ሕይወቴን ያደፈረሰው ምስጢር! ክፍል 21 የመንደራችን መስጂድ ከቤታችን ብዙ አይርቅም። በቀን አምስት ጊዜ… — 🌔የቀልብ ዶክተር🌔 طبيب القلب📿

🌔የቀልብ ዶክተር🌔 طبيب القلب📿@Qallbdoc · 32.2K subscribers Open in TelegramOpen

ሕይወቴን ያደፈረሰው ምስጢር!

ክፍል 21
የመንደራችን መስጂድ ከቤታችን ብዙ አይርቅም። በቀን አምስት ጊዜ የሚካሄደው የአዛን ድምፅ ወደ ቤታችን በግልጽ ይሰማል። ማይክራፎን ኑሮ አደለም ግን ሙአዚኑ ድምፃቸው ቀጥታ ነው የሚሰማው፡፡ ከዚህ ቀደም የአዛን ድምፅ ሲሰማ ልቤ በደስታ ይሞላ ነበር፡፡ በፍጥነት ውዱእ አድርጌ ለመስገድ እዘጋጅ ነበር።
አሁን ግን የአዛኑ ድምፅ ሲጀመር በውስጤ ከባድ የተቃወሞና የጭንቀት ስሜት ይፈጠር ነበር። ጆሮቼን በእጆቼ አፍኜ መሬት ላይ እወድቅ ነበር። «አላህ ሆይ! ለምን እንዲህ ይሆናል?» ብዬ እጮህ ነበር።
እናቴ አጠገቤ መጥታ «ልጄ የአዛን ድምፅ ነው አላህን አስታውሺ» ስትለኝ «አልችልም! ጆሮዬን ያመኛል!» ብዬ እጮህባታለሁ። እናቴ በዕንባ ተሞልታ ዱአእ ታደርግ ነበር።
ይህ የውስጥ ትግል እጅግ አሰቃቂ ነው። በአንድ በኩል በአላህ የማምንና እርሱን የምወድ ሙስሊም ልጅ ነኝ በሌላ በኩል ደግሞ በውስጤ ያለው ነገር የአላህን ስም እንድጠላ ያደርገኝ ነበር። ይህ ሁለት ዓይነት ስሜት አእምሮዬን ሊበታተነው ተቃረበ፡፡
አንድ ቀን ከሰዓት በኋላ አካላቴ ትንሽ ተረጋግቶልኝ ስለነበረ እናቴን ደግፌ ወደ ግቢው ወጣሁ። ንጹህ አየር መተንፈስ ፈለግኩ። ነገር ግን በመንገድ የሚያልፉ ጥቂት የመንደሩ ሰዎች እኔን ሲመለከቱኝ ቆሙ።
አንዲት ሴት አጠገቧ ላለችው ሴት በሹክሹክታ እና በአሽሙር «ተመልከቺአት... ፊቷ እንዴት እንደጠቆረ! በእርግጥም አጋንንት የያዛት ናት» ስትል ሰማሁ። የሴቲቱ ንግግር በሌሊቱ ጸጥታ ውስጥ እንደ መርፌ ወጋኝ።
ሌላው ሰው ደግሞ «ወደ እሷ ቤት መጠጋት የለብንም በሽታው ወደ እኛ ልጆች ሊተላለፍ ይችላል» የሚሉና የሚያንሾካሹኩ ይመስለኝ ነበር። እነዚህ ቃላት በሰዎች መካከል እንዲህ በቀላሉ ሲወጡ የማህበረሰቡ ጭካኔ ልቤን አቆሰለው።
እናቴ የሰዎቹን ንግግር ሰምታ «አላህን ፍሩ! በታመመች ልጅ ላይ እንዲህ አትናገሩ!» ብላ ጮኸችባቸው። ሰዎቹ ግን ሳይፀፀቱ መንገድቸውን ቀጠሉ። እኔም በደከመ እግሬ ወደ ክፍሌ ተመለስኩ ከሰዎች ጋር ዳግመኛ ላለመገናኘት ወሰንኩ...

#ፈጥነው_ይታከሙ_በቶሎ_ይዳኑ