Channels

Top 100 Trending New

Categories

Crypto Gaming News Entertainment Music Sports Tech Gambling Bots and mini apps Finance Business Education Lifestyle Health Travel Auto Fashion Jobs Dating Deals and shopping

Stickers

Stickers Emoji Themes Wallpapers

Bots Gifts Tools

Currency

$ USD ₽ RUB € EUR ₴ UAH ₸ KZT ₺ TRY zł PLN ₪ ILS AED AED R$ BRL Rp IDR RM MYR ¥ JPY ₩ KRW CN¥ CNY

Theme

Português (Brasil)

Bahasa Indonesia

Беларуская

Українська

Channels Categories Stickers Bots Gifts Tools

Premium Wiki Glossary Legal

Notifications Settings Log in

The Irrawaddy - Burmese: post #66775 — TG.ME

The Irrawaddy - Burmese@theirrawaddy · 76.6K subscribers Open in TelegramOpen

t.me/theirrawaddy/66775

27

2

1

September 8, 2026 2.2K 4

More from this channel

ပဒါန်း၊ ပဲခူးတိုင်း၌ ပန်းတောင်း၊ ဧရာဝတီတိုင်းတွင် ရေကြည်၊ သာပေါင်း မြို့နယ်များမှတဆင့်လည်း ရခိုင်ဘက်သို့ ထိုးဖောက်နိုင်ရန် ကြိုးပမ်းနေရာ ဂွမြို့နယ်တွင်လည်း ရေတပ်သင်္ဘောများက ပင်လယ်ပြင်မှနေ၍ အမြောက်ကြီးများနှင့် ပစ်ခတ်ပြီး ကမ်းတက်ရန် ကြိုးစားနေသည်။ Website တွင် ဖတ်ရန် https://burma.irrawaddy.com/news/2026/09/08/416121.html 246·Sep 8 ပုဏ္ဏားကျွန်း ကျောက်ဖြူ စစ်တပ် ၄၉၂၆ စစ်ဆင်ရေး အကျအဆုံးများ လင်းသစ်၊ စက်တင်ဘာ ၈၊ ၂၀၂၆ အာရက္ခတပ်တော် (AA) လက်ရောက် နယ်မြေများပြန်ရရန် စစ်တပ် ၄၉၂၆ စစ်ဆင်ရေး အမည်ဖြင့် စက်တင်ဘာ ၄ ရက်မှ စ၍ စစ်တွေမြို့နယ်အစပ် ပုဏ္ဏားကျွန်းဘက်နှင့် ကျောက်ဖြူမြို့နယ် တောင်မော်ဦးရေတပ်စခန်းအကျော် ကျောက်ဖြူ- ရမ်းဗြဲ လမ်းဆုံ စနဲမြို့ဘက်သို့ တပြိင်နက် ထိုးစစ်ဆင်ရာ တိုက်ပွဲအစမှာပင် အထိနာပြီး နောက်ဆုတ်ရကြောင်း စစ်ရေးသတင်း ရင်းမြစ် များထံ က သိရသည်။ စစ်တွေမြို့နယ်၌ အမြင့်ကျွန်း (မင်းချောင်း) တံတား၊ ဝါဘိုကျွန်းနှင့် ရွှေမင်းဂံရေတပ်စခန်းအနီးတို့မှ စစ်ကြောင်း ၃ ကြောင်း နှင့် ပုဏ္ဏားကျွန်းမြို့နယ်ဘက် ထိုးစစ်ဆင်ခဲ့ခြင်းဖြစ်ပြီး လက်ရှိ စစ်ကြောင်းနှစ်ကြောင်း