“Ўзбекистон Республикаси мустақиллигининг 35 йиллиги” эсдалик нишони ўз эгаларига топширилмоқда
Наманган шаҳридаги Маърифат масканида Ўзбекистон Республикаси мустақиллигининг 35 йиллиги муносабати билан тантанали тадбир бўлиб ўтди.
Тадбирда вилоят ҳокимининг биринчи ўринбосари Зухриддин Бахриддинов иқтисодий соҳа вакилларидан 75 нафарига мамлакатимиз мустақиллигининг 35 йиллиги муносабати билан таъсис этилган эсдалик нишонларини топширди.
Шунингдек, тадбирда Ўзбекистон Республикаси Марказий сайлов комиссияси аъзоси Баҳодиржон Юнусов иштирок этиб, вилоят худудий сайлов комиссиясининг доимий ишловчи раис ўринбосари ва котибига ҳам эсдалик нишонларини тантанали равишда топширди.
Маросимда таъкидланганидек, бундай юксак эътироф ва рағбат юртимиз тараққиёти йўлида сидқидилдан меҳнат қилаётган фидойи инсонларга кўрсатилаётган юксак эҳтиромнинг яна бир ифодасидир.
Айни пайтда мамлакатимизда мустақилликнинг 35 йиллигини муносиб кутиб олиш мақсадида кенг кўламли бунёдкорлик ва ободонлаштириш ишлари амалга оширилмоқда. Бу жараёнларда ҳар бир соҳа вакили ўзининг муносиб ҳиссасини қўшмоқда.
Тадбирда тақдирланганлар юксак ишонч учун миннатдорлик билдириб, юртимиз тараққиёти ва халқимиз фаровонлиги йўлида янада самарали меҳнат қилишларини таъкидладилар.
—————————
“Oʻzbekiston Respublikasi mustaqilligining 35 yilligi” esdalik nishoni oʻz egalariga topshirilmoqda
Namangan shahridagi Maʼrifat maskanida Oʻzbekiston Respublikasi mustaqilligining 35 yilligi munosabati bilan tantanali tadbir boʻlib oʻtdi.
Tadbirda viloyat hokimining birinchi oʻrinbosari Zuxriddin Baxriddinov iqtisodiy soha vakillaridan 75 nafariga mamlakatimiz mustaqilligining 35 yilligi munosabati bilan taʼsis etilgan esdalik nishonlarini topshirdi.
Shuningdek, tadbirda Oʻzbekiston Respublikasi Markaziy saylov komissiyasi aʼzosi Bahodirjon Yunusov ishtirok etib, viloyat xududiy saylov komissiyasining doimiy ishlovchi rais oʻrinbosari va kotibiga ham esdalik nishonlarini tantanali ravishda topshirdi.
Marosimda taʼkidlanganidek, bunday yuksak eʼtirof va ragʻbat yurtimiz taraqqiyoti yoʻlida sidqidildan mehnat qilayotgan fidoyi insonlarga koʻrsatilayotgan yuksak ehtiromning yana bir ifodasidir.
Ayni paytda mamlakatimizda mustaqillikning 35 yilligini munosib kutib olish maqsadida keng koʻlamli bunyodkorlik va obodonlashtirish ishlari amalga oshirilmoqda. Bu jarayonlarda har bir soha vakili oʻzining munosib hissasini qoʻshmoqda.
Tadbirda taqdirlanganlar yuksak ishonch uchun minnatdorlik bildirib, yurtimiz taraqqiyoti va xalqimiz farovonligi yoʻlida yanada samarali mehnat qilishlarini taʼkidladilar.
Sayt | Telegram | Instagram | Facebook | X | YouTube
