(انتظار)
مابين انتظار مولاتي فاطمة العليلة لوالدها الحسين ع
والانتظار في الجانب الاخر بين مولاتي نرجس لولدها مولاي صاحب العصر والزمان (عج)
بيـن اثـنـيـن الـيـنـطرن
العليلة ونرجس الغايب
التـانـي ابـوهـا حـسـين
والـتـانـي بـگـلـب ذايـب
العليلة الغـاب والـدها
وثار المـهـدي ماجـايـب
بين التـانت بلـهـفـه
وبـيـن التـانـت الـثـار
العليلة الراح والدها
وبقت وحدها بالدار
ونرجس وين غايبـها
الغـرب عن الانـضـار
بين الي تتاني حسين
وبين الماله شوف بعين
ذابحهن ترى هالبين
"""""""""""""""""""""""""""""""""""""
والتاني بگلب مفجوع
وتلوب لحالها بالدار
كل مامر ضعن بيها
تسئل منه ماكو اخبار
وكل البال عبد الله
كبر لو بالمهد يندار
يخلص يومها بدموع
لمن تكتبله مرسال
الدمع بلل رسالته
التسئل بيها عالحال
يبويه شحال عبد الله
كبر ويماشي الاطفال
اشتياق باول الموضوع
رساليها غركن بدموع
من مفجوعه للمفجوع
"""""""""""""""""""""""""""""""""""""
الشوگ المامخلي عيون
قل الـشـوف بالـنـظرات
والـفـكـدت ابـنـه الـيـل
يكضي مناشغ وحسرات
من يجـبل علـيه غـروب
تموت بـحسرت مـتانات
والفكدت ولدها شلون
تنسه ولحظة ماتذكر
غير المهدي وسط البال
ماكو ابالها يخطر
هاي امه التكضي اليل
بس لوليدها تنطر
دمع بالعين ضل يبات
اهات وبچي وحسرات
دموع وشوك ومتانات
"""""""""""""""""""""""""""""""""""""
عمرهن خلص متانه
لحد ماماتهن بهمن
كلمن دارها وحشة
وخليه الله يساعدهن
العمر خلص وماجاهن
غايبهن حظر يمهن
بين التكتب المرسال
وبين بصحرى منتظره
واليتاني بضع أيام
موش يتاني كل عمره
حگهن لو يمتون شوك
الگلب شيصير ويصبره
الميت عينه نظره تبوك
اليخلص عمره بس بشوگ
اهون من بشر محروك
"""""""""""""""""""""""""""""""""""""
كرار حسين الطائي
لطلب الحن @kararhussin9
August 25, 2026 87 3
