QƏLBİN QƏSAVƏTİ —
قَسْوَةُ الْقَلْب
IV hissə —
Allahın zikri qəlbə təsir etmirsə...Qurani-Kərim qəsavətin başqa bir təhlükəli halını göstərir: Allahın zikri və haqq insanın qəlbinə çatır, amma qəlb ona açılmır.
📖 Allah-Taala buyurur:
﴿أَفَمَن شَرَحَ اللَّهُ صَدْرَهُ لِلْإِسْلَامِ فَهُوَ عَلَىٰ نُورٍ مِنْ رَبِّهِ ۚ فَوَيْلٌ لِلْقَاسِيَةِ قُلُوبُهُم مِن ذِكْرِ اللَّهِ ۚ أُولَٰئِكَ فِي ضَلَالٍ مُبِينٍ﴾
“Allah kimin sinəsini İslam üçün açıbsa və o, Rəbbindən bir nur üzərindədirsə, [qəlbi sərtləşmiş insan insan kimidirmi?] Vay Allahın zikri qarşısında qəlbləri sərtləşmiş olanlara! Onlar açıq-aşkar azğınlıq içindədirlər.”
📚 Zümər, 22
🔹 Ayənin konteksti
Əvvəlki ayədə təbiətdəki dəyişikliklər ağıl sahibləri üçün xatırlatma və ibrət kimi göstərilir.
22-ci ayədə isə iki qəlb halı qarşılaşdırılır:
Haqqa açıq qəlb → ilahi nur → hidayət
Qəsavətli qəlb → zikrdən təsirlənməmək → azğınlıq
Növbəti ayədə də bunun əksi göstərilir: Quran oxunduqda Allahdan qorxanların əvvəl dəriləri titrəyir, sonra isə qəlbləri Allahın zikrinə yumşalır.
📚 Zümər, 23
📚 Əllamə Seyid Məhəmmədhüseyn Təbatəbai (r.ə.) — “əl-Mizan”
Əllamə ayədəki şərhi-sədri — insanın qəlbinin haqqı qəbul etməyə açılması kimi izah edir.
Bu açılış kor-koranə deyil; insan ilahi nurla haqqı batildən ayırd edə bilir.
Qəsavətli qəlb isə bunun əksidir: Allahın ayələri ona təsir etmir və onu haqqa yönəltmir.
📚 Mənbə: “əl-Mizan fi Təfsiril-Quran”, c. 17, Zümər surəsi, 22-ci ayənin təfsiri.
📚 Ustad Qiraəti — “Təfsir Nur”
Ustad Qiraəti ayədən iki mühüm nəticə çıxarır:
— Qəlbin qəsavəti ilahi nurun qəlbə nüfuz etməsinə mane olur.
— Haqq qarşısında təslim olmaq və onu qəbul etmək üçün açıq və geniş qəlb lazımdır; bu, Allahın insana verdiyi bir nemətdir.
📚 Mənbə: “Təfsir Nur”, Zümər surəsi, 22-ci ayənin “Mesajlar” bölməsi.
🌱 Əxlaqi nəticə
Qəlbin halını göstərən əsas suallardan biri budur:
Allahın zikri mənim qəlbimdə nə yaradır?
«Canlı qəlb zikrlə yumşalır.
Qəsavətli qəlb isə zikri eşidir, amma ondan təsirlənmir.»
Ardı var...
#Hacıİlqarİbrahimoğlu