အထိနာကာ နောက်ပြန်ဆုတ်ရပြီး ဝါဘိုကျွန်းအနီးမှ စစ်ကြောင်းသာ ကျန်တော့သည်ဟု ဆိုသည်။ AA နှင့် နီးစပ်သည့် ဒေသခံသတင်းရင်းမြစ်တဦးက “အမြင့်ကျွန်းဘက်က တက်လာတဲ့ စစ်ကြောင်းကတော့ တော်တော်နာ သွားတယ်။ ပြန်လှည့်သွားကြပြီ။ အခု ဝါဘိုကျွန်းဘက်ကနေ တက်လာတဲ့စစ်ကြောင်းနဲ့ တိုက်ပွဲဖြစ်နေကြတယ်” ဟု ဧရာဝတီသို့ ပြောသည်။ စစ်တပ်က ပုဏ္ဏားကျွန်းမြို့နယ်ကို ပြန်လည် ခြေကုပ်ယူနိုင်ရန် လေကြောင်း၊ လက်နက်ကြီး၊ ဒရုန်းပစ်ကူများ အလွန်အကျွံ သုံး ထိုးစစ်ဆင်သော်လည်း တိုက်ပွဲပထမနေ့နှင့် ဒုတိယနေ့မှာပင် AA ၏ တန်ပြန်တိုက်ခိုက်မှုကြောင့် အမြင့်ကျွန်းတံတား နှင့် ရွှေမင်းဂံဘက်စစ်ကြောင်းတို့ အကျအဆုံးများ၊ အထိနာကာ နောက်ပြန်လှည့်ခဲ့ရကြောင်း သိရသည်။ ထိုတိုက်ပွဲများအတွင်း စစ်တပ်ဘက်က အထိအခိုက်၊ အကျအဆုံးများနေပြီး အလောင်းများပင် ပြန်မကောက်နိုင်ဘဲ နောက်ပြန်ဆုတ်နေရကြောင်း AA နှင့် နီးစပ်သည့် မြေပြင်သတင်းရင်းမြစ်က ပြောသည်။ လက်ရှိတွင် အမြင့်ကျွန်းရွာအနီး တိုက်ပွဲများငြိမ်နေပြီး ဝါဘိုကျွန်းဘက် တိုက်ပွဲပြင်းထန်ကာ ထိုတိုက်ပွဲအတွင်း စစ်တပ် အလောင်းနှစ်ဆယ်ဝန်းကျင် ရရှိ ထားကြောင်း မြေပြင်သတင်းရင်းမြစ်များက ပြောသည်။ “စက်သေနတ်သံတွေ၊ လက်နက်ငယ်သံတွေ ညံနေတယ်။ ပထမ တရက်နှစ်ရက်ကတော့ ပိုကြားရတယ်။ မနေ့က တရက် သိပ်မကြားရဘူး။ ဒီနေ့ပြန်ကြားရတာ။ တိုက်ပွဲ တော်တော်ပြင်းထန်တယ်။ စစ်တပ်က သူတို့ အလောင်းတွေနဲ့ ဒဏ်ရာရတဲ့ ကောင်တွေကိုတောင် ပြန်မယူနိုင်ဘူး ပြေးလာရတယ် ပြောတယ်” ဟု စစ်တွေဒေသခံတဦးက စက်တင်ဘာ ၇ ရက်တွင် ပြောသည်။ အလားတူ ကျောက်ဖြူမြို့၌လည်း စစ်တပ်သည် တောင်မော်ဦးရေတပ်စခန်းမှ AA ထိန်းချုပ်ထားသည့် စနဲမြို့ဘက်သို့ စက်တင်ဘာ ၄ ရက် တရက်တည်းတွင် စစ်တွေမြို့နှင့် တပြိုင်တည်း ထိုးစစ်စခဲ့ပြီး AA ၏ ကြားဖြတ် တိုက်ခိုက်မှုကြောင့် ဆယ်ချီ ထိခိုက်သေဆုံးကာ နောက်ပြန်ဆုတ်သွားရကြောင်း မြေပြင်သတင်းရင်းမြစ်များက ပြောသည်။ “ဒီနေ့ တိုက်ပွဲတောင် မရှိတော့ဘူး ဒီဘက်မှာ။ သုံးရက်လောက် ဖြစ်ခဲ့တယ် တိုက်ပွဲ၊ စစ်တပ်က အ၀တောင်နားမှာ တောင် သိပ်မကျန်တော့ဘူး နောက်ဆုတ်သွားရတာ။ စစ်တပ်က စထွက်လာတာနဲ့ AA က လက်နက်ကြီးတွေ၊ ဒရော့ဗုံးတွေနဲ့ရော မြေပြင်ကနေရော ဝိုင်းချတော့ တော်တော်နာသွားတယ်လို့သိရတယ်” ဟု မြေပြင်စစ်ရေးသတင်းရင်းမြစ်က ပြောသည်။ စစ်တပ်လော်ဘီ တယ်လီဂရမ်ချန်နယ်များတွင်မူ ရခိုင်ပြည်နယ် အတွင်း၌ ၄၉၂၆ စစ်ဆင်ရေးအဖြစ် ကြည်း၊ ရေ၊ လေ ထိုးစစ်ကြီးများ စတင်နေကာ AA အထိနာနေကြောင်း ဝါဒဖြန့် ရေးသားပြောဆိုနေကြသော်လည်း အစပိုင်းမှာပင် တပ်ဦးကျိုးပြန်ဆုတ်ခဲ့ရပြီဖြစ်ကြောင်း စစ်ရေးလေ့လာသူများက ပြောဆိုသည်။ “ကြားရသလောက် အတုံးအရုန်းနဲ့ ပြန်လှည့်ရတယ်။ စစ်တပ်ဟာ ဘယ်လိုမှ တန်ပြန်ထိုးစစ်လုပ်လို့ အဆင်မပြေတော့ဘူး” ဟု ရခိုင်ဒေသခံ စစ်ရေးလေ့လာသူတဦးက ပြောသည်။ စစ်တပ်သည် ကျောက်ဖြူ၊ စစ်တွေမြို့နယ်များတွင် မြေပြင်ထိုးစစ်များ ပြုလုပ်နေသလို တိုက်ပွဲဖြစ်ပွားရာနေရာများနှင့် စစ်ပွဲနှင့် မသက်ဆိုင်သော ကျေးရွာ၊ စာသင်ကျောင်း၊ ဘုရားပုထိုးများကိုလည်း လေကြောင်း၊ လက်နက်ကြီးပစ်ခတ်မှုများ နေ့စဉ် ပြုလုပ်လျက်ရှိသည်။ “ဒီနေ့ ဗုံးကြဲတာ သုံးခေါက်ရှိပြီ။ လက်နက်ကြီးလည်း ဆယ်ချီနေပြီ” ဟု စစ်တွေမြို့နယ်နှင့် ထိစပ်နေသည့် ပေါက်တောမြို့ နယ် ဒေသခံတဦးက စက်တင်ဘာလ ၇ ရက်တွင် ပြောသည်။ စစ်တပ်၏ လေကြောင်း၊ လက်နက်ကြီးပစ်ခတ်၊ ဗုံးကြဲမှုကြောင့် ပုဏ္ဏားကျွန်းမြို့အနီးရှိ ရှေးဟောင်းသမိုင်းဝင် ဂူဝဘုရား ရဟန္တာ ၅၀၀ ဆင်းတုတော်များနှင့် မြို့ပေါ်ရှိ စာသင်ကျောင်း၊ နေအိမ်များလည်း ပျက်စီးခဲ့ရကာ ဒေသခံထောင်ချီမှာလည်း ရွာ၌ မနေရဲကြတော့ဘဲ ဘေးလွတ်ရာ ထပ်မံ တိမ်းရှောင်နေရသည်။ ပုဏ္ဏားကျွန်းဒေသခံ လယ်သမားတဦးက “လယ်တွေ လုပ်ထားတာ အကုန် ပစ်ပြီးပြေးနေရတယ်။ ရွာမှာ အစောင့်တောင် မနေရဲတော့ဘူး။ စစ်တွေဘက်က လက်နက်ကြီးနဲ့ မိုးရွာသလို ရွာချနေတာ ဘယ်သူနေရဲတော့မလဲ” ဟု ပြောသည်။ စစ်တပ်သည် ရခိုင်ပြည်နယ် မြို့နယ် ၁၄ ခုနှင့် ချင်းပြည်နယ် ပလက်၀မြို့နယ်တို့အား လက်လွှတ်ထားရသဖြင့် အင်အား အလုံးအရင်းသုံးကာ AA ထိန်းချုပ်နယ်မြေများ တန်ပြန်သိမ်းပိုက်နိုင်ရန် ကြိုးပမ်းနေခြင်း ဖြစ်သည်။ ရခိုင်ပြည်နယ်အတွင်း ကျောက်ဖြူ၊ စစ်တွေ၊ သံတွဲ၊ ဂွမြို့နယ်တို့ရှိ AA ထိန်းချုပ်နယ်မြေများအား ထိုးစစ်ဆင်နေသလို ရခိုင်ရိုးမအရှေ့ဘက်ခြမ်းရှိ မကွေးတိုင်း မင်းတုန်း၊ 