Channels

Top 100 Trending New

Categories

Crypto Gaming News Entertainment Music Sports Tech Gambling Bots and mini apps Finance Business Education Lifestyle Health Travel Auto Fashion Jobs Dating Deals and shopping

Stickers

Stickers Emoji Themes Wallpapers

Bots Gifts Tools

Currency

$ USD ₽ RUB € EUR ₴ UAH ₸ KZT ₺ TRY zł PLN ₪ ILS AED AED R$ BRL Rp IDR RM MYR ¥ JPY ₩ KRW CN¥ CNY

Theme

Português (Brasil)

Bahasa Indonesia

Беларуская

Українська

Channels Categories Stickers Bots Gifts Tools

Premium Wiki Glossary Legal

Notifications Settings Log in

ICRICH: #7660-post — TG.ME

ICRICH@icrichuzb · 676 subscribers Open in TelegramOpen

t.me/icrichuzb/7660

9

4

September 8, 2026 206 7

More from this channel

XITOY IMPERATORLARINI MAFTUN ETGAN CHOCH RAQSI ⚡️ O‘zbekiston va Xitoyning madaniy aloqalari uzoq tarixga borib taqaladi. Qadimda Buyuk ipak yo‘li orqali nafaqat savdo-sotiq, tijorat, balki madaniy robitalar ham rivojlangan. Xalqaro ekspeditsiya Xitoy Milliy muzeyi ekspozitsiyasini ko‘zdan kechirish jarayonida bunga yana bir bor amin bo‘ldi. Xitoy saroyiga Markaziy Osiyodan borib qolgan san’at ustalari, musiqachilar tuya mingan holatida tasvirlangan eksponatlar muzey ekspozitsiyasida o‘rin olgan. 🫥 Tarixda yurtimizda mashhur va taniqli san’at dastalari shakllangan. Shulardan biri Choch raqsidir. Choch raqsi – milodiy 1-ming yillik o‘rtalarida Xitoyda shuhrat qozongan raqs turi bo‘lib, Chjechji (Choch – Toshkent) nomi bilan atalgan. Choch raqsini, asosan, qizlar jamoasi ijro etgan. Raqsga avval bir kishi tushgan, ya’ni yakka o‘yin hisoblangan. Milodiy V–VI asrlarda esa 5 kishi, keyingi asrlarda esa 24 kishi o‘ynagan. Choch raqsi davra qilib, aylanib o‘ynalgan, u milliy musiqa, maqom va xonanda ashulasi bilan ham qo‘shib yuborilgan. ✅Raqqosalardan biri davraning markazida o‘ynab, o‘yinni boshqarib borgan. U huasin (gulning markazi) deb atalgan. Raqqosalar qimmatbaho matolardan tikilgan, dur va javohirlar, chiroyli kashta nusxalar bilan bezalgan liboslarda chiqishgan. Choch raqsi xitoyliklarni o‘ziga maftun etgan. O‘sha davrlarda yozilgan musiqa risolalarida bu o‘yinga juda yuqori baho berilgan. Masalan, Chyan Yan o‘zining “Musiqa kitobi” asarida: “Xitoyliklar chjechji raqsini ijro etishda xuslar (xorijiylar) bilan tenglasha olmaydilar”, deb yozgan. Xitoy shoirlari Choch raqsining maftuni bo‘lib, unga bag‘ishlab 29 ta she’r va qasidalar yozganlar. ✅Manbashunos olim, xitoyshunos Sh. Qo‘ldoshevning qayd etishicha, O‘rta Osiyo teatr san’atining Xitoyga kirib borishi mil. av. II asrdanoq boshlangan. “Shiji” va “Sin Xanshu” asarlarida Farg‘ona bobida imperator Udi Xitoyga aktyorlar, sozandalar, raqqoslar, janglyorlar, akrobatlar, nayrangbozlar oldirib kelingani haqida hikoya qilinadi. O‘sha vaqtlarda Udi saroyida tashkil topgan “Yuefu” musiqa palatasi Xitoyning turli tumanlaridan va qo‘shni mamlakatlardan teatr san’ati namoyandalarini to‘plash bilan shug‘ullangan. Binobarin, “Yuefu” musiqa palatasini Farg‘ona teatr san’ati ham qiziqtirmasligi mumkin emasdi. ✅Darhaqiqat, Xitoy manbalarida Xitoy poytaxtiga san’atkorlar bilan birga turli musiqa asboblari, qo‘shiq va kuylar oldirib kelingani to‘g‘risida ma’lumotlar ko‘p. Yapon tarixchisi Ise Sentoro o‘z asarida o‘sha davrda G‘arbiy o‘lkadan pipa (ud), kunxou (arfa) musiqa asboblari, bir qator musiqa va qo‘shiqlarni Xitoyga olib kelingani Xitoy musiqa san’ati rivojida hissa qo‘shganini ko‘rsatadi. Xitoy imperatorlari saroyida namoyish etgan musiqa va raqslarning aksariyati O‘rta Osiyo musiqa san’ati namoyandalaridan o‘zlashtirilgan. Jumladan, “charx urayotgan qizlar girdobi”da chochlik, keshli, maymurg‘lik, samarqandlik raqqoslar mahorati aks etgan. Bu raqs namunalarini turkiy va xitoy raqqoslari tomonidan o‘zlashtirib ijro etilgan. Turklar va xitoylar orasida ko‘plab sug‘diy musiqa asboblari, jumladan, Buxoro musiqa asboblarining o‘nga yaqin turi bo‘lgan. Qo‘shiqlarni yakka va jo‘r ijro etish rasm bo‘lgan. ➡️ Umuman olganda, xalqlar o‘zaro madaniy taraqqiyotida bir-biriga bevosita ta’sir ko‘rsatgan. O‘zaro madaniy bog‘liqlik kuchli diplomatiya asoslaridan biri hisoblanadi. Jahon muzeylarida ana shunday tarix voqeliklari jam bo‘lgan. #Xitoy #etnofolklorekspeditsiyasi #nomoddiymadaniymeros #icrich 🌍icrich.uz|🕊Telegram|📱Facebook|📱Instagram|🕊X|📺YouTube 95·Sep 9

📍Madaniyatshunoslik va nomoddiy madaniy meros ilmiy-tadqiqot instituti ekspeditsiyasi a’zolari Pekin shahridagi O‘zbekiston Respublikasining Xitoy Xalq Respublikasidagi Elchixonasiga tashrif buyurdilar. 💠 Tashrif davomida O‘zbekiston Respublikasi mustaqilligining 35 yilligiga bag‘ishlangan tantanali tadbirda ishtirok etildi. Unda elchixona xodimlari, Xitoyda istiqomat qilayotgan vatandoshlar hamda ilmiy izlanish olib borayotgan yosh tadqiqotchilar jam bo‘ldilar. ✅Bayram dasturidan milliy kuy-qo‘shiqlar va madaniy chiqishlar o‘rin olib, tadbirga o‘ziga xos ruh bag‘ishladi. Samimiy muloqot va do‘stona muhit esa O‘zbekiston madaniyatining xalqaro maydondagi jozibasini yana bir bor namoyon etdi. ➡️ Dastur davomida mehmonlarga o‘zbek milliy taomi – palov tortiq qilindi. Uning betakror ta’mi orqali xalqimizning qadimiy pazandachilik an’analari, mehmondo‘stlik va jamoaviylik kabi qadriyatlari ham namoyon bo‘ldi. 💬 Mazkur tashrif Institutning milliy madaniyat va nomoddiy madaniy merosni xalqaro miqyosda targ‘ib etish, ilmiy hamkorlikni kengaytirish hamda O‘zbekiston va Xitoy o‘rtasidagi madaniy aloqalarni mustahkamlash borasidagi faoliyatining muhim qismi bo‘ldi. #Xitoy #etnofolklorekspeditsiyasi #nomoddiymadaniymeros #icrich 🌍icrich.uz|🕊Telegram|📱Facebook|📱Instagram|🕊X|📺YouTube 85·Sep 9

