Channels

Top 100 Trending New

Categories

Crypto Gaming News Entertainment Music Sports Tech Gambling Bots and mini apps Finance Business Education Lifestyle Health Travel Auto Fashion Jobs Dating Deals and shopping

Stickers

Stickers Emoji Themes Wallpapers

Bots Gifts Tools

Theme

CurrencyUSD

$US DollarUSD ₽Russian RubleRUB €EuroEUR ₴Ukrainian HryvniaUAH ₸Kazakhstani TengeKZT ₺Turkish LiraTRY złPolish ZlotyPLN ₪Israeli New ShekelILS AEDUnited Arab Emirates DirhamAED R$Brazilian RealBRL RpIndonesian RupiahIDR RMMalaysian RinggitMYR ¥Japanese YenJPY ₩South Korean WonKRW CN¥Chinese YuanCNY

Português (Brasil)

Bahasa Indonesia

Беларуская

Українська

Channels Categories Stickers Bots Gifts Tools

Premium Wiki Glossary Legal

Notifications Settings Log in

The Irrawaddy - Burmese: post #68030 — TG.ME

The Irrawaddy - Burmese@theirrawaddy · 76.1K subscribers Open in TelegramOpen

t.me/theirrawaddy/68030

36

5

3

1

October 11, 2026 4.2K 3

More from this channel

• အယ်နီညို အပူဒဏ်ကြောင့် သေဆုံးသူတွေရှိလာ • ဘီးလင်း ဗုံးကြဲခံရမှု ကလေးအပါအဝင် ၅ ဦးသေဆုံး • ခရစ်ယာန်ဘုရားကျောင်းတွေကို စစ်တပ်က တပ်စွဲအသုံးပြု • ပျောက်စေဆရာတွေကို စစ်ဆေးဖို့ လွှတ်တော်မှာ အဆိုတင် • သတင်းဌာနတွေ ဖမ်းဆီးဖို့ စစ်တပ်ရဲ့ကြိုးပမ်းမှုကို IFJ ရှုတ်ချ • ဘန်ကောက်က ပန်းရောင်းတဲ့ မြန်မာကလေးတွေ လူကုန်ကူးခံရမှုဟုတ်မဟုတ် စစ်ဆေးနေ နေ့စဉ်သတင်း၊ အောက်တိုဘာ ၁၄၊ ၂၀၂၆ https://youtu.be/AIHWMPJARWA #မြန်မာ #ဧရာဝတီ #အယ်နီညို #အပူဒဏ် #ဘီလင်း #ခရစ်ယာန် #ဘုရားကျောင်း #ပျောက်စေ #သတင်းဌာန #IFJ #ဘန်ကောက် #မြန်မာကလေး #နေ့စဉ်သတင်း #DailyNews #WhatsHappeningInMyanmar၏ 499·Oct 14 "သဘာဝရဲ့ ရင်သွေးငယ်" မှသည် "ကန္တာရရဲ့ ပဲ့တင်သံ" သို့ ဧရာဝတီ၊ အောက်တိုဘာ ၁၄၊ ၂၀၂၆ ၁၉၇၅ ခုနှစ်ခန့်က စတီရီယို ရေစီးကြောင်းမှာ တေးပြုဆရာ စိုင်းခမ်းလိတ်ရဲ့ ပြောင်မြောက်တဲ့အဖွဲ့အနွဲ့ ရိုးရှင်းလှပတဲ့ သံစဉ်တွေနဲ့ ပရိတ်သတ်ကို ဖမ်းစားခဲ့တဲ့ အဆိုတော် စိုင်းထီးဆိုင်နဲ့ သဘာဝရဲ့ ရင်သွေးငယ် (The Wild Ones) အဖွဲ့ကို နှစ် ၅၀ခန့် ကြာသည့်တိုင် အားလုံးရဲ့ ရင်ထဲက မေ့နိုင်ဦးမှာ မဟုတ်သေးပါဘူး။ နှစ် ၅၀ ကျော်လာချိန် မူလဝိုင်းတော်သားတွေဖြစ်တဲ့ စိုင်းထီးဆိုင်၊ စိုင်းခမ်းသီ၊ စောဂျက်ဆင်၊ ဆလိုင်းဆွန်ကျဲအို ခွန်မျိုးလွင်၊ ခွန်နေထွန်း၊ စိုင်းဆေနော်တို့ လောကကြီးက ထွက်ခွာသွားပြီဖြစ်သလို အဖွဲ့အနေနဲ့လည်း လှုပ်ရှားမှုမရှိတော့တာကြောင့် လူသစ်တချို့နဲ့ တွဲကာ လက်ကျန်အချိန် ဂီတလှုပ်ရှားမှုတွေ လုပ်နိုင်ဖို့ Echoes of the Wilderness (ကန္တရက ပဲ့တင်သံများ) လို့ ပြောင်းလဲ ဖွဲ့စည်းလိုက်တယ်လို့ ဂီတမှူကြီး စောဂျော်နီက ဒီနေ့ အသိပေးလာပါတယ်။ လိဒ်ဂစ်တာသမားကြီး စောဂျော်နီက “အခြေအနေအရပ်ရပ်ကြောင့် အဖွဲ့နာမည်ဖြစ်တဲ့ သဘာဝရဲ့ရင်သွေးငယ်များကို Echoes of the Wilderness လို့ခေါ်တဲ့ ကန္တရကပဲ့တင်သံများဆိုပြီး ပြောင်းလဲ ခေါ်ဝေါ် လိုက်ပါတယ်။ အနက်အဓိပ္ပာယ်ကတော့ ကန္တာရနဲ့တူတဲ့ လူ့ဘဝတွေက ရိုက်ခတ်လာတဲ့ ပဲ့တင်သံများကဲ့သို့ ခံစားမှုတေးသီချင်းများလို့ အဓိပ္ပာယ်ရပါတယ်။ နောင်တွင် တေးသံသွင်းခြင်း၊ စင်ပေါ်မှာ ဖျော်ဖြေ သီဆိုတီးခတ်ခြင်း၊ Live Show များသော်လည်းကောင်းပြုလုပ်ပါက အဖွဲ့နာမည်အသစ်ဖြင့်သာ ကျန်ရစ်သော အဖွဲ့သားများက ပြုလုပ်သွားမှာဖြစ်ပါတယ်လို့ လေးစားစွာ ပြောကြားလိုပါတယ်” ဟု လူမှုကွန်ရက်စာမျက်နှာမှတဆင့် အသိပေး အကြောင်းကြားထားပါတယ်။ အခုလို ဂီတသက်တမ်း နှစ်ငါးဆယ်တွင်း ချဉ်းနင်းလာချိန် Echoes of the Wilderness သို့ ပြောင်းရခြင်းဟာ သူတို့အနေနဲ့ ဘာရည်ရွယ်ချက်မရှိ ရှေးကရှိခဲ့တဲ့ ဝါသနာဘာဂီအရ Youtube လို ပလက်ဖောင်းတခုမှာ ဖျော်ဖြေမှုတခု ပေးလိုတာကြောင့်သာ ဖြစ်တယ်လို့ ဧရာဝတီကို ပြောပါတယ်။ The Wild Ones အဖွဲ့ ဖြစ်တည်လာမှုက တောင်ကြီးက စိုင်းထီးဆိုင်၊ စိုင်းခမ်းသီ၊ စောဂျက်ဆင်၊ စောဂျော်နီတို့ရဲ့Highlanders အဖွဲ့နဲ့ မန္တလာမြေက The Outsider အဖွဲ့ကိုပေါင်းကာ တေးပြုဆရာ စိုင်းခမ်းလိတ်က အမည်ပေး တည်ထောင်ထားတာ ဖြစ်ပါတယ်။ ယနေ့မှာတော့ တေးပြုဆရာ စိုင်းခမ်းလိတ် ရေးသားခဲ့ပြီး အဆိုတော်ကြီး စိုင်းထီးဆိုင် သီဆိုခဲ့တဲ့ သီချင်းတွေကို တေးရေး မြင့်မိုးအောင်၊ ဂီတမှူး ဓိရာမိုရ် တို့က ပြန်လည်ဆန်းသစ်ဖို့ လုပ်နေပြီး တီးခတ်မှုအပိုင်းနဲ့ ပတ်သက်ပြီး မူလလက်ဟောင်း The Wild Ones အဖွဲ့သားတွေနဲ့ ဆွေးနွေးပြောဆိုတာတွေ မရှိသေးဘူးလို့ သိရပါတယ်။ #WhatsHappeningInMyanmar #RejectMilitaryCoup 1.3K·Oct 14

