(سادة الوجود)
ياسـادتـي ياســادة الــوجـود
قيدوني يمكم محلى هالقيود
ويـاكـم اضـل الـيـوم يبـعـثـون
ولمـصابـكـم تـتـعـفـر الخـدود
من النجف بشـفافي مَر طعم الشهد
من صوت الساني ب علي حيدر مدد
وتــذوقـت طـعـم الحـنـان بهالأرض
ومو غـشـيم شـلـون أهاجـر هـالـبـلد
الهجره عنكم اشد انواع العذاب
ياحـقـيـقـة ابــيــن ألاف الـسـراب
الله يـمكم للعـشـك فاتـحـله باب
يا ال محمد...يا ال محمد
"""""""""""""""""""""""""""""""""""""
الريـه تـستـنشق هـوى الحــيـاء
واصل الـهـوى وماهـيته كــربلاء
من الحسين وللحسين اعــيش
واكضي الـعمـر ابچـيـله بالـعـزاء
يضل بيه شي ناقص وابد مايكتمل
وعمري كله وحالي يبقه مضدحل
وابقه الضعيف الضايع الماله درب
لو ما رحمتك سيدي يا ابا الفضل
ياســلام الله عـليـكـم ياســلام
يبدي من العلكمي الباب الخيام
وينتـهي بأخـر مـوأقـيــت الـكـلام
يا ال محمد...يا ال محمد
"""""""""""""""""""""""""""""""""""""
لاحـل الي ولا انـدل الـرشـاد
وحاچيت گلبي وكتله بالسداد
مـن تنـظـهـم للـكاظمـية روح
الموسئ اعتني ياگلبي والـجواد
ابيبانهم واشـتم عـطر من الـرضا
وحن الگلب لزيارته وضاك الفضا
وبلا شعور دموعـي تتـجاره بقـت
والشوك يكتل والصبر بيه انـكضا
ويلي يادرب الرضا وذاك الحنان
من زمان اتمنى ازورك من زمان
والصبر للشوك اصعب امـتحان
يا ال محمد...يا ال محمد
"""""""""""""""""""""""""""""""""""""
لا مايـكـملن سبــعتي الـوضـاح
ولاطاب جرحي وباقي بالجـراح
يـتـحـققن بـس لاكـن بشــروط
بسـامـره لازم روحـي تـسـتراح
من اوصل العتبتهم اتسأل حزن
بياطور غايبكـم على الخيـمة يـون
بيا وادي عايـش يا ارض يامـنـزلـة
يرتاح لليلة وهم يغمضـله جـفـن
شلون يهداله گلب لو لليلة طاب
أنذبح طير من الخيم طير الرباب
ويبچي للسوه وساده من التراب
يا ال محمد...يا ال محمد
"""""""""""""""""""""""""""""""""""""
عـجـل لنا ياربـي بالضـهور
لـزيـنـب وقـلـبهـا الصـبور
وعنده ثار وثـاره مايضيـع
وبدم يرده دمعة الخدور
ماباقـي الا ايام مـعـدودة عـدد
يجي يومه ويجي الثاره عالوعد
ومـثـل ماكالـتـه زيـنب بالقـصر
والله ماهـذا الـجـمـع الا فـنـد
صوت يصدح يوصل السابع سماء
يالـثـارات الضـلـع من الـعــزاء
ويالـثـارات الذبـيــح ابـكـربــلاء
يا ال محمد...يا ال محمد
"""""""""""""""""""""""""""""""""""""
كرار حسين الطائي
September 21, 2025 748 13
