🚨🚨🚨:
ИЛОН_ЙИЛИ
Муаллиф: Гулбаҳор Рахматуллаева (Хазонрезги)
Ҳаётий воқеалар асосида
🍂
— Қизим, — кеч бўлганда Севаранинг хонасига оҳиста қадамлар билан кириб келди Гулсара опа.
— Келинг, ойи, — Севара сурилиб ёнидан ойисига жой бўшатди
— Қизим, сенда муҳим гапим бор эди
Севаранинг узун киприклари нозик пирпиради, бироқ ўзи бир сўз демай онасининг гапини давомини кутди.
— Қизим, охириги келган совчилар адангларга маъқул келибди. Йигитнинг отаси бир пайтлар улар билан бирга ишлаган экан. Акаларинг бориб суриштириб келишиб фақат мақтов гап олиб келишди. Шу десанг...
— Ойи... Мен учун барчасини ҳал қилишга киришиб бўлибсизлар-у? Шунча ҳаракат қилибсизлар, мен бехабар... — хўрсинди Севара
— Қизим, сен бехабар нима ҳам иш қилардик? Аввал суриштирдик, маъқул келса сўнг бир тўхтамга келармиз дегандик. Ана бориб суриштирдик. Яхши, баъмани инсонлар экан. Туриш-турмуши ҳам саришта, позика экан.
— Бу билан масала ҳал демоқчимисиз, ойи? — ўпкаси тўлди Севаранинг.
—301—
ИЛОН_ЙИЛИ
Муаллиф: Гулбаҳор Рахматуллаева (Хазонрезги)
Ҳаётий воқеалар асосида
— Демоқчи бўлган гапларим бошқа, қизим. Сен уйдан чиқмаганинг билан маҳалладпгиларнинг оғзи тинмаяпти. Ўйлайсан-ки, бу гапларни гапириш менга осонми? Эл оғзига элак тутиб бўлмайди, ахир. Сени қўлингни сўраб ишлари битмай кетган совчиларнинг ҳам ҳиссалари кўп бу ишда. Ўша шаънингга ғийбат қилганларни қўлинг билан тутмаганингдан кейин қайси биридан ҳисоб сўрайсан? Айниқса Сарварнинг машмашаси маҳаллада дув-дув гап бўлди.
— Демак, одамларга гап-сўз бўлмай деб мен турмушга чиқишим керак а? — ранги бўғриқди Севаранинг
— Биргина бунинг учун эмас! Бу масаланинг бир томони, бироқ асосийси эмас. Асосийси эса сенинг бахтинг! Мен билан аданглар кўзимиз очиқлигида, қувватимиз борлигида сени бахтингни кўриб қолайлик деяпмиз. Нима бунга ҳаққимиз йўқми? Онанинг қадрини она бўлсанг биласан. Тўрт фарзандимиз бор, тўрттовингни ўрнинг бошқа. Учтанг ўзингдан тиндинг, Аллоҳга шукр. Улардан кўнглим тўқ. Бироқ сен ҳақда ўйласам еяётган луқмам, ичаётган сувим томоғимга тиқилиб қоляпти. Бу ҳолатни қандай азоблигини сен ҳатто тасаввур ҳам қила олмайсан. Адангда ҳам шундай ҳолат. Улар эркак киши бўлганликлари учун ҳаммасини биздан кўра юракка кучлироқ оладилар. Сен секин уларга разм солгин. Сочида қора толаси қолмади-ку адангнинг? Овқатга қўл узатганда бармоқлари титраётганини кўряпсанми? Қайси ота "Қизим эрдан ажраб келсин, мен бағримда олиб ўтирай!?" деб ният қилади. Ҳамма отаниям дуоси бир: "Қизим борган жойида туп қўйиб, палак ёзсин, ўзидан кўпайсин" дейди.
—302—
36
8
2
