يا الله يا الله) ما للعبد إلا مولاه دوما يدعوه يـلقاه يا الله ارزقني… — كرار حسين الطائي

كرار حسين الطائي@ka_7u · 589 subscribers Open in TelegramOpen

(يا الله يا الله)

ما للعبد إلا مولاه
دوما يدعوه يـلقاه
يا الله ارزقني دموع
يا اللهُ يا الله

يمن ماحدك بهالكون اي حد
ومارديـتـه خالي الجف النـمد
اريد ادمـوع ترزقني للـحسين
رفعت ايدي الك يارب محمد

يالله....ارزقني الاه
للـمـاله واحـد شالـه مـن فـوك الـتـرب
يالله....واويلاه
ضامي انذبح واعلى الوجه ضل منگلب

"""""""""""""""""""""""""""""""""""""
ان كـان هـذا يــرضـيـك
وبطفله الشاله يـوافـيـك
انريـد نوافـيله بدمـعتـنـه
وعالدمعة ابيش انجازيك

حسين الخاطرك ركضن بناته
وعقيـلة حـيـدر ابـين الشمـاته
كل هاي وبعدها يريد يرضيـك
وعـطـشـان شـكثر صلـه صلاته

للمذبوح...هاي الروح
تطـلع اذا ناعـي نـعى ابـطـور الـحـزن
للمذبوح...والمطروح
كون ابچي حد ماينطبك هذا الچفن

""""""""""""""""""""""""""""""""""""
ماصارن سبـعة ومبـنـيـه
ولا صارت ارضا مدحيه
خالقهن كلـهن لعـيونـه
وركـضلك بالـطـف بنـيـه

والـعايـب جنـاحـه بـمهـده طيرتـه
مو فوك النجم للـسبـعـة وصـلتـه
مگـلـوب انـذبح عطـشان مـذبـوح
حسين الزهره بين الضلع شاتلته

للعطشان...الماله اخوان
اكضـي الـعمـر بس بنـواعي كـربله
للعطشان...والتعبان
ومن عنده ضاعة عايله بنص الفله

""""""""""""""""""""""""""""""""""""
بـجـرحـه اتــچـيـت اتـگــوه
وكلـشـي بــدونــه مايـسـوه
بس حزنه اليستاهل دمعي
وابـچــيـلـة بسـاعـت خـلـوه

ابچي وما اتـانـي الـناعي مـن يـنـعى
واول روح تـحـيئ بـسـاعـة الـدمـعـة
واحـقـق امـنيـاتي بدمعـي للعطـشان
بصدره الخيل داست هشمت ضلعه

ماتانيت...واندرايت
الواحد وغضيت عالكل ناضري
ماتانيت...لو حبيت
ما الحـب الا للـحـبـيـب الاولي
"""""""""""""""""""""""""""""""""""""
كرار حسين الطائي

@kararhussin9

لطلب الحن

t.me/ka_7u/330 Translate