🤩 XITOY MILLIY MUZEYI – TARIX VA MADANIY MEROSNING ULKAN XAZINASI ⚡️ Ekspeditsiya Xitoyga ilmiy safari davomida muzeylardagi madaniy meros namunalari bilan ham yaqindan tanishmoqda. Navbatdagi ana shunday manzillardan biri Xitoy Milliy muzeyi bo‘ldi. ✅Muzey Xitoyning go‘zal an’anaviy madaniyatini to‘playdigan, tadqiq qiladigan, namoyish etadigan va talqin qiladigan oliy muassasa hisoblanadi. Muzey Xitoyning tarixi va san’atining eng oliy saroyi hamda madaniy mehmonxonasidir. Mazkur ma’rifiy muassasa Xitoy tarixi milliy muzeyi va Xitoy inqilobi milliy muzeyining qo‘shilishi natijasida 2003-yilda tashkil etilgan. 1 430 000 ta kolleksiya va 48 ta ko‘rgazmalar zaliga ega bo‘lgan yirik muzeyning maydoni qariyb 200 000 kvadrat metrni tashkil etadi. U maydoni jihatidan dunyodagi eng katta yagona binoli muzey hisoblanadi. ✅Muzey qadimiy va zamonaviy artefaktlar, nodir hamda qadimiy kitoblar va san’at asarlarini o‘z ichiga olgan 1,4 milliondan ortiq eksponatni saqlaydi. Xususan, unda 815 000 dona/to‘plam qadimiy madaniy meros, 340 000 dona/to‘plam zamonaviy madaniy meros, 240 000 dan ortiq nodir va qadimiy kitoblar to‘plangan. E’tiborli jihati, uning kolleksiyasiga qariyb 6 000 ta birinchi toifadagi madaniy yodgorliklar kiradi. 🐰 Xitoy Milliy muzeyi Xitoyda ham, butun dunyoda ham boshqa hech qayerdan topib bo‘lmaydigan ko‘plab bebaho kolleksiyalarga ega. U dunyodagi uchinchi yirik muzey hisoblanib, xitoy madaniy merosining eng boy to‘plamlaridan biriga egadir. Uning umumiy ko‘lami jahon muzeylari orasida birinchi o‘rinni egallaydi. Qulay joylashgani va ulkan to‘plamlari tufayli u dunyodagi eng mashhur muzeylardan biridir. ➡️ Xitoy Milliy muzeyi Pekindagi Tiananmen maydonining sharqiy tomonida joylashgan san’at va tarix muzeyidir. Muzeydagi eng mashhur eksponatlardan biri Shan sulolasi davriga oid, og‘irligi 830 kilogrammdan ortiq bo‘lgan bronzadan yasalgan qurbonlik trenojisi – “Houmuwu Din” (jahondagi eng og‘ir va yirik qadimiy bronza buyumi) hisoblanadi. Muzeyda qadimgi tosh asri davridan (jumladan, 1,7 million yillik tarixga ega Yuanmou odami topilmalari) to Sya, Shan, Chjou, Xan va keyingi sulolalar davriga oid noyob buyumlar, nefrit (yashma) mahsulotlari, noyob chinnilar hamda san’at asarlari namoyishga qo‘yilgan. 💬 Ekspeditsiya a’zolari muzeyga tashrifi davomida nomoddiy madaniy meros namunalarini muzeylashtirish, uni saqlash va targ‘ib etishda muzeylarning o‘rni borasida keng ma’lumotlarni qo‘lga kiritdi. #Xitoy #etnofolklorekspeditsiyasi #nomoddiymadaniymeros #icrich 🌍icrich.uz|🕊Telegram|📱Facebook|📱Instagram|🕊X|📺YouTube 115·Sep 9

