عرض سلام به حضرت رسول ﷺ
يا محمد یاس جنت سن سلام اولسون سنه
باعث ایجاد خلقت سن سلام اولسون سنه
سرور دنیا و عقباسن آقا يا مصطفى
حکمران ملک عزت سن سلام اولسون سنه
معجز قرآنی گتدون رهنماسن امته
شمس پرنور هدایت سن سلام اولسون سنه
سن رئیس انبیاسن مقتدای عالمین
حضرت ختم رسالت سن سلام اولسون سنه
یوخ نظيرون عالم امکانیده ای مه جبین
چلچراغ آدمیت سن سلام اولسون سنه
<><><>
لنگر ارض و سماسن آدیوه فخر ایلروک
شافع روز قیامت سن سلام اولسون سنه
تحت فرمانونده دی هفت آسمان هر بیر زمان
صاحب حکم و حکومت سن سلام اولسون سنه
کیم سنه ساری گله ایمنده دی پاینده دی
سن همای مهر و رحمت سن سلام اولسون سنه
نا امید اولماز کیم آدون سسلسه بو دهریده
كان احسان و کرامت سن سلام اولسون سنه
حق يولون انسانلارا وئردون نشان سن عشقيله
رهبر راه سعادت سن سلام اولسون سنه
بقلم کربلایی حسن طیبان میانجی
August 22, 2026 959 8