Photo 1.1K·Oct 14 https://burma.irrawaddy.com/news/2026/10/14/417022.html 1.1K·Oct 14 တက္ကသိုလ်ကျောင်းသားများ စစ်မှုထမ်းရမည့်သတင်း မမှန်ဟုငြင်းသော်လည်း မိဘတို့ စိုးရိမ်နေ ဧရာဝတီ၊ အောက်တိုဘာ ၁၄၊ ၂၀၂၆ တက္ကသိုလ်ကျောင်းသားများ ပညာရေး၂ နှစ် ယာယီရပ်နားပြီး စစ်မှုထမ်းရမည်ဆိုသော သတင်းမှာ မဟုတ်မှန်ကြောင်း အောက်တိုဘာ ၁၄ ရက်စွဲဖြင့် ပြည်သူ့စစ်မှုထမ်းဆင့်ခေါ်ရေး ဗဟိုအဖွဲ့က ထုတ်ပြန်လာသော်လည်း စိုးရိမ်မှုများ ရှိနေဆဲဖြစ်ကြောင်း ကျောင်းသားများနှင့် မိဘအုပ်ထိန်းသူများထံက သိရသည်။ စစ်မှုထမ်း မဲနှိုက်ရွေးချယ်ရာတွင် ပါဝင်ခဲ့သည့် တက္ကသိုလ်ကျောင်းသားများ သတ်မှတ်ကာလ ၂ နှစ် မဖြစ်မနေ စစ်မှုထမ်းရန် ခရိုင်အဆင့် စစ်မှုထမ်း ဆင့်ခေါ်ရေးအဖွဲ့များက ညွှန်ကြားထားသလို မဲအမှတ်စဉ် ၁၀၀ အတွင်း မဲပေါက်ထားသူများကို သုံးလအတွင်း စစ်မှုထမ်းရန် ဆင့်ခေါ်သွားမည်ဟု ပြီးခဲ့သည့် ရက်ပိုင်းက သတင်းများ ထွက်ပေါ်ခဲ့သဖြင့် မိဘအုပ်ထိန်းသူများကလည်း စိုးရိမ်နေခြင်း ဖြစ်သည်။ “အခုက အထက်တန်းကျောင်းသားတွေပါ မဲနှိုက်ရတာ၊ သားကိုယ်စား မဲသွားနှိုက်ခဲ့ရတာပေါ့၊ နံပါတ်က ၅၀၀ ကျော် ကျပေမယ့် တက္ကသိုလ်ကျောင်းသားတွေကိုလည်း ခေါ်မယ်ဆိုတဲ့ သတင်းတွေကြောင့် အတော် စိတ်ပူနေမိတယ်၊ ပြီးတော့ စစ်မှုထမ်းကြေးတွေလည်း မကောက်တော့ဘူးဆိုတော့ ပိုပြီး စိတ်ပူနေရတယ်”ဟု မန္တလေးမြို့ခံကျောင်းသားမိဘတဦးက ပြောသည်။ ပြည်သူ့စစ်မှုထမ်းဆင့်ခေါ်ရေး ဗဟိုအဖွဲ့ ထုတ်ပြန်စာ၌ စစ်မှုထမ်းတာဝန်မှ ယာယီရွှေ့ဆိုင်းနိုင်သည့်အချက်များအနက် ပြည်သူ့စစ်မှုထမ်းဥပဒေ ပုဒ်မ ၁၅ (က)(၃)တွင် ပညာသင်ကြားနေသူများဟူသည့် အချက်ကို အတိအကျ ဖော်ပြထားပြီး နေ့စဉ်ထုတ်သတင်းစာများတွင်လည်း စဉ်ဆက်မပြတ် ဖော်ပြပေးလျက်ရှိသည်ဟု ဆိုသည်။ သို့သော် နေပြည်တော်၊ ရန်ကုန်၊ မန္တလေးမြို့ကြီးများအပါအဝင် စစ်အုပ်စု ထိန်းချုပ်ထားနိုင်ဆဲဒေသများမှ တက္ကသိုလ် တက်ရောက်နေသူများနှင့် အထက်တန်းအဆင့် ကျောင်းသားကျောင်းသူများ စာရင်းကို မြို့နယ်အုပ်ချုပ် ရေးအဖွဲ့များက တောင်းခံထားပြီး