💢💢💢
یئنه نه دورورسان پهلوان کیمی
چیرماییب قولونو مردانا، داغلار
کؤنول یئنه بحر - بیپایان کیمی
سَسلهنیر چالخانا - چالخانا داغلار.
من چوخ ایستردیم کی سنین هئچ زامان
اؤرتمهسین او دیلبر حوسنونو دومان
ائلین ضرریندن منفعت اومان
بویانسین، دئمیشم، آل قانا داغلار.
ذیروندهکی سؤیود گؤیلره چاتیر
کؤلگهسینده یورغون یولچولار یاتیر
مارالین، جئیرانین مین عیشوه ساتیر
سو گؤندر بو یئرده یانانا داغلار.
چوخ گؤزل اولورسان ائللر کؤچنده
سویوندان گلینلر، قیزلار ایچنده
قیی ووروب ترلانین یئل تک کئچنده
بیر ولوله دوشر هر یانا داغلار.
✍#صمد_وورغون
#ایمگهلر_کانالی
✔️✔️✔️
👇👇👇
https://telegram.me/imgalar
Telegram
ایمگهلَر️
#Ədəbiyyat_incəsənət
«ایمگهلر آخاغی، ادبیات و هنر دۆنیاسیندان دانیشیر»
ادمینله ایلگی:
@yara24255
https://telegram.me/imgalar
@imgalar
3September 1, 2026 91 1
