💢💢💢
ائی گئجه یاریسی باغیران سوکوت
ائله سپ یاراما دوز اینجیمهسین
ائله گَـل، ائله گئت اودلو سینهمدن
دوداق کؤزهرنده، سؤز اينجيمهسين.
ائله یاخ قارانی، آغ دؤزه بيلسين
ائله باخ باغمانا، باغ دؤزه بيلسين
ائله چک داغلاری، داغ دؤزه بيلسين
ائله کئچ درهدن، دوز اینجیمهسین.
دورما گَـل بیزیمله، شعرین دالین گل
بوراخ آیاقلارین قالماقالین، گل
گلنده شعریمه آیاق - یالین گل
ائله آیاق گؤتور ايز اينجيمهسين.
بيز داردان گونشه یوللار چکمیشیک
آنجاق چاخیر بیلیر نهلر چکمیشیک
دانیلیب - دانیلیب گئرچکلشمیشیک
ائله ایتهریک کی توز اینجیمهسین.
تانری بیزدن سونرا بورایا چاتدی
بیزدن ایلهام آلیب بیزی یاراتدی
سونرا اؤزون بيزله درد ايچره آتدی
دئدی: شاعیر گرک آز اینجیمهسین.
✍#حسین_رزمی
#ایمگهلر_کانالی
✔️✔️✔️
👇👇👇
https://telegram.me/imgalar
Telegram
ایمگهلَر️
#Ədəbiyyat_incəsənət
«ایمگهلر آخاغی، ادبیات و هنر دۆنیاسیندان دانیشیر»
ادمینله ایلگی:
@yara24255
https://telegram.me/imgalar
@imgalar
3
1
1September 7, 2026 69 1