ကျောင်းသား/ကျောင်းသူများအနက် မျက်မှန်တပ်ရသူ၊ ကျန်းမာရေးအရ ရေရှည် ဆေးဝါးသုံးစွဲနေရသူ၊ ကိုယ်လက်အင်္ဂါချို့ယွင်းသူ စသည်ဖြင့် ခွဲခြားကောက်ယူနေကြောင်း သိရသည်။ ပြီးခဲ့သည့် ဩဂုတ်လ၌ ရပ်/ကျေး၊ မြို့နယ်အဆင့် စစ်မှုထမ်းဆင့်ခေါ်ရေး စီမံခန့်ခွဲမှုဆိုင်ရာ ကိစ္စများကို ခရိုင်၊ တိုင်းအဆင့်က အလုံးစုံ လွှဲပြောင်းရယူပြီးနောက် စက်တင်ဘာလဆန်းမှစ၍ ရပ်ကွက်များနှင့်ကျေးရွာများတွင် မဲနှိုက်ရွေးချယ်ရာ ကျောင်းတက်ရောက်နေဆဲ အခြေခံပညာအထက်တန်းအဆင့် ကျောင်းသားများပါ မဲနှိုက်ရခြင်းဖြစ်သည်။ “လဝကရုံးက ချပေးတဲ့ နာမည်စာရင်းအတိုင်း ရပ်ကွက်ရုံးကနေ ခေါ်တာ၊ မဲနှိုက်ရတယ်၊ အခုမဲနှိုက်ရတာက အသက် ၁၈ ကနေ ၃၅ အထိ ကျောင်းသားတွေကအစ အကုန်နှိုက်ရတာ၊ ကျနော်တို့ရပ်ကွက်ထဲက ကျောင်းသား ၄၀ ကျော်လောက် ပါတယ်၊ ဒီနှစ်မှ တက္ကသိုလ်ဝင်တန်းတက်နေတဲ့ ကလေးဆိုရင် မဲနံပါတ် ၁၀၀ အတွင်းပေါက်တာ၊ အထက်တန်းကျောင်းသားမို့ ယာယီ ကင်းလွတ်ခွင့်ရအောင် လုပ်ပေးမယ်လို့တော့ ပြောလိုက်တယ်”ဟု ကိုယ်တိုင် မဲနှိုက်ခဲ့ရသူတဦးက ပြောသည်။ စက်တင်ဘာလမှစတင်ကာ လူစားထိုးရန်အတွက် စစ်မှုထမ်းကြေး ကောက်ခံနေသည့်စနစ်ကို ဖျက်သိမ်းပြီး မဲနှိုက်ရွေးချယ်ထားသည့် အစဉ်လိုက်အတိုင်း စစ်မှုထမ်းစေမည်ဖြစ်ကြောင်း၊ ယင်းသို့ ဆောင်ရွက်ရာတွင် ကျောင်းသားများအပါအဝင် မဲပေါက်သူမည်သူမဆို စစ်မှုထမ်းဆောင်ခြင်း ရွှေ့ဆိုင်းခွင့် သို့မဟုတ် ကင်းလွတ်ခွင့် မပြုရန် တင်းကျပ်ထားသည်ဟု အုပ်ချုပ်ရေးအဖွဲ့နှင့်နီးစပ်သူများက ပြောသည်။ မဲပေါက်ထားသည့် လူငယ်များ ထွက်ပြေးတိမ်းရှောင်ခြင်း မရှိစေရေးအတွက် သက်ဆိုင်ရာ ရပ်/ကျေး အုပ်ချုပ်ရေး အဖွဲ့များအနေဖြင့် မဲပေါက်သူ၏ မှတ်ပုံတင်နှင့် Smart Card များကို သိမ်းဆည်းထားပြီး လစဉ် ရုံးသို့ လာရောက်လက် မှတ်ရေးထိုးရန်၊ ခွင့်ပြုချက်မရှိဘဲ ခရီးသွားလာမှုများကို စောင့်ကြည့်ရန်နှင့် ထွက်ပြေးတိမ်းရှောင်ခြင်း မရှိစေရန် မိဘအုပ် ထိန်းသူများမှ တာဝန်ယူကြောင်း ခံဝန်လက်မှတ် တောင်းသည်ဆိုသော သတင်းများမှာလည်း မဟုတ်ကြောင်း ပြည်သူ့စစ်မှုထမ်းဆင့်ခေါ်ရေး