Тошкентда ўтаётган Хитой брендлари ва «Ипак йўли мамлакатлари товарлари» кўргазмалари доирасида Ўзбекистон Савдо-саноат палатаси ҳамда Хитойнинг Цзиань шаҳри Халқаро савдони ривожлантиришга кўмаклашиш қўмитаси вакиллари ўртасида учрашув бўлиб ўтди.Мулоқотда Хитой томонидан Қўмита раиси Дай Сяншэн ва бош котиб Пэн Жунцзюнь, Ўзбекистон томонидан эса Савдо-саноат палатаси раисининг маслаҳатчилари Алишер Шайхов ва Жамил Максуди, Экспортчилар уюшмаси раиси Ёрқин Маликов иштирок этди.
Учрашувда Ўзбекистонда ишлаб чиқарилаётган маҳсулотларни Хитой бозорига олиб чиқиш, экспорт қилувчи корхоналар учун янги имкониятлар яратиш ва Хитой компаниялари билан тўғридан-тўғри бизнес алоқаларини кенгайтиришга алоҳида эътибор қаратилди.Томонлар, шунингдек, B2B учрашувлар, ишбилармонлик миссиялари ва қўшма бизнес тадбирларни мунтазам ташкил этиш орқали тадбиркорлар ўртасидаги амалий ҳамкорликни кучайтириш муҳимлигини таъкидладилар.
Учрашув якунида томонлар ўзаро манфаатли лойиҳаларни илгари суриш, янги бизнес шерикларни жалб қилиш ва икки мамлакат тадбиркорлари учун янги бозор имкониятларини очиш бўйича ҳамкорликни давом эттиришга тайёр эканликларини билдирди.
Telegram 
Instagram 
Facebook 
Youtube
