Optometry

المثبته مهمه، وتختصر عليك كثير

اذا ودك تقرا من اول رسالة في القناة : https://t.me/Optometry2/2 اذا انت مخلص تحضيري واول سنة لك بالتخصص اضغط هنا : https://t.me/Optometry2/54 اذا انت خريج ثانوي وبتدخل تحضيري اضغط هنا : https://t.me/Optometry2/5 مصطلحات مهمه بتفيدك كطالب : https://t.me/Optometry2/3 هنا نتكلم عن التحضيري كامل : https://t.me/Optometry2/5 هنا نتكلم عن الخصوصيين : https://t.me/Optometry2/19 هنا نتكلم عن الغياب : https://t.me/Optometry2/44 هنا نتكلم عن الايبادات : https://t.me/Optometry2/45 هنا نتكلم عن الاعتذار والحذف : https://t.me/Optometry2/46 وهنا اشياء مهمه لازم كل طالب يسويها : https://t.me/Optometry2/48 قروبات وقنوات مهمه في التحضيري : https://t.me/Optometry2/49 هنا نتكلم عن اول سنة بالتخصص، وبرضو عن لون السكراب والمقابله وشرح الدكاتره كيف : https://t.me/Optometry2/54 هنا الشابترات لمواد اول سنة في التخصص : https://t.me/Optometry2/56 هنا نتكلم عن الدكاتره : https://t.me/Optometry2/185 توزيع الدرجات في التخصص : https://t.me/Optometry2/190 نقطة مهمه عن المواد بالخطه : https://t.me/Optometry2/191 هنا تكلمنا عن الحذف والاضافه : https://t.me/Optometry2/192 قناة تخص اول سنة بالتخصص : https://t.me/Optometry2/193

الى هذه الرساله، تقريبًا وضحت كل شيء يخص التحضيري واول سنة في التخصص من الالف للياء، بعدها انتم خلاص ماتحتاجون شيء يوضح لكم غير مواد المستويات القادمه فقط، وهذي سهله. واخيرًا، إن اصبت فمن الله، وإن اخطأت وقصرت فمن نفسي ومن الشيطان، المعذره على الاطاله لكن احاول قد ما اقدر ما انسى شيء ومابي اخلي شيء، نطلب الدعاء جزاكم الله خيرًا.

.

.

.

الترم الثاني بالتخصص بتنزل المواد انت بنفسك، لذلك شف التقويم الجامعي للسنه هذي وشف متى يفتح الحذف والاضافه او شف حساب عمادة القبول والتسجيل في تويتر. - طريقة التسجيل بسيطه، قبل تفتح الحذف والاضافه روح لموقع Myqu وسجل دخول لحسابك ثم ادخل على بوابة الطالب ثم التسجيل الالكتروني ثم المقررات المطروحه وفق الخطه، بتطلع لك شعب المواد للمستوى القادم، موادنا كبصريات ماينزل لها الا شعبه او شعبتين بالكثير، لانها مواد خاصه للبصريات فقط، فيفتحون على قد الدفعه، الشعب اللي يجيك جنبها مغلقه هذي ماتقدر تسجلها، لازم شعبه مفتوحه. - هذي اداة مسويها طالب الله يجزاه خير بتساعدك في ترتيب جدولك وشعبك، ماتشتغل الا في متصفح كروم : شرح كيف تضيفها : https://youtu.be/d2wEhJoYxz0 شرح كيف تستخدمها : https://youtu.be/xeRHqgGq-Nw استعراض الاداة : https://youtu.be/nayQ7IZVmWw - بعد ماترتب جدولك وتخلص تنزل تحت تلقى خيار نسخ ارقام الشعب انسخها واحفظها عندك، الى حين موعد فتح الحذف والاضافه. هنا شرح لطريقة الحذف والاضافه من موقع الجامعه : https://youtu.be/naxwQ8cOXEI