📍 GUGUNDAGI "YODGORLIKLAR SHIFOXONASI" ⚡️ Madaniyatshunoslik va nomoddiy madaniy meros ilmiy tadqiqot instituti Xalqaro etnofolklor ekspeditsiyasi jamoasi Pekinning tarixiy yuragi – “Taqiqlangan shahar”dagi Gugun restavratsiya va konservatsiya departamenti faoliyatini ilmiy jihatdan o‘rgandi. 💠 Xalq orasida “Yodgorliklar shifoxonasi” deb ataluvchi noyob ilmiy maskanda Institut olimlari hamda Gugun mutaxassislari qadimiy buyumlarni restavratsiya qilishning an’anaviy texnologiyalari, materiallarni tadqiq etish, ilmiy diagnostika, ustoz-shogird tajribasi va madaniy merosni hujjatlashtirish masalalari yuzasidan fikr va ilmiy tajriba almashdilar. ✅Tadqiqot davomida moddiy va nomoddiy madaniy merosning uzviy bog‘liqligiga alohida e’tibor qaratildi. Qadimiy buyumni asrash – uning tashqi qiyofasini saqlab qolish bilangina cheklanmaydi. Uni yaratish, bezash, qayta tiklash va avloddan-avlodga yetkazish bilan bog‘liq an’anaviy bilim, ko‘nikma va mahoratni asrash ham merosni muhofaza qilishning muhim qismidir. ✅Gugunda qadimiy xattotlik va rangtasvir, bronza, soat mexanizmlari, yog‘och, lak, to‘qimachilik, keramika va inkrustatsiya kabi yo‘nalishlarda shakllangan an’anaviy restavratsiya texnologiyalari zamonaviy ilmiy yondashuvlar bilan uyg‘un holda davom ettirilmoqda. ➡️ Gugunda biz tarixning o‘zinigina emas, uni kelajakka olib o‘tayotgan bilim, mahorat va ilmni o‘rgandik. 🤝 Istiqboldagi hamkorlik yo‘nalishlari: 🟢 Gugun mutaxassislari ishtirokida mahorat darslari va seminar-treninglar; 🟢Restavratsiya va an’anaviy hunarmandchilik texnologiyalari bo‘yicha ilmiy tajriba almashinuvi; 🟢Moddiy va nomoddiy madaniy merosni muhofaza qilishga qaratilgan qo‘shma ilmiy-amaliy loyihalar; 🟢Olimlar va mutaxassislar o‘rtasida doimiy ilmiy muloqot. 💬 Bu hamkorlik an’anaviy bilim va ko‘nikmalarni asrash, restavratsiya tajribasini rivojlantirish hamda O‘zbekiston – Xitoy ilmiy aloqalarini yangi bosqichga olib chiqishga xizmat qiladi. #Xitoy #etnofolklorekspeditsiyasi #nomoddiymadaniymeros #icrich 🌍icrich.uz|🕊Telegram|📱Facebook|📱Instagram|🕊X|📺YouTube 137·Sep 8

An open web layer over public Telegram — search, stats and channel reading right in your browser, no account, no install.

Not affiliated with Telegram FZ-LLC; all data comes from public sources.

Catalog

Top channels Categories Countries Search

Content

Stickers Emoji Gifts Themes Wallpapers

Help

Tools Wiki Glossary Blockchain Safety Premium Advertisers Advertising

© 2026 TG.ME · G.Media network· Updated 09/05/2026 · v0.2.0 · cd00242

Privacy Terms DMCA & complaints Report a violation

Similar channels

Madaniyat.uz I Rasmiy kanal19.1K subscribers

Ozodbek Nazarbekov13.2K subscribers

Jamshidbek Niyazbekov (Vazir maslahatchisi)1.8K subscribers

Toshkent viloyati Madaniyat boshqarmasi | rasmiy2.9K subscribers

WOSCU592 subscribers

"Bahor" davlat raqs ansambli275 subscribers

O'zDXA rasmiy kanal1K subscribers

Xorazm viloyati Madaniyat boshqarmasi | √ RASMIY1.3K subscribers