Channels

Top 100 Trending New

Categories

Crypto Gaming News Entertainment Music Sports Tech Gambling Bots and mini apps Finance Business Education Lifestyle Health Travel Auto Fashion Jobs Dating Deals and shopping

Stickers

Stickers Emoji Themes Wallpapers

Bots Gifts Tools

Theme

CurrencyUSD

$US DollarUSD ₽Russian RubleRUB €EuroEUR ₴Ukrainian HryvniaUAH ₸Kazakhstani TengeKZT ₺Turkish LiraTRY złPolish ZlotyPLN ₪Israeli New ShekelILS AEDUnited Arab Emirates DirhamAED R$Brazilian RealBRL RpIndonesian RupiahIDR RMMalaysian RinggitMYR ¥Japanese YenJPY ₩South Korean WonKRW CN¥Chinese YuanCNY

Português (Brasil)

Bahasa Indonesia

Беларуская

Українська

Channels Categories Stickers Bots Gifts Tools

Premium Wiki Glossary Legal

Notifications Settings Log in

The Irrawaddy - Burmese: post #67698 — TG.ME

The Irrawaddy - Burmese@theirrawaddy · 76.2K subscribers Open in TelegramOpen

t.me/theirrawaddy/67698

29

2

October 3, 2026 262 1

More from this channel

မြန်မာနိုင်ငံဆိုင်ရာ ချဉ်းကပ်ပုံအသစ် တိုးတက်မှုရှိဟု ဖိလစ်ပိုင်သမ္မတ ပြော ဧရာဝတီ၊ အောက်တိုဘာ ၁၁၊ ၂၀၂၆ အာဆီယံ၏ မြန်မာ့အရေးကိုင်တွယ်မှုမှာ မထိရောက်သည့်အပေါ် ဝေဖန်မှုများနှင့် ရင်ဆိုင်နေရသော်လည်း မြန်မာစစ်အုပ်စုကို ဆွေးနွေးပွဲ စားပွဲဝိုင်းသို့ ခေါ်ဆောင်လာရာတွင် တိုးတက်မှုအချို့ ရှိခဲ့ကြောင်း အာဆီယံအလှည့် ကျဥက္ကဋ္ဌ ဖိလစ်ပိုင်သမ္မတ ဖာဒီနန် မားကို့စ် ဂျူနီယာ က အောက်တိုဘာ ၈ ရက်တွင် The Straits Times နှင့် ပြုလုပ်သည့် သီးသန့် အင်တာဗျူး၌ ပြောသည်။ မားကို့စ်က အကြမ်းဖက်မှုများ ရပ်တန့်ရေးနှင့် တွေ့ဆုံဆွေးနွေးရေး စသည့် အချက်များ ပါဝင်သော ဘုံသဘောတူညီချက် ၅ ချက်ပါ ငြိမ်းချမ်းရေးအစီအစဉ်မှာ အလုပ်မဖြစ်သဖြင့် ဖိလစ်ပိုင်နိုင်ငံသည် ၂၀၂၆ ခုနှစ်တွင် အာဆီယံဥက္ကဋ္ဌအဖြစ် တာဝန်ယူချိန်၌ မြန်မာနိုင်ငံဆိုင်ရာ ချဉ်းကပ်ပုံ နည်းလမ်းကို အသစ် ပြန်လည် စတင်ရန် ကြိုးပမ်းမည်ဟု ဆိုခဲ့သည်။ ထို အစီအစဉ်တွင် အကြမ်းဖက်မှုများ ရပ်တန့်ရန်၊ သက်ဆိုင်သူများအကြား အပြုသဘောဆောင်သော တွေ့ဆုံဆွေးနွေးမှုများပြုလုပ်ရန်၊ အထူးသံတမန် ခန့်အပ်ရန်၊ လူသားချင်းစာနာထောက်ထားမှုဆိုင်ရာ အကူအညီများ ပေးအပ်ရန်နှင့် အထူးသံတမန် မြန်မာနိုင်ငံသို့ သွားရောက်ရန် စသည်တို့ ပါဝင်သည်။ အာဆီယံက စစ်ခေါင်းဆောင်များကို ထိပ်သီးအစည်းအဝေးများ တက်ရောက်ခွင့် ပိတ်ပင်ထားဆဲဖြစ်သော်လည်း သီးခြား ချဉ်းကပ်မှုများကြောင့် စစ်ခေါင်းဆောင် မင်းအောင်လှိုင် မလေးရှားနှင့် ကမ္ဘောဒီးယားနိုင်ငံတို့သို့ သွားရောက်ခဲ့ခြင်းမှာ ယခင် မရှိခဲ့ဖူးသည့် စတင်မှုတခုဖြစ်သည်ဟု မားကို့စ်က ထောက်ပြပြောဆိုသည်။ သို့သော် အာဆီယံ အဖွဲ့ဝင်နိုင်ငံအားလုံးက ထိုအမြင်ကို သဘောတူကြခြင်း မဟုတ်ဘဲ တီမောလက်စ်တေသည် ဒီမိုကရေစီလှုပ်ရှားမှုကို ထောက်ခံကာ စစ်ရာဇဝတ်မှုများအတွက် စစ်ခေါင်းဆောင်များကို တရားစွဲဆိုမှုများ ပြုလုပ်ထားသည်။ ထို့ပြင် အာဏာသိမ်းပြီးနောက် မြန်မာနိုင်ငံတွင် လူပေါင်း ၁ သန်းခန့် သေဆုံးကာ ၃ ဒသမ ၈ သန်းခန့် အိုးအိမ်စွန့်ခွာနေရပြီး စက်တင်ဘာ ၂၈ ရက်ကလည်း ရခိုင်ပြည်နယ်ရှိ ဈေးတခုကို လေကြောင်းမှ ဗုံးကြဲသဖြင့် အရပ်သား ၅၀ ထက်မနည်း သေဆုံးခဲ့သည်။ ထိုသို့သော အရပ်သားများအပေါ် အကြမ်းဖက်မှုများ ဆက်လက် ဖြစ်ပွားနေချိန်တွင် မင်းအောင်လှိုင်ကို လှိုက်လှိုက်လှဲလှဲကြိုဆိုခဲ့သည့် မလေးရှားနှင့် ထိုင်းအစိုးရတို့၏ လုပ်ရပ်အပေါ် ဝေဖန်မှုများ ရင်ဆိုင်နေရသည်။ ဓာတ်ပုံ- The Straits Times #WhatsHappeningInMyanmar #RejectMilitaryCoup 2.3K·Oct 11