بخصوص المتطلبات للتخرج، لازم تخلص ساعات التخصص كامله وتخلص ٥ ساعات متطلب كلية و ٤ ساعات متطلب حر، ايش المتطلب كلية وايش الحر؟ متطلب الكلية هذي مواد تدرسها انت من خطة الاشعة او المختبرات، اساسيات الوراثه الطبية ٣ ساعات هذي متطلب كلية، بعد ماتخلصها يبقى لك ساعتين بس، وينزلونها لك هم في اخر ترم مادة اسمها تصميم تجارب اتوقع او طرق بحث، وحده من الثنتين ذولي هي اللي بيكملون فيها متطلب الكلية، المواد الحره طيب؟ مواد تدرسها برا خطتك ومن كليات ثانيه او من كليتك نفسها، اهم شيء هي مو موجوده بخطتك حتى في مواد المستوى الاول، هذي مطلوب منها ٤ ساعات لكن الافضل تاخذ ٣ ساعات مادة اولى و ٣ ساعات مادة ثانيه، لانك بتختار ماده بكيفك فلذلك اختر ماده سهله حيل وفيها ساعات كثير عشان ترفع لك المعدل.

بخصوص توزيع الدرجات، التوزيع ماهو زي التحضيري ٦٠ فاينل و ٤٠ ميد، التوزيع هنا يختلف، بعض المواد فاينل من ٥٠ او ٤٠ وبعضهم الميد ٣٠ او ٢٠ وهكذا، لكن فيه اسايمنتات، فيه كويزات، وفيه درجات بناءً على العملي وهكذا، بالعربي فيه توزيع درجات كويس جدًا، حاول ماتضيع عليك درجات الميد ابدًا وتكون دايم داخل الفاينل وانت مفلل ميد.

محمد الجاسر : دكتور سعودي برضو، بيدرسكم اساسيات الوراثه الطبيه بجزئية النظري، الدكتور عسل جدًا جدًا جدًا، تعامله وسلايداته وشرحه واختباراته كلها ممتاز فيها، مادته معقده لو بتحاول تفهمها لوحدك لكن ركز معه بالشرح وبتصير اسهل بكثييير، التوضيح للاشياء اللي ماتفهمها ماهو ذاك الزود لذلك ركز معه بتركيز مض…

