نامى زعلانه يكش تنفلقى !
فى بدايه جوازى من بعد ولادتى الأولى ب٣ شهور
كعب رجلى جت عليه فترة وجعنى بسبب الأملاح، ولما جيت اروح لدكتور
جوزى كان مش موافق، ورفض جدا وقلى
- انى لازم اروح لدكتورة مش دكتور !!
ولأنى بعاند فى الصح والغلط عمال على بطال، وبهيص فيه فعاندته وقولته
- لأ الدكاترة أشطر وهتعرف أسرع
= مكنوش ادو شهاده الطب هي هي للدكتورة برضوا
المهم زعلت منه، رغم انى إن اللى غلطانه مش هو !
وقعدت على الكنبه وكبريائى حايشنى انى أقوم اعتذر
وهموت من الوجع بس مستحمله وراسى فيه مليون جزمه انى أروح لدكتور
لقيته طلع بعد ساعه، مسخن ميه بملح وحاطتها فى طبق كبير بتاع الغسيل
وجه قعد حط رجليا فيها، وهو بيردد
- طالما مفهاش دكتورة اشوفها أنا واريحها لعل الشفاء على أيدي يارب
وقسما بالله العظيم تلاته، أنا مجرد ما حط رجلى نار رجلى بردت وحسيت براحه ما شوفتها من يوم التعب دة مجالى
ورغم انى مكلمتوش .. وجه عمل كدة، وأثناء ما بيدعك رجلى بيتمم كلام
'' بسم الله الشافى المعافى، بسم الله الرحمن الرحيم، اللهم عليك بالشفاء ونحن علينا بالأسباب
اللهم انها منى وانا منها فلا تصبيها ضرراً إلا وكان لها منه خيراً واشفيها يا ارحم الراحمين '' 💙
خلص وقعد يجى ربع ساعه يدعكها وقام دخل جوة حضر الاكل اللى كان بايت من إمبارح، وسخنه
مش بس كدة .. دة حطه قدامى على الكنبه وكان بيأكلنى كنوع من الصُلح رغم انى أنا اللى غلطانه !
'' بصراحه مقدرتش قومت ضحكت وهزرت معاه وقلبها فرفشه ''
وفى قعدة صفا لقيتنى بقوله
- أنا عاندت معاك ، أنا أسفه أنا غلطت
'' يبوس راسى ويقولى ''
= وأنا لو عاندتينى بدل المره ألف هصالحك عارفه ليه
- ليه ؟!
= عشان اللى بنا مش هين، وعشان لما ازعل منك تتعلمى، تعملى ايه !
ها لسه برضوا عاوزة تروحى لدكتور
- لأ توبه والله، وأنا كنت بهزر والله دة انت راجل يعنى
= عارف عشان دى ساعه شيطان، فأنا أخدت بايدك المرة دى، متنسيش المرة اللى جايه تفوقينى زى ما فوقتك كدة بالطيبة
من يومها وهو لما بيتعصب بعمل معاه نفس الحاجه واجرى اطبطب واحن عليه زى ما علمنى
ويشهد ربنا بقالنا ٨ سنين عايشين ناقر ونقير بس باللطف
عايشين كل واحد فينا يستحمل وعمرنا ما ملينا وربنا يشهد على قولتى فى حقه والله
ويشهد كمان إنه درس اتعملته من أخلاقه وحنيته عليا كزوجه، عملنى يعنى ايه تطيب الخاطر وقت الشد وقله الحيله
مشيت بالمبادئ دة فى حياتى .. انا اتحبيت اوى من الناس وكونت صحاب وقربت من اخواتى اكتر
انا اتعلمت من جوزى اللى لو قعدت قرن من الزمان مش هعرفه والله 💙
#cpd
18
3
1June 2, 2026 1.4K 5