Photo 1.9K·Oct 11 မြန်အောင် မမြဆည်တာတမံ မြေသားပြိုကျနေ၍ ၁၃ ရွာ ထပ်မံပြောင်းရွှေ့ရ ဧရာဝတီ၊ အောက်တိုဘာ ၁၁၊ ၂၀၂၆ ဧရာဝတီတိုင်း၊ မြန်အောင်မြို့နယ်အတွင်းရှိ မမြဆည် မြေသားပြိုကျ နိမ့်ဆင်းမှုများကို တမံ၏ အရေးပေါ် ရေပိုလွှဲမှ ရေထုတ်လွှတ်နိုင်ရေး စက်ယန္တရားများအသုံးပြု တူးဖော်ရေလွှတ်ပေးနေသော်လည်း ယနေ့တွင် ၅ ပေခန့် ထပ်မံ အိကျသွားသဖြင့် ကျိုးပေါက်နိုင်သည့် အန္တရာယ်နှင့် နီးကပ်နေကြောင်း ကူညီရေး လုပ်ဆောင်နေသူများနှင့် ဒေသခံများက ပြောသည်။ ကူညီကယ်ဆယ်ရေးဆောင်ရွက်နေသူတဦးက “အခု ကျိုးတာတော့ မကျိုးသေးဘူး။ ဒါပေမယ့် မနေ့က ပျော့သွားတဲ့နေရာကတော့ နောက်ထပ် ၅ ပေလောက် ထပ်အိကျသွားပြီး ရေပြင်နဲ့ ထိသွားပြီးတော့ ရေစိမ့်နေပြီ။ ရေစိမ့်နေပြီဖြစ်တဲ့အတွက် တာဘောင် မကျိုးကျနိုင်အောင် မမြချောင်းနဲ့ သရက်ချောင်းထဲကို ရေတွေခွဲပြီး လွှတ်နေတယ်” ဟု ညနေ ၅ နာရီခန့်တွင် ပြောသည်။ ပြီးခဲ့သည့် အောက်တိုဘာ ၉ ရက်က မမြဆည် တာတမံ အလျား ပေ ၂၀၀ ခန့်၊ အကျယ် ၂၅ ပေခန့်၊ အမြင့် ၁၀ ပေခန့် တမံဆင်ခြေလျော လျှောကျမှု ဖြစ်ပွားခဲ့ပြီးနောက် ယမန်နေ့ ညပိုင်းတွင် ထပ်မံ နိမ့်ကျမှုဖြစ်ပွားသောကြောင့် မရွေးကုန်းနှင့် လက်ပံကွင်းကျေးရွာအုပ်စုရှိ ရွာ ၁၃ ရွာ ယနေ့ အရေးပေါ် ထပ်မံ ပြောင်းရွှေ့ခဲ့ရကြောင်း ဒေသခံများထံမှ သိရသည်။ ဒေသခံတဦးက “မနေ့မနက်မှာ ဆည်အောက်က အနီးကပ်ရွာတွေကို ပြောင်းဖို့လိုက်ကြေညာပြီး ညကလည်း ကျန်တဲ့ ရွာတွေကိုထပ်ရွှေ့ဖို့ လိုက်ပြောတယ်။ အခု တာကျိုးမယ့် အန္တရာယ်နဲ့ အတော်နီးနေတော့ ဆည်အောက်မှာ ရှိတဲ့ ၇ ရွာ၊ ၈ ရွာလောက်ကို လုံးဝ အဝင်မခံတော့ဘူး” ဟု ပြောသည်။ ဆည်ရေ ဝင်ရောက်နိုင်သည့် စမ်းရွာကြီး၊ ဥယျာဉ်ကွင်း၊ မရွေးကုန်း၊ ရွာသစ်ကုန်း၊ ငါးဘတ်ကျ၊ ရေနံချက်ဖို ကုန်း အစရှိသော ကျေးရွာအုပ်စုများမှ ဒေသခံများအား ရေလွတ်ရာကုန်းမြင့်ဒေသများသို့ ကြိုတင်ပြောင်းရွှေ့နိုင်ရေး ဆောင်ရွက်ပေးနေကြောင်း အာဏာသိမ်းအစိုးရ၏ ဧရာဝတီတိုင်းအစိုးရအဖွဲ့က မနေ့တွင် ထုတ်ပြန်ထားသည်။ သို့သော် မမြဆည် ကျိုးပေါက်နိုင်သည့် အန္တရာယ်နှင့်နီးကပ်နေပြီဖြစ်ကြောင်း ကူညီရေး လုပ်ဆောင်နေသူများနှင့် ဒေသခံများက ပြောဆိုနေကြသော်လည်း ဧရာဝတီတိုင်းအစိုးရအဖွဲ့က ညနေ ၅ နာရီခွဲကျော် အချိန်အထိ တာတမံ အခြေအနေကို အချိန်နှင့်တပြေးညီ ထုတ်ပြန် အသိပေးလာခြင်း မရှိသေးပေ။ ပြီးခဲ့သည့် ဇူလိုင် ၃၀ ရက် ညပိုင်းကလည်း လေးမျက်နှာမြို့ရှိ ငဝန်တာ အနည်းငယ်ရေစိမ့်နေမှုကို ဒေသခံ ပြည်သူများ နှင့် လူမှုရေးအဖွဲ့များက အချိန်မီ သတိပေးမှုများ ရှိခဲ့သော်လည်း အရေးပေါ် ပြုပြင်ထိန်းသိမ်း ဆောင်ရွက်နိုင်ခြင်း မရှိသောကြောင့် လေးမျက်နှာအပါအဝင် ဧရာဝတီ တိုင်း ၆ မြို့နယ်ရှိ ပြည်သူသိန်းချီ ရေကြီး၊ ရေလွှမ်းမိုးမှု ဒဏ်ကို ရက် ၄၀ ကျော် ခံစားခဲ့ရပြီး လက်ရှိအချိန်အထိ ရေဘေးနောက်ဆက်တွဲ ပြဿနာများ ကြုံတွေ့နေကြရဆဲ ဖြစ်သည်။ #WhatsHappeningInMyanmar #RejectMilitaryCoup 2K·Oct 11