215·Sep 8 • MNDAA ရဲ့ ယမ်းဂိုဒေါင်ပေါက်ကွဲမှု အစုလိုက်အပြုံလိုက်သေဆုံး • အမြန်လမ်းက လူသတ် ကားလုယူမှု ကျူးလွန်သူအဖြစ် ရဲတဦး ဖမ်းဆီးခံရ • မြန်မာ့အရေး ICC ထံ လွှဲပြောင်းပေးဖို့ ကုလမဟာမင်းကြီး တိုက်တွန်း • ရေဦးမှာ စစ်တပ်ရဲ့လေကြောင်းတိုက်ခိုက်မှုကြောင့် အရပ်သား ၇ ဦးသေဆုံး • ကျားဖြန့်ဝန်းအတွင်း ခွဲစိတ်ခန်းတွေ့တယ်လို့ ထိုင်းရဲပြော နေ့စဉ်သတင်း၊ စက်တင်ဘာ ၈၊ ၂၀၂၆ https://youtu.be/zcwiNr_8tAw #မြန်မာ #ဧရာဝတီ #MNDAA #သိန္ဒီ #အမြန်လမ်း #ICC #လေကြောင်း #ကျားဖြန့် #နေ့စဉ်သတင်း #DailyNews #WhatsHappeingInMyanmar 1.2K·Sep 8 ဂျူးနှစ်သစ်ကူးပွဲ ကျင်းပခွင့် မပေးဖို့ ဖူးခက်ဒေသခံအဖွဲ့ တောင်းဆို ဧရာဝတီ၊ စက်တင်ဘာ ၈၊ ၂၀၂၆ ထိုင်းနိုင်ငံ ဖူးခက်ကျွန်း ပသောင်ဒေသရှိ ဂျူးဘုရားကျောင်း (Chabad) နှင့် ဟိုတယ်တခုတွင် ကျင်းပရန် စီစဉ်ထားသော ဂျူးနှစ်သစ်ကူး အခမ်းအနားကို ကန့်ကွက်သည့် တောင်းဆိုစာအား "ဖူးခက်မြေ ကာကွယ်ရေးအဖွဲ့" ခေါင်းဆောင် Saychol Nhuchet က ခရိုင်အာဏာပိုင်များထံသို့ ယနေ့ တင်သွင်းခဲ့ကြောင်း ဘန်ကောက်ပို့စ်တွင် ဖော်ပြသည်။ ၎င်းတို့အနေဖြင့် ဘာသာရေး သို့မဟုတ် လူမျိုးရေးခွဲခြားခြင်း မဟုတ်ဘဲ ကျွန်း၏ လုံခြုံရေး၊ ဘေးကင်းရေးနှင့် ခရီးသွားလုပ်ငန်း ပုံရိပ်တို့အတွက် စိုးရိမ်သောကြောင့်ဖြစ်ကြောင်း ၎င်းက ဆိုသည်။ “ပတောင်ဆိုတာ ကမ္ဘာကျော် ခရီးသွားနေရာတခုပါ။ အထူးသဖြင့် အစ္စရေးနဲ့ အီရန်ကြား အရှေ့အလယ်ပိုင်း ပဋိပက္ခတွေ ဖြစ်ပွားနေချိန်မှာ အခုလို လူအစုအဝေးကြီး စုဝေးတာဟာ ဒေသခံတွေနဲ့ နိုင်ငံခြားသား ခရီးသွားတွေကို စိုးရိမ်ပူပန်မှုတွေ ဖြစ်ပေါ်စေနိုင်ပါတယ်” ဟု ၎င်းက ဆိုသည်။ ဂျူးဘာသာဝင်များ၏ ပွဲတော်ဖြစ်သည့် ရော့ရှ် ဟာရှာနား (Rosh Hashanah) အခမ်းအနားကို သောကြာနေ့တွင် Chabad Patong Community Centre နှင့် နိုဗိုတယ် ပတောင် ဟိုတယ်တို့၌ ကျင်းပမည်ဖြစ်ပြီး Chabad တွင် လူပေါင်း ၆၀၀ ခန့်နှင့် ဟိုတယ်တွင် လူ ၄၀၀ ခန့် တက်ရောက်ကြမည်ဟု ပွဲစီစဉ်သူများက မျှော်လင့်ထားကြပြီး ရဲတပ်ဖွဲ့၏ လုံခြုံရေး အကူအညီ ပေးရန် တောင်းဆိုထားကြောင်း သိရသည်။ ပြီးခဲ့သည့် လပိုင်းက ဆမွေကျွန်းရှိ Samui Exotic Park တိရစ္ဆာန်ရုံ ပိုင်ရှင်များအား ခြိမ်းခြောက်မှုဖြင့် အစ္စရေးနိုင်ငံသားနှင့် ပြဿနာဖြစ်ပွားရာမှစ၍ နှစ်ဖက် လူမှုအသိုင်းအဝန်းကြား တင်းမာမှုများ ဖြစ်ပွားခဲ့ခြင်းဖြစ်သည်။ ထိုင်းဝန်ကြီးချုပ် အနုတင်က ထို အစ္စရေးနိုင်ငံသား ယာကော့ဗ် အိုဟာယွန် (Yaacov Ohayon) အား ထိုင်းနိုင်ငံအတွင်းမှ ထွက်ခွာရန် လွန်ခဲ့သည့်သီတင်းပတ်က အမိန့်ထုတ်ပြန်ခဲ့ပြီး တိရစ္ဆာန်ရုံ၏ ပြင်သစ်နိုင်ငံသား အစုရှယ်ယာရှင် ပူးတွဲပိုင်ရှင်အားလည်း အစ္စရေး ခရီးသွားများကို ခြိမ်းခြောက်မှုဖြင့် တနင်္လာနေ့တွင် တိုင်းပြည်မှ နှင်ထုတ်ရန် ထပ်မံ အမိန့်ထုတ်ခဲ့သည်။ အဆိုပါ အမျိုးသားနှစ်ဦးစလုံးသည် အမိန့်အား အယူခံဝင်ရန် အချိန်တပတ်ရရှိမည်ဖြစ်သည်။ နိုင်ငံခြားရေးဝန်ကြီး ဆီဟာဆက်က နှစ်နိုင်ငံ ဆက်ဆံရေးကို ကာကွယ်စောင့်ရှောက်ရန် ထိုင်းနိုင်ငံသို့ လာရောက်သည့် အစ္စရေး ခရီးသွားများအနေဖြင့် ထိုင်းယဉ်ကျေးမှုနှင့် ဓလေ့ထုံးတမ်းများကို လေးစားလိုက်နာကြရန်အတွက် အလေးအနက် ထိန်းကျောင်းညွှန်ကြားပေးရန် အစ္စရေး သံအမတ်ကြီး အလိုနာ ဖစ်ရှာခမ်းအား ယနေ့ တောင်းဆိုလိုက်သည်။ ဓာတ်ပုံ-ဘန်ကောက်ပို့စ် 1.2K·Sep 8

[media post] 972·Sep 8

An open web layer over public Telegram — search, stats and channel reading right in your browser, no account, no install.

Not affiliated with Telegram FZ-LLC; all data comes from public sources.

Catalog

Top channels Categories Countries Search

Content

Stickers Emoji Gifts Themes Wallpapers

Help

Tools Wiki Glossary Blockchain Safety Premium Advertisers Advertising

© 2026 TG.ME · G.Media network· Updated 09/05/2026 · v0.2.0 · cd00242

Privacy Terms DMCA & complaints Report a violation

Similar channels

45.5K subscribers

Open

People's Spring60K subscribers

သတင်းမှန် ဖိုးစီ113.8K subscribers

Myanmar Now49.6K subscribers

VOA Burmese36.2K subscribers

Hlaing Info49.4K subscribers

စစ်ခွေးသင်္ချိုင်း67.9K subscribers

Mizzima49.5K subscribers