سوله اشيفضها اويه الگلب يهو الترف بي حاله حاصود يلهث منجله ورد خالي… — الشاعر عمار سالم

الشاعر عمار سالم@makgs · 4.1K subscribers Open in TelegramOpen

سوله اشيفضها اويه الگلب يهو الترف بي حاله
حاصود يلهث منجله ورد خالي مدري اشماله
لا حصد هرفي اولا بطي ومتهوم ذيب اچماله
طري ينجمة الصبح بعد ليل يولاله
طري ينجمة الصبح بعد ليل لو مامش
من ضيعت سيف الصبر چا گلي بيش تقارش
ضل عمري سباح بحر والموج كلش دايش
يحبابي يا شط السمچ
بالزورق ادخال الشبچ
رگاع وبديرة عفچ
أمري ويهد برحاله
طري ينجمة الصبح بعد ليل يولاله
طري ينجمة الصبح بلچي الحزن يتشاوه
انه الضعيف اويه العشگ بالله شجاني اتلاوه
يا ليل خطيت الشعر مذبوح موش ادفاوه
ما گلت حچيي الوافي
عجزت تنگله اشفافي
فز منه حرفي الغافي
من گد ندس عذاله
طري ينجمة الصبح بعد ليل يولاله
*
الراحل محسن الخياط 💔

t.me/makgs/2089 Translate