Yangi Namangan tumani ixtisoslashtirilgan maktabida O‘zbekiston Respublikasi davlat mustaqilligining 35 yilligi munosabati bilan “Yagona Vatan, yagona xalq bo‘lib, yangi hayot va kelajakni yaratamiz!” shiori ostida, shuningdek, “Yuksak ma’rifatli avlod – Uchinchi Renessans poydevori” g‘oyasini hayotga keng tatbiq etish maqsadida yangi 2026–2027-o‘quv yilining boshlanishi munosabati bilan “Birinchi qo‘ng‘iroq” va “Bilimlar kuni” tadbiri ko‘tarinki ruhda tashkil etildi.
Tadbir davomida o‘quvchilarga yangi o‘quv yilining boshlanishi, ta’lim olish, bilim va ko‘nikmalarni egallash, Vatanga munosib farzand bo‘lib voyaga yetishning ahamiyati haqida fikrlar bildirildi. Ayniqsa, yosh avlodning zamonaviy bilimlarni puxta egallashi, mustaqil fikrlashi, yuksak ma’naviyatli va vatanparvar shaxs sifatida shakllanishi mamlakatimiz taraqqiyotining muhim omili ekanligi ta’kidlandi.Shuningdek, O‘zbekiston Respublikasi Prezidenti tomonidan ilgari surilgan “Har bir kun – bu imkoniyat, har bir kun – bu kelajak uchun poydevor” g‘oyasini o‘quvchi-yoshlar ongiga singdirish, ularda kelajakka bo‘lgan ishonch va mas’uliyat hissini kuchaytirish, Yangi O‘zbekistonda ma’rifatli jamiyatni barpo etishga munosib hissa qo‘shadigan yoshlarni tarbiyalash maqsadida belgilangan reja asosida “Kelajak soati” darsi ham tashkil etildi.“Kelajak soati” darsida o‘quvchilarning Vatanga sadoqat, milliy va umuminsoniy qadriyatlarga hurmat, fuqarolik mas’uliyati, yurt taqdiri va kelajagiga daxldorlik tuyg‘ularini yanada mustahkamlashga alohida e’tibor qaratildi. Mashg‘ulotlar davomida o‘quvchilar mavzu yuzasidan o‘z fikr va mulohazalarini bildirdilar, kelajakdagi maqsadlari hamda mamlakat taraqqiyotiga qo‘shishlari mumkin bo‘lgan hissalari haqida fikr almashdilar.Mazkur tadbirlar o‘quvchilarda mustaqil fikrlash, yuksak ma’naviyat, vatanparvarlik, fuqarolik burchi va kelajakka daxldorlik kabi muhim fazilatlarni shakllantirishga xizmat qildi.
@YangiNamanganTIM
