Пойтахтимизда бўлиб ўтаётган «Ипак йўли мамлакатлари товарлари» IX халқаро кўргазмаси доирасида 3 сентябрь куни Хитой-Ўзбекистон савдо-инвестициявий ҳамкорлик форуми ташкил этилди. Анжуманда икки мамлакат тадбиркорлари, инвесторлар ҳамда давлат ташкилотлари вакиллари савдо-иқтисодий алоқаларни янада кенгайтириш истиқболларини муҳокама қилдилар.
Хитой компаниялари қурилиш, саноат, қишлоқ хўжалиги ва энергетика соҳаларида Ўзбекистонда қўшма ишлаб чиқаришни йўлга қўйишдан манфаатдор эканини билдирди.
Форумда сўзга чиққан Савдо-саноат палатаси вакиллари икки томонлама ҳамкорликни мустаҳкамлаш ва янги инвестиция лойиҳаларини қўллаб-қувватлаш муҳимлигини таъкидлади. Шунингдек, Палата икки мамлакат ишбилармон доиралари ўртасида ишончли ҳамкорлик кўприги бўлишга тайёрлигини қайд этди.
Тадбир якунида икки мамлакат тадбиркорлари ўртасида янги ҳамкорлик йўналишларини белгилаш, қўшма ишлаб чиқаришларни ташкил этиш ва инвестициявий лойиҳаларни амалга ошириш бўйича келишувларга эришилди.
Telegram 
Instagram 
Facebook 
Youtube