ဗဟိုအဖွဲ့က ငြင်းဆိုသည်။ မန္တလေးတိုင်းစစ်မှုထမ်းဆင့်ခေါ်ရေးအဖွဲ့ က တာဝန်ရှိသူတဦးက “စစ်မှုထမ်းဆင့်ခေါ်တာမှာ သတ်မှတ်ချက်တွေအတိုင်းသာ ဆင့်ခေါ်နေတာမျိုးဖြစ်ပါတယ်၊ ကျောင်းသားဆိုရင်လည်း ဥပဒေ၊ နည်းဥပဒေပြဌာန်းချက်တွေအတိုင်း လုပ်ပေးနေတယ်၊ အမှန်တကယ်ကျောင်းတက်နေတယ်ဆိုတဲ့အကြောင်း လိုအပ်တဲ့စာ ရွက်စာတမ်းတွေနဲ့အတူ သတ်မှတ်ဖောင်တွေဖြည့်ပြီး တင်ပြလာတာမျိုးတွေကို ယာယီရွှေ့ဆိုင်းခွင့်ပြုပေးတာမျိုးတွေ လုပ်ပေးနေပါတယ်”ဟု ဧရာဝတီကို ပြောသည်။ ၂၀၁၉ ခုနှစ် ကြားဖြတ် သန်းခေါင်စာရင်းအရ ပြည်သူ့စစ်မှုထမ်း ဥပဒေနှင့် အကျုံးဝင်သူ အမျိုးသား ၆ ဒသမ ၃ သန်း၊ အမျိုးသမီး ၇ ဒသမ ၇ သန်း စုစုပေါင်း ၁၃ သန်းနီးပါးရှိပြီး လက်ရှိအချိန်ထိ စစ်မှုထမ်း ၁ သိန်း ၄ သောင်းခန့်ထိ ခေါ်ယူထား ပြီးဖြစ်ကြောင်း၊ ယခု အောက်တိုဘာလ၌ အပတ်စဉ် ၂၉ သို့ ရောက်ရှိနေပြီး စစ်မှုထမ်းစတင်ခေါ်ယူချိန်က အပတ်စဉ် တခုလျှင် လူ ၅၀၀၀ ခါ်ယူရန် ရည်မှန်းထားသော်လည်း လက်ရှိတွင် လူအင်အားပြည့်မီရန် အခက်အခဲများရှိနေကြောင်း သိရသည်။ Website တွင် ဖတ်ရန် 1.1K·Oct 14

An open web layer over public Telegram — search, stats and channel reading right in your browser, no account, no install.

Not affiliated with Telegram FZ-LLC; all data comes from public sources.

Catalog

Top channels Categories Countries Search

Content

Stickers Emoji Gifts Themes Wallpapers

Help

Tools Wiki Glossary Blockchain Safety Premium Advertisers Advertising

© 2026 TG.ME · G.Media network· Updated 10/14/2026 · v0.2.0 · 58bab48

Privacy Terms DMCA & complaints Report a violation

Similar channels

RFA Burmese44.9K subscribers

People's Spring59.6K subscribers

သတင်းမှန် ဖိုးစီ112.1K subscribers

Myanmar Now49.3K subscribers

VOA Burmese35.7K subscribers

Hlaing Info48.4K subscribers

Mizzima48.7K subscribers

DVB TV News41K subscribers