سلام دوستان
حضرت زهرا (س)
دردین دئمدی
نیه زهرا گوره سن یارینه دردین دئمَدی
گیزلدوب دردینی دلدارینه دردین دئمَدی
اوجِ بیماریده یاتدی نئچه گون زحمتیلن
دانیشوب طالبِ گفتارینه دردین دئمَدی
هله ده سینهٔ تاریخیده پنهاندی ندن
فاطمه محرم اَسرارینه دردین دئمَدی
طاقت وصبرینی ترجیح ویروب یاره سینون
دردینون سوزشِ بسیارینه دردین دئمَدی
هر زمان آلدی خبرحالینی زهرانین علی
سعی ایدوب غصّه لی غمخوارینه دردین دئمَدی
نگرانیدی اؤزیندن چوخ علینون غمینه
اودی که حیدر کرّارینه دردین دئمَدی
علتی واردی علیدن نچه گون حایل ایدوب
چادرین نیمهٔ رخسارینه دردین دئمَدی
گورمیه سیلی یرین ایستدی سلطان غریب
اِتّکا ائیلدی ایثارینه دردین دئمَدی
دیدی شرمنده اولاردردیمی اعلان ائلسم
عالمین فاتح پیکارینه دردین دئمَدی
(گوهری)
