لو أنا بنت في منتصف ال 20 وتايهة المفروض أعمل إيه ؟
- إحساس "التوهان" في منتصف العشرينات طبيعي جدًا، وغالبًا سببه إنك في مرحلة انتقالية بين مراهقتك وطفولتك للدخول في حياة الكبار.
السن ده بيكون فيه ضغط من كذا اتجاه :
1) المقارنة بالناس ( اللي اتجوزوا واللي اتخطبوا واللي اشتغلوا واللي عملوا ...... ).
2) الخوف من التأخر وإن الناس سبقوني وأنا ضيعت حياتي.
3) اختيارات وطرق كتير ومش عارف احدد همشي فين واعمل إيه وبالتالي عدم وضوح الهدف.
عشان كدا بنحس بالتوهان.
طب أعمل ايه عشان اخرج من اللي أنا فيه ده ؟
1) ﴿ وَلَا تَمُدَّنَّ عَيْنَيْكَ إِلَىٰ مَا مَتَّعْنَا بِهِ أَزْوَاجًا مِّنْهُمْ زَهْرَةَ الْحَيَاةِ الدُّنْيَا ﴾، نوقف مقارنات ومنشغلش بالنا باللي حوالينا لأن كل إنسان له حكاية وكل إنسان له قصة مختلفة عن التاني.
2) نحدد 3 محاور هنشتغل عليهم وهما ( الدين - الدنيا - النفس )، اظبط علاقتي بربنا واظبط مستقبلي واطور من نفسي ونفسيتي.
3) نحدد أهداف قصيرة المدى يوميا و أسبوعيا وشهريا.
4) نبعد عن المشتتات قدر الإمكان.
فلازم نستغل الوقت ده في ما يفيد، ومش مهم اللي راح، لازم نعرف إن الدنيا لا تساوي شيئا، واحنا بنعمل لله.
وافتكرت مقولة ( اعمل لدنياك كأنك تعيش أبدا، واعمل لآخرتك كأنك تموت غدا ).
