እግረ መንገድ...
እንደ ክፉ ድግምት አዙሮ እንደሚጥል
ማደግ አይቅናችሁ የተባልን ይመስል
ተመልሰን ጥሬ ተመልሰን ብስል
ባለጌ ሲነግስ ጨዋ ወንበር ሲለቅ
ጎራዴ ባንመዝ ግንባር ባንዋደቅ
እንደ ሕዝብ እንደ ሀገር
ደግሞም እንደ አህጉር
ልማዳችን ሆነ
በመፈክር ሹመን በመፎከር መሻር
እስኪ አሁን ማን ይሙት
በሰላማም አገር
በመስጊዳም አገር
በገዳማም አገር
ምን ሀይል ኑሮት ነው_
ሰላም ላንጣ የሚል ጠብመንጃና መውዜር ?
እንደ ሕዝብ እንደ ሀገር
ደግሞም እንደ አህጉር
ሕዝቡ ያነገሰው የተቀባው ንጉስ
በትረ መንግስቱን በበትሩ ሊያድስ
ጥቁርን እንደ እህል
በራሱ መሬት ላይ ሲወቃው ይውላል
ጥቁርም አይነቃ
ደሙ ፈሶ ፈሶ
ስጋውም በስብሶ ለሀገሩ ካልበቃ
የኖረ አይመስለውም እንዲሁ ነው በቃ
የአፍሪቃ መሪ እንደሁ
ነፃነትና እህል እኩል የሚያስርበው
ከድቅድቅ ጨለማ አርነት ሲያወጣ
ጦር እየሳበ ነው ሰላም የሚያመጣ
የአፍሪቃ መሪ እንደሁ
አይንህን በፅልመት አጣምሮ ቸንክሮ
አምፖል ነኝ ይልሃል ፀሐይህን ሰብሮ
የአፍሪቃ መሪ እንደሁ
ልክ እንደ መለኮት ደመና እያዘዘ
በወንፊት ዘግኖ ነፋስ እየያዘ ሕዝቡን ይመግባል
መድሐኒት ያጣ'ለት ተስፋ ይከትባል
አይዞህ የኔ ትውልድ
መና ቢስተንም ጥጊት ዘንቦልናል
እንደ ሕዝብ እንደ ሀገር
ደግሞም እንደ አህጉር
ከተጫነን ቀንበር የሚገላግለን
"ፍሪደም" ስንለው ፍሪዳ 'ሚያበላን
እስኪመጣ ድረስ
ኑሮ ቢከብድህም ቢጭንህ አበሳ
እግረ መንገድህን መኖርክን አትርሳ
✍️✍️መኳንንት መስፍን
#From our subscribers
@loret_tsegaye
@loret_tsegaye