Optometry: post #187 — TG.ME

محمد الجاسر : دكتور سعودي برضو، بيدرسكم اساسيات الوراثه الطبيه بجزئية النظري، الدكتور عسل جدًا جدًا جدًا، تعامله وسلايداته وشرحه واختباراته كلها ممتاز فيها، مادته معقده لو بتحاول تفهمها لوحدك لكن ركز معه بالشرح وبتصير اسهل بكثييير، التوضيح للاشياء اللي ماتفهمها ماهو ذاك الزود لذلك ركز معه بتركيز مضاعف. عبدالعاطي احمد : بيدرسكم مقدمة لعلم النفس، منهجه غثيث ومادته غثيثه وشرحه اغث، اختباراته مقاليه اغلبها، لكن يمشي الهبد يعني لو بتعبر من كيسك يمشي لك ايمن موسى : دكتور يخاويك من الاخر، ماعنده مشكله يجي يذاكر ميد معك ويقولك امش نطلع نتمشى من كثر ما انه يتقرب من الطلاب والطلاب يحبونه، شرحه ممتاز لانه ارتجالي مايلتزم بالنقاط ويمشي عليها، تلقاه يبدا ثم فجأه يعدي ٦ ٧ سلايدات بالراحه ويكمل، يشرح لك اللي انت يمكن ماتفهمه، الباقي تقدر تفهمه بنفسك، اختباراته رهيبه جدًا لكن ذاكر لها كويس، مادته عناية طوارئ، متساهل مع الطلاب جدًا ويحسسك انه خويكم صدق ترى بس انتبهوا تزعلونه، وانتبهوا يدري انكم تعلمون البنات شيء، ذكوري تكه الولد. - يوسف الدباسي : اسطورة التخصص، مؤسس القسم، الشامخ الله يعزه، بيدرسكم مادة وحده بس، مقدمة في البصريات، سلايداته حشو فضيع، لكن اختباراته معطيك حريه تهبد له ببعض الاسئله ويمشي لك، اسئلته تركز على انك تعبر وتفهم انت وش كاخصائي بصريات، مو انت وش حفظت لي لذلك مهم تفهمون مادته، شرحه ماقد ركزت بمحاضراته لاني كنت اسكبها صراحةً لكن ركزت معه مره واشوفه كويس جدًا، من نوعية الدكاتره اللي مايهتم كم تجيب عندي، بيعطيك أ+ عادي بس اهم شيء افهم معي انت وش كبصريات، وش مجالك ووش تسوي ووش ماتسوي بالضبط، بيزنقكم بالاسايمنتات شوي ويمكن هذي النقطه السلبيه فيه، لكن ماعليكم مقدور عليه ان شاء الله. وتراه بروفسور بصريات لذلك نادوه بروف. يوسف الدباسي لا تنادونه دكتور يوسف، اذا واجهته حاول تسأله عن كل شيء بخاطرك عن البصريات لكن مو الاسئله حقت الكلاسات والاختبارات والاشياء الجامعيه هذي، اسأله عن اشياء ومواضيع لها علاقه بالتخصص.