🌍የአልቢኒዝም ግንዛቤ ማስጨበጫ ቀን በዓለም አቀፍ ደረጃ ስለ አልቢኒዝም ግንዛቤ ለመፍጠር፣ አልቢኒዝም ያለባቸውን ሰዎች ሰብአዊ መብቶች ለማክበር በየዓመቱ ሰኔ 06(June 13) ይከበራል።
👨👨👧አልቢኒዝም ከሁለቱም ወላጆች የሚወረስ በዘር የሚመጣ በሽታ ሲሆን በበሽታው የተጠቁ ሰዎች የቆዳ ቀለም ችግር ኖሯቸው ነው የሚወለዱት፡
አልቢኒዝም ጥቁር ቆዳ ባላቸው ሰዎች ላይ በጣም ጎልቶ የሚታይ ቢሆንም ሁሉንም ብሔሮች፣ ዘሮችና ሕዝቦች ሊያጠቃ ይችላል።
የአልቢኒዝም ችግር ያለባቸው ሰዎች የሚያጋጥሟቸው ችግሮች፡
🔹 የጤና ተግዳሮቶች - አልቢኒዝም ያለባቸው ሰዎች በፀጉር፣ በቆዳ እና በአይን ላይ ያለው የተለመደ የሜላኒን ቀለም አለመኖር በፀሐይ ጨረር አማካኝነት ለሚመጣ ጉዳት የመጋለጥ ከፍተኛ እድል ያለባቸው ሲሆን፣ ይህም ለቆዳ ካንሰር እና ለከባድ የእይታ እክል ሊያጋልጥ ይችላል።
🔹 የእይታ እክል - አብዛኛዎቹ አልቢኒዝም ያለባቸው ሰዎች በመነጽር ሙሉ በሙሉ ሊስተካከሉ የማይችሉ የእይታ ችግሮች አሏቸው። በዚህም ምክንያት ቀላል ተብለው የሚታሰቡ ነገሮች እንደ ሰሌዳ ማንበብ፣ መንገድ ማቋረጥ፣ የሰውን ፊትን መለየት የዕለት ተዕለት እንቅፋቶች ይሆናሉ።
🔹 ማህበራዊ ነቀፋ - ጎጂ አፈ ታሪኮች እና ሥር የሰደዱ አጉል እምነቶች አሁንም አሉ። በአንዳንድ ሃገሮች የአልቢኒዝም ችግር አልቢኒዝም ያለባቸው አብዛኞቹ ሰዎች ችግሩ ያስከተለባቸውን ገደብ ተቋቁመው መኖር ይችላሉ። ይሁን እንጂ ብዙዎቹ፣ ማኅበረሰቡ የሚያደርስባቸውን መድልዎና መገለል ተቋቁሞ መኖር አስቸጋሪ ይሆንባቸዋል። ይህ ዓይነቱ ሁኔታ በተለይ ለልጆች በጣም ከባድ ሊሆንባቸው ይችላል።
💛አልቢኒዝም ያለባቸው ሰዎች ተገቢ የጤና አጠባበቅ፣ የእይታ ድጋፍ፣ ተገቢ የፀሐይ መከላከያ ማግኘት ከቻሉ ውጤታማ እና ደስተኛ ሕይወት መምራት ይችላሉ።
