💢💢💢
"صمد کؤنلومدهدير"
اوخودو قارانقوش آيريليق سؤزون
مرووت اهلینين گؤزو يولداكن.
جومدو طوفانلارا اونوتدو اؤزون،
اولدوزا نه جواب وئرجهيم من!؟
قيشدا قارلی داغلار سوراغلاشسالار-
تبريزين گول اوغلون، مهريبان اوغلون؛
بير هارای چكـرم آی اوجا داغلار
آختارين آرازين چنلیبئليندن!
دوشمان طعنه وورسا صمد هاردادير،
اليمی سينهمه چاليب دئيرم:
صمد كؤنلومدهدير، اورگيمدهدير،
دؤيوشور اؤلسه ده، دؤنمز ائليندن.
اونون صداقتی جان وئرير بيزه،
آلوولو عشقيندن ايلهام آليريق.
هر ديقه باش چكير اورگيميزه
مغاياتليق ائدير اؤز اكديگيندن.
سؤيلهين گئدهجک، سؤزو قالاجاق،
عدالت ناغيلين ائل دوغرولداجاق،
ظولم ائوی عدل ايله بر باد اولاجاق،
صمدی قارشيدا گؤرهجک دوشمن.
بو بير ناغيلدير كی ائللر سؤيلهير،
بيرب سسدن دوشسه او بيريسی دئیر،
ناغيلچی دايانار، سؤز داوام ائدر
ائل اوچون ياشايار بوردا بسلهنن.
نيياران قالماسين اولدوزا دئيين
كؤنلومه آلميشام صمدين عشقين؛
صمد كؤنلومدهدير، اورگيمدهدير،
وورغونون آداشی جيگريمدهدير
اينتقام آلاجاق ائل دوشمانيندان.
✍#علیرضا_نابدل_اوختای
1347/6/26
#ایمگهلر_کانالی
✔️✔️✔️
👇👇👇
https://telegram.me/imgalar
Telegram
ایمگهلَر️
#Ədəbiyyat_incəsənət
«ایمگهلر آخاغی، ادبیات و هنر دۆنیاسیندان دانیشیر»
ادمینله ایلگی:
@yara24255
https://telegram.me/imgalar
@imgalar
5
1
1August 30, 2026 136 5
