اغار اعليك من عندي
وعدوي الحبك بكدي
وكتبت اسمك على ضلوعي
بعيد اعلى الكلب زندي
وعفت كل اليعرفونك اريد اتذكرك وحدي
بس من اللزم يفوفك انا اتذكر كلب عندي
وما دامك بعيد تنام ما ينشف دمع خدي
يالعشت بوسط عيني بشر مخفي
وكل ما امسح دموعي اشوفن وجهك بيفي
أنا بلياك ماي اعله الرمل محفي
وارفض غيرك يلمني
واقبل بيدك اتشضى
اويه غيرك بالصدك ما عيش
ووياك بحلم ارضی
وكل ما تبتعد عني
يكبر بيه الك حبي
فركتك غيرت وجهي لين ما غيرت كلبي
بعدني أويه الصور احجي
واذا يمك اكض دمعي اشوفك بالحلم وابجي
واضم روحي اذا غيرك يدروني
وغيابك نشف دموعي
من از علك بيش تعذرني
كلشي بدونك يضرني
بجفاك الفي يسومرني
او مو الا انت خوفي اعليك يكسرني
انام مصوب وزعلك يسهرني
الشاعر عمار سالم