Album 1.8K·Oct 11 ရွှေဘို မဟာစည်ကျောင်းတိုက် ဗုံးကြဲခံရ၊ စစ်ရှောင်များ သေဆုံးဒဏ်ရာရ ဧရာဝတီ၊ အောက်တိုဘာ ၁၁၊ ၂၀၂၆ မဟာစည်ဆရာတော်ဘုရားကြီး၏ ဇာတိရွာဖြစ်သည့် စစ်ကိုင်းတိုင်း၊ ရွှေဘိုမြို့နယ်၊ ဆိပ်ခွန်ကျေးရွာရှိ မဟာစည်ဆရာတော်ဘုရားကြီး သီတင်းသုံးခဲ့သော သမိုင်းဝင် မဟာစည်ကျောင်းတိုက်ကို လေကြောင်းတိုက်ခိုက်ခဲ့သောကြောင့် ဘုန်းကြီးကျောင်းအတွင်း ဥပုသ်သီလ ဆောက်တည်နေသည့် သက်ကြီးရွယ်အိုများနှင့် စစ်ရှောင်၂ ဦး သေဆုံးပြီး ၈ ဦးထက်မနည်း ထိခိုက်ဒဏ်ရာ ရရှိခဲ့ကြောင်း ရွှေဘိုမြို့နယ် ပြည်သူ့ကာကွယ်ရေးအဖွဲ့က ထုတ်ပြန်သည်။ ယနေ့ မွန်းလွဲ ၁၁ နာရီ ၄၄ မိနစ်ခန့်တွင် သမိုင်းဝင် မဟာစည်ကျောင်းတိုက်ကို တံတားဦး လေတပ်မှတက်လာသည့် ဂျက်ဖိုက်တာတစီးဖြင့် အကြောင်းမဲ့ လေကြောင်းတိုက်ခိုက်မှု ၃ ကြိမ်တိုင်တိုင် ပြုလုပ်ခဲ့ရာ သက်ကြီးရွယ်အိုများနှင့် စစ်ရှောင်ပြည်သူများ ထိခိုက်သေဆုံးခဲ့သည့်အပြင် ဓမ္မာရုံများ၊ ရိပ်သာဆောင်များ၊ ဇရပ်စောင်းတန်းများနှင့် အဆောက်အအုံအများအပြား ပျက်စီးခဲ့ရသည်။ စစ်တပ်သည် အရပ်သားပြည်သူများနှင့် ဘုရားကျောင်းကန်၊ စာသင်ကျောင်း၊ ဆေးရုံ၊ ဆေးခန်းများကို ပစ်မှတ်ထား တိုက်ခိုက်မှုများကို အချိန်မရွေး ပြုလုပ်နေသဖြင့် မိဘပြည်သူများအနေဖြင့် လေကြောင်းအန္တရာယ်၊ လက်နက်ကြီးအန္တရာယ်တို့ကို သတိပြုနေထိုင်ကြရန်၊ လေယာဉ်သံနှင့် လက်နက်ကြီး ပစ်ခတ်သံများ ကြားရပါက လုံခြုံစိတ်ချရသော နေရာများသို့ အမြန်ဆုံး ရွှေ့ပြောင်းရှောင်ရှားကြရန်နှင့် မလိုအပ်ဘဲ လူစုလူဝေး ပြုလုပ်ခြင်းများအား ရှောင်ကြဉ်ရန် ရွှေဘိုမြို့နယ် ပြည်သူ့ကာကွယ်ရေးအဖွဲ့က တိုက်တွန်းထားသည်။ #WhatsHappeningInMyanmar #RejectMilitaryCoup 3.1K·Oct 11

An open web layer over public Telegram — search, stats and channel reading right in your browser, no account, no install.

Not affiliated with Telegram FZ-LLC; all data comes from public sources.

Catalog

Top channels Categories Countries Search

Content

Stickers Emoji Gifts Themes Wallpapers

Help

Tools Wiki Glossary Blockchain Safety Premium Advertisers Advertising

© 2026 TG.ME · G.Media network· Updated 10/11/2026 · v0.2.0 · 43ed33a

Privacy Terms DMCA & complaints Report a violation

Similar channels

RFA Burmese44.9K subscribers

People's Spring59.7K subscribers

သတင်းမှန် ဖိုးစီ112.3K subscribers

Myanmar Now49.3K subscribers

VOA Burmese35.8K subscribers

Hlaing Info48.5K subscribers

စစ်ခွေးသင်္ချိုင်း66.7K subscribers

Mizzima48.7K subscribers