Yaponiya Baş nazirinin korteci digər ölkələrdəki nümayişkaranə mühafizə tədbirlərindən fərqlənir. Yollar kilometrlərlə bağlanmır, avtomobillərdən ibarət uzun müşayiət kolonu yaradılmır. Təhlükəsizlik əməkdaşları hərəkət zamanı avtomobildən çıxaraq əl işarələri və baş əyməklə digər sürücülərdən yol vermələrini xahiş edirlər.Yaponiya polisi yüksək vəzifəli şəxslərin keçidi zamanı əsas magistralların tamamilə bağlanmasından mümkün qədər çəkinir. Bunun əvəzinə qısa müddətə və yalnız marşrutun kiçik hissəsində hərəkətin tənzimlənməsi tətbiq olunur.
Bu yanaşmanın əsas prinsipi şəhər sakinlərinin gündəlik həyatına minimum müdaxilə etməkdir. Məntiq belədir: təhlükəsizlik tədbirləri nə qədər az nəzərə çarparsa, izdiham, tıxac və hərəkətin uzun müddət dayandırılması kimi potensial risklər də bir o qədər azalır.
@insanoidcom
