* * *
Солиҳа қизимга
Жажжи қўлларингдан тутганча, қизим,
Мана, боғчанг томон олаяпмиз йўл.
Сендан кўра кўпроқ севиниб ўзим
Кетяпман, кўнглимда қувончларим мўл.
Йўлга отланганни Худо ҳам қўллар,
Йўлинг ойдин бўлсин, ойбарчин қизим.
Оёғинг толдирса агар бу йўллар,
Сени элтиш учун уловман ўзим.
Тўртта қадамингга битта қадамим
Мослаб юришни мен шунда ўргандим.
Нафас олгунингча ўпкамда дадим
Ростлаб туришни мен шунда ўргандим.
Қизим, йўл чизяпти босган изларим,
Мен ҳам бир маҳаллар буни кўргандим.
Қисматдан аразлаб юрган кезларим
“Яраш-яраш”ни мен сендан ўргандим.
Бугун ҳаёт қўйган катта шартларга
Гоҳ кўниб, гоҳида кўнмай юрибман.
Ўзини мард билган қанча “мард”ларга
Тик қараб тўкилмай, сўнмай юрибман.
Не тонг умр боғимда сен борсан, қизим,
Менинг тиз чўкмоққа зарра ҳаққим йўқ!
Токи тирик экан шу икки кўзим,
Билки, бу дунёда заҳар, заққум йўқ.
© Исломжон ҚЎЧҚОРОВ
@islomjon_ijodi
13
7
5
1August 17, 2026 1.6K 6
