السلام عليكم..
عارفين من النعم العظيمة ال ربنا أنعم علينا بيها الزواج ، اه والله
ماتصدقوش ال بيكرهوكوا فيه ، مسئولية وأولاد وبلا بلا
مااحنا مااتخلقناش عشان ناكل ونشرب بس
فين انجازاتك
قبل الزواج بالنسبالي مكنش في انجازات بعملها
بعد الزواج بقا
✔️بيتك المُرتب ال بتبدعي فيه دا أنجاز عظيم
✔️غسيلك الكتير ال كل يوم بتغسليه وتطبقيه انجاز
✔️انك تصحي الصبح تفطري زوجك وأولادك فطار صحي من أعظم الانجازات
✔️انك تقعدى مع أولادك تذاكريلهم وتحفظيهم قرآن ، وتعلميهم أموور دينهم من أعظم وأجل العبادات والانجازات
وعشان تحسوا ان الحياة وردي وجميلة ، لازم تستمتعي بوقتك لو وقت صغنن أوي ، بس لازم تشحني طاقتك ، لازم تتخلصي كل آخر يوم من طاقتك السلبية
عشان نبدأ يوم جديد بطاقة جديدة
وأهم حاجة نكون راضيين ونتعايش مع اي ظروف بنمر بيها بلاش صياح كتير
الرضا كنز عظيم بجد ، اساس السعادة وراحة البال
يارب راضينا وارض عنا 🤎
يارب كل أيامكم هنا ودفا وحب ، ويارب اجعل بيوتنا مليانة أُنس ومحبة 🤎
12May 6, 2026 1.5K 7
