ائله کی داریخدین... ائله کی داریخدین، هئچ کیمه دئمه، بیر آز خیال… — |شعر اوجاغی|

|شعر اوجاغی|@SheirOcagi · 3.4K subscribers Open in TelegramOpen

▫️ائله کی داریخدین...

ائله کی داریخدین، هئچ کیمه دئمه،
بیر آز خیال گؤتور، اؤزون‌له دانیش!
ییغیب بیر آرایا خاطیره‌لری،
ساحیلده اوتوروب دنیزله دانیش!

دانیش، اوره‌یینی بوشالت بئله‌جه
لپه‌لر دردینی یویوب آپارسین!
ایچینده سیزلایان یارالارینی،
کولک یارپاق کیمی بیربیر قوپارسین!

اوزاقدان ال ائدیب اؤزون-اؤزونه
هامینی بیر آخشام باغیشلا گئتسین!
گؤزوندن آسیلان یورغون باخیش‌لار،
سون دفعه ایسلانیب یاغیش‌لا گئتسین!

#تورال_جعفرلی
#شعر_اوجاغی
@SheirOcagi

t.me/SheirOcagi/25949 Translate