dressup Hongi Aur Mard Aurat Ki Tarah Dressup Honge Chahe Fashion Wise Ho, Baal Ho, Jo Bhi Ho Inme Opposite Opposite Ho Jayenge Aur Ye Bilkul Zahir Hai. Continue... https://t.me/Aqaid_Course Ubaid-e-Raza official
