Кавсар сурасининг мўъжизалари
Кавсар – Қуръони каримдаги энг қисқа сура бўлишига қарамай, унда «10» сони билан боғлиқ ҳайратланарли мутаносибликлар мавжуд:
1. Суранинг ҳажми: Кавсар сураси Қуръондаги энг қисқа сура бўлиб, у атиги 10 та сўздан иборат.
2. Биринчи оят: Суранинг биринчи оятидаги сўзлар 10 та ҳарфдан ташкил топган.
3. Иккинчи оят: Иккинчи оятдаги сўзлар ҳам 10 та ҳарфдан иборат.
4. Учинчи оят: Учинчи оятдаги сўзлар ҳам худди шундай 10 та ҳарфдан ташкил топган.
5. Энг кўп келган ҳарф: Сурада энг кўп такрорланган ҳарф – «алиф» бўлиб, у мазкур сурада роппа-роса 10 марта келган.
6. Ноёб ҳарфлар: Сурада фақат бир мартагина ишлатилган ҳарфлар сони ҳам 10 тадир.
7. Оятларнинг якуни: Суранинг барча оятлари «ро» (ر) ҳарфи билан тугайди. «Ро» ҳарфи эса араб алифбосидаги 10-ҳарфдир.
8. «Ро» билан тугаган суралар: Қуръони каримда оятлари «ро» ҳарфи билан тугайдиган суралар сони жами 10 та бўлиб, Кавсар сураси уларнинг охиргисидир.
9. Зулҳижжанинг 10-куни: Суранинг иккинчи оятида қурбонлик қилишга (наҳр) буюрилган. Қурбон ҳайити (Явмун-наҳр) эса Зулҳижжа ойининг 10-кунига тўғри келади.
Аллоҳ таоло нақадар Пок ва Буюк Зот! Агар Қуръоннинг энг қисқа сурасида шунча мўъжиза мужассам бўлса, энг узун сураси ҳақида нима дейиш мумкин!
Аллоҳ таоло ҳақ сўзни айтган: «Агар бандамизга туширган нарсамизда (Қуръонда) шубҳангиз бўлса, унга ўхшаш биргина сура келтиринг...» (Бақара сураси, 23-оят).
Аллоҳ таоло барчамизга Кавсар ҳовузидан, Пайғамбаримиз Муҳаммад соллаллоҳу алайҳи васалламнинг муборак қўлларидан ичишни насиб этсин. Шундай ичимликки, ундан кейин абадий чанқоқ бўлмайди. Омин!
May 13, 2026 856 9