بخصوص الدكاتره، بالمجمل الدكاتره كويسين، وقليل اللي شرحهم مو واضح واذا جاء شرحه مو واضح تكون سلايداته واضحه الحمدلله، واذا جاء مو واضح بالسلايدات تلقاه واضح بالشرح، نادر يكون فيه دكتور سيء بالاثنين كلهم، هنا بتكلم عن الدكاتره واساميهم بحيث تاخذون فكرة عن الدكتور وهذا بيساعدكم ان شاء الله. - الكلام عن الدكاتره اللي واجهتهم شخصيًا - رأيي عن الدكتور بالغالب بيختلف معي فيه اكثر من طالب درس عنده، وهذا طبيعي لكن اقل شيء بكون قربت لك الصوره تقريبًا عن الدكتور. - حامد سالم جاد المولى محمد : دكتور يدرس وظائف الاعضاء بشكل عام، اي جزئيه خاصه لوظائف الاعضاء احتمال يدرسكم فيها، الدكتور بالشرح ممتاز جدًا وبالسلايدات ممتاز، اختباراته ذكيه مافيها تركات زي مايقولون غالبية الطلاب لكن لازم تذاكر كل شيء لانه يسأل عن كل شيء تقريبًا، الدكتور مُلم بالمنهج والمجال حقه بشكل كبير جدًا، صراحةً انا اعتبره افضل دكتور موجود عندنا بالكلية، بيقول لكم ارجعوا للكتب والمصادر اللي بينزلها بالبلاك بورد لانه بيجيب منها بالاختبارات، صراحةً انا ماقد رجعت وكان يجيب بالاختبارات سؤال عليه ربع او نص درجه من الكتاب فقط، واذا كنت مذاكر كويس بتقدر تحاول على الاقل انك تجاوب، الدكتور بالدرجات يدف يعني يعطيك درجات من عنده، الدرجات عنده لا تشيل همها دايم يحاول يعطي، واهم شيء اذا شاف الكلاس كامل يتفاعل معاه هو ينبسط ويتساهل معاكم ان شاء الله، احتمال يغدر فيكم باختبار من اختباراته لذلك انتبهوا وذاكروا ياجماعه مهما كان سهولة اللي هو محدده للاختبار، وتراه من نوعية الدكاتره الاذكياء لا تحاول تستذكي عليه بمعنى لا تتأخر وتقول كنت وكنت وكنت وكنت، قول الحقيقه بس، سبق ودرسنا اساسيات وظائف الاعضاء بالترم الاول، والترم الثاني درسنا بجزئية الوظائف بمواد تشريح ووظائف اعضاء العين وعلم الاعصاب، حشو السلايدات وسط. - يحيى مكي بشارة : دكتور يدرس التشريح، اي جزئيه من اي منهج يجيك فيه تشريح، فاحتمال كبير انه بيدرسك فيها، درسنا اساسيات التشريح بالترم الاول ثم بالثاني درسنا جزئية التشريح في مواد تشريح ووظائف اعضاء العين وعلم الاعصاب، الدكتور شرحه يمكن ماتفهمه، كلامه ولهجته مو واضحه مره، لكن سلايداته جيده ماهي سيئه، بالاختبارات يمكن يغدر فيكم كثير ويجيب اسئله ماتنفهم اصلًا وصعبه لذلك انتبهوا منه، واحتمال يقول لكم ذاكروا كذا ثم يجي الاختبار تحصلونه ماجاب اللي قالكم ذاكروه، جاب شيء مخالف له تمامًا، هذا غير انه مرات يمكن يحدد لكم اللي معكم بالاختبار وتتفاجئون انه بالاختبار جايب شيء زياده عن التحديد، لكن ميزته انك لو تسأله عن شيء لوحدك فالدكتور مبدع مبدع مبدع مبدع مبدع جدًا، مايشرح كويس للمجموعه لكن اذا جيت تبيه يوضح اكثر فهو ممتاز جدًا، نفس حامد بيقول لكم ذاكروا الكتاب لكن نفسه برضو مايجيب، المجسمات اللي موجوده عنده جدًا ممتازه في توضيح المعلومات اللي هو يقولها لذلك استعينوا فيها وبعد ماتخلص المحاضره عادي اقعد عنده واسأله وخله يوضح لك بالمجسمات نفسها، مجسماته توضح لك جزئيه كبيره من المنهج وتخليها سهله بالنسبه لك، والدكتور يدف دف مو طبيعي لذلك حاولوا ماتزعلونه وخلوه رايق دايم لا يعصب عليكم، ولا تسألونه اسئله غبيه، ويحشي السلايدات حشي كثير. - نواف المطيري : دكتور سعودي ممتاز صراحةً في الشرح والسلايدات حقته وسط، تحتاج شرحه كامل عشان تفهم السلايد، الدكتور متساهل جدًا مع الطلاب ومخليهم براحتهم وحبيب لاقصى درجه، اختباراته جيده مرات يصعبه تكه ومرات يكون سهل، بيدرسكم في البصريات الفيزيائيه والبصريات الهندسيه في اول سنة، اهم شيء ركز معه بالشرح ولا تفوت محاضراته لانه يبني كثير على اللي بالسابق، سلايداته اذا قدرت تفهمها فأنت اختصرت على نفسك درب طويل لانها دايم صغيره وبسيطه، الشابتر مايتعدى ٢٠ سلايد دايمًا، الفكرة اللي بيشرحها بسيطه، لكن خلك مركز معه عشان يوصلها لك وهي بسيطه، لان اذا فهيت شوي يمكن تصير اصعب بكثير من اللي تتصوره. - ونيان الونيان : دكتور شرحه وسط وسلايداته ممتازه، اختباراته كانت وسط برضو، بيدرسكم مادة الكيمياء في العلوم الصحيه بس، وهي اعادة لمنهج التحضيري. - عارف : دكتور باكستاني بيدرسكم مادة اساسيات الوراثه جزئية العملي فيها، الدكتور شرحه وسط، شديد بالنظام، لا تخلونه يتنرفز لان لو تنرفز احتمال يولع فيكم، سلايداته جيده، اختبار الفاينل اسئلته كلها من اوراق العمل اللي تجي مع الشابترات، لذلك لازم تحلونها كويس جدًا، واجوبتكم تكون صح.

[media, no text]

[media, no text]

[media, no text]