Hududlarda istiqomat qilayotgan aholining sohaga oid muammolarini bevosita tinglash, murojaatlarni o‘z vaqtida ko‘rib chiqish va amaliy yechimga yo‘naltirish maqsadida fuqarolar bilan doimiy ravishda ochiq muloqotlar tashkil etib kelinmoqda.
Bugun Yashnobod tumani “Ma’rifat” MFY binosida navbatdagi sayyor qabul o‘tkazildi. Unda Toshkent shahar Qurilish bosh boshqarmasi boshlig‘i o‘rinbosari — Bosh muhandis Jasur Rahimov, tuman qurilish bo‘limi mutaxassislari hamda mahalla fuqarolar yig‘ini vakillari ishtirok etdi.
Qabul davomida 10 ga yaqin fuqarolarning qurilish va kadastr masalalari, noqonuniy qurilmalar, hududdagi ichki yo‘llar hamda aholiga qiyinchilik tug'dirayotgan qurilish obyektlari bilan bog‘liq murojaatlari atroflicha o‘rganildi.Har bir masala yuzasidan huquqiy va amaliy tushuntirishlar berilib, qo‘shimcha muddat talab etadigan muammolar mas’ullar nazoratiga olindi. Ayrimlari bo‘yicha mutasaddilar joyiga chiqib, mavjud holatni bevosita ko‘zdan kechirdi. Mavjud holatlarni tegishli tashkilotlar bilan hamkorlikda batafsil ko‘rib chiqish va fuqarolarga amaliy ko‘mak berish bo'yicha aniq vazifalar belgilandi.
Rasmiy sahifalarimizga a'zo bo'ling
|
Web| 
Instagram|
Facebook|
Telegram| 
Youtube|
