Azərbaycan Ombudsmanı Səbinə Əliyeva Ermənistanda keçirilən mətbuat konfransında azərbaycanlı olmayan məhbuslarla bağlı səsləndirilən işgəncə, dini ayrı-seçkilik və dini simvolların məhv edilməsi iddialarını əsassız və qərəzli adlandırıb.
Ombudsman bildirib ki, bu cür iddialar etibarlı sübutlarla təsdiqlənməyib və Azərbaycan-Ermənistan arasında davam edən sülh prosesini pozmağa yönəlmiş cəhd kimi qiymətləndirilir.
Qeyd olunub ki, Ombudsmanın Milli Preventiv Qrupu müxtəlif vaxtlarda erməniəsilli şəxslərlə konfidensial görüşlər keçirib, onların tibbi və psixoloji vəziyyətini qiymətləndirib. Monitorinqlər zamanı həmin şəxslərin hüquqlarının ayrı-seçkiliyə yol verilmədən təmin edildiyi bildirilib.Səbinə Əliyeva vurğulayıb ki, təsdiqlənməmiş məlumatların dini zəmində təqdim olunması cəmiyyətlər arasında etimadsızlığı artırır və sülhə zərər vurur.
@insanoidcom
