بمناسبة الكليات والجمل الل بناخدها شماعة (أهي اللي لقيتها قدامي،… — رڪْن هٱدئ♡ — TG.ME

بمناسبة الكليات والجمل الل بناخدها شماعة (أهي اللي لقيتها قدامي، التنسيق حدفني ، مجموعي مجابش غيرها) المهندس أحمد عامر في درس السيرة النبوية، كان بيحكي عن مرضعة سيدنا محمد ﷺ، وهي السيدة حليمة السعدية، وإن هي قالت جملة أنا مش قادرة اتخطاها لحد دلوقتي: " والله ما أخذته إلا أني لم أجد غيره" وده بسبب إن سيدنا محمد ﷺ، كان يتيم الأب، فـ مكنش حد عايز ياخده، لكن علشان متروحش من غير رضيع، خدته انت متخيل إن ربنا كتب لها إنها تبقى مرضعة النبي ﷺ، وتنال الشرف ده، وتحل عليها بركاته وهي متعرفش، هي اخدته لمجرد إنه مفيش غيره فـ أنت محدش سرق حلمك ولا كليتك، وانت مدخلتش الكلية دي لمجرد إن مفيش غيرها، أو اللي مجموعك جابها، لا والله ربنا مختارها ليك انت بالذات، لإنه عالم إن ده أنسب حاجة ليك، ومش شرط تعرف الكلام ده دلوقتي المهم تبقى واثق إن الخير فيما اختاره الله