📃 Қонунчиликка кўра, 2026 йил 1 сентябрдан давлат харидлари махсус ахборот порталида иштирокчилар фаолиятини идоралараро ахборот алмашинуви орқали автоматик баҳолайдиган электрон-скоринг тизими ишга туширилади.
Янги тизим орқали давлат харидларида иштирок этувчи субъектларга “юқори”, “ўрта”, “паст” ва “энг паст” ишончлилик даражалари берилади.
Электрон-скоринг натижаларига асосан қуйидаги рағбатлантириш чоралари кўрилади:
“юқори” ишончлилик даражасига эга иштирокчилар учун закалат тўлаш талаб этилмайди; энг яхши таклифларни танлаш ва тендер савдоларида иштирокчилар томонидан тақдим этилган таклифларга ишончлилик даражасига мутаносиб равишда қўшимча балл берилади; “энг фаол тадбиркор” танловида давлат харидларидаги ишончлилик даражаси “юқори” бўлган давлат харидлари иштирокчиларининг номзодлари қўллаб-қувватланади.
Шунингдек, авлат харидларидаги ишончлилик даражаси “паст” ва “энг паст” бўлган иштирокчиларнинг: харид қилиш тартиб-таомилларида иштирок этишига рухсат этиладиган давлат харидларининг юқори қийматига нисбатан меъёрлар белгиланади; бепул онлайн ўқув курслари орқали малакасини ошириш амалиёти йўлга қўйилади.
Telegram 
Instagram 
Facebook 
Youtube
