በ2019 በጀት አመት የቅድመ ዝግጅት ስራዎች ያሉበትን ሁኔታ በተመረጡ እና ተሞክሮ ሊወሰድባቸው ለሚችሉ ቅ/ጽ/ቤቶች ክትትል እና ድጋፍ ተደረገላቸው፡፡
(ቀን፡15 12 2018ዓ.ም) በትምህርትና ስልጠና ጥራት ቁጥጥር ባለስልጣን የሪፎርም እና አገልግሎት አሰጣጥ ክትትልና ድጋፍ ዳይሬክቶሬት ለዘጠኙም ቅርንጫፍ ጽሕፈት ቤቶች የ2019 በጀት ዓመት የቅድመ ዝግጅት ሥራዎች ያሉበትን ሁኔታ አስመለከተ የክትትልና ድጋፍ ሥራ አከናወነ።
በድጋፉ ወቅት በዋናነት የተቃኙ ነጥቦች የዕቅድ ዝግጅትን በተመለከተ የ2018 በጀት ዓመት አፈጻጸም መገምገሙ እና የ2019 በጀት ዓመት ዕቅድ በአግባቡ መዘጋጀቱ የአደረጃጀት ሥራዎችን በተመለከተ ቅርንጫፍ ጽሕፈት ቤቶቹ በሪፎርሙ መሠረት የተዋቀሩበት ሁኔታ የወርቃማ ሰኞ መድረክን በተመለከተ ፕሮግራሙ በየሳምንቱ ሳይቆራረጥ መካሄዱ የመረጃና የሰነድ አያያዝን በተመለከተ አስፈላጊ ሰነዶች በአግባቡ መደራጀታቸውና መጠበቃቸው ተፈትሸዋል።
በዚህም መሠረት ዳይሬክቶሬቱ ለቀጣዩ በጀት ዓመት ሥራዎች መከናወን የሚያስፈልጉ የቅድመ ዝግጅት ሥራዎች ያሉበትን ደረጃ በመገምገም አስፈላጊውን የሙያና የቴክኒክ ድጋፍ አድርጓል።
