Aqaaid Course (Part-430) Qabr Aur Hashr Ke Mutalliq Aqaaid #07 🌷Isi… — Aqaaid Course — TG.ME

Aqaaid Course (Part-430) Qabr Aur Hashr Ke Mutalliq Aqaaid #07 🌷Isi Tarah Agar Kisi Ne Aa Kar Koi Baat Kah Di Jo Hame Bahut Buri Lagi Koi Taunt (Taane) Laga Diya Taane (Taunt) Wali Baat Kah Diya Tanz Kar Diya To Kya Hoga? Bol To Hamari Taraf Raha Hai Lekin Rooh Ko Taqleef Huwi, 🍀 Isi Tarah Kuch Khaa Rahe Hain, Pee Rahe Hain Kuch Achhi Baat Pesh Aa Gai To Khush Ho Rahe Hain Jism Par Koi Achhi Cheez Guzre To Khushi Hoti Hai Lekin Uski Khushi Rooh Ko Bhi Mahsoos Hoti Hai To Ye Zindagi Ka Jis Tarah Muamla Hai Isi Tarah Inteqal Karne Ke Baad Agarche Rooh Jism Mein Nahi Hai Rooh Kahi Aur Ho Tab Bhi Agar Jism Mein Koi Cheez Guzar Rahi Hai To Rooh Ko Feel Hoti Hai Isliye Mayyit Ke Sath Jab Bhi Bartao Karen To Achhe Se Bartao Karen Bilkhusoos Jo Gusl Ke Liye Jate Hain Kafan Dafan Ke Liye Jate Hain To Mayyit Ko Aap Samajh Len Bilkul Nazuk Sa Bachha Hai Is Tarah Usko Treat Kar Ke Usko Gusl Den Kafan De Taki Usko Taqleef Na Ho. 🌷Ek Bejaan Shakhs Ke Samne Maujood Hain Woh Bol Nahi Sakti Apne Dard Ko Zahir Nahi Kar Sakti Iska Matlab Ye Nahi Hai Ki Hum Bedard Ban Jayen Aur Uske Saath Jo Bhi Sulook Karna Chahe Kar Len, Nahii....! Balki Hame Ehsaas Karna Hai Ki Ab Bhi Woh Zinda Hai, Bol Nahi Pa Rahi, Jab Ek Chhota Bachha Hota Hai Just Born Baby Hote Hain Woh Rote Hain To Hame Taqleef Hoti Hai Na.. Maaoñ Ko Taqleef Hoti Hai, kyun? Bahut zyaada Taqleef Isliye Bhi Hoti Hai Ki Uske Jism Par Koi Taqleef Guzar Rahi Hai Usko Koi Pareshani Ho Rahi Hai Kaheen Par Dard Ho Raha Hai Lekin Woh Bata Nahi Pa Raha Hai To Ye Na Batane Par zyaada Taqleef Hoti Hai Na Hamko Hum zyaada Pareshan Ho Jate Hain 🍀 Isi Tarah Yahan Par Bachha To Ro Kar Zahir Kar Raha Hai Lekin Mayyit Woh Bhi Nahi Kar Sakti, Na Woh Ro Kar Zahir Kar Sakti Hai, Na Isare Se Zahir Kar Sakti Hai Kuch Bhi Nahi... Isliye Uska Muamla Aur zyaada Sakht Hai Isliye Uske Saath Aur zyaada Narmi Ke Saath Hi Pesh Aana Chahiye Isliye Kaha Jata Hai Ki Ghar Wale Ghusul Ka Tareeqa Seekh Len Aur Ghar Wale Ghusul Den.. Kyu Ki Agar Kisi Ki Walida Hai, Kisi Ki Beti Hai To Maa Jitni Apni Aulad Par Rahem Karne Wali Hogi Utna Koi Aur Nahi Hoga, Beti Jitna Apne Maa Par Rahem Karne Wali Hogi Koi Aur Nahi Hoga Uako Ehsaas Hoga Ki Ghusul De Rahi Hoon To Meri Maa Ko Taqleef Hogi To Isliye Kaha Jata Hai Ki Apne Bachho Ko Sikhayen Apne Ghar Walon Ko Sikhayen Bahno Wagaira Ko Ye Tareeqa Sikhayen Taki Hamare Inteqal Ke Waqt Hame Koi Taqleef Se Ghusul Na De, Balki Pyar O Mqhabbat Se Apna Samajhte Huwe Ghusul De. Continue... https://t.me/Aqaid_Course Ubaid-e-Raza official