O‘zbekiston Respublikasi Madaniyat vazirligining sohada faoliyat yuritayotgan yoshlarni qo‘llab-quvvatlash, ularning ilmiy-ijodiy salohiyatini oshirish hamda tizim tashkilotlarida “Rahbar va yoshlar” uchrashuvlarini muntazam tashkil etish yuzasidan berilgan topshiriqlari ijrosini ta’minlash maqsadida 27-avgust kuni Madaniyatshunoslik va nomoddiy madaniy meros ilmiy-tadqiqot institutida “Mustaqillik – yoshlar nigohida: ilm-fan, izlanish va yangi marralar” mavzusida uchrashuv tashkil etildi.
Uchrashuv Institut direktorining ilmiy ishlar va innovatsiyalar bo‘yicha o‘rinbosari, san'atshunoslik fanlari nomzodi, katta ilmiy xodim Iroda Dadadjanova rahbarligida o‘tkazildi.
Tadbir davomida mamlakatimiz mustaqilligi yillarida ilm-fan va ta’lim sohasida yaratilgan imkoniyatlar, yosh olimlarning ilmiy-tadqiqot faoliyatidagi yutuqlari, ilmiy salohiyatni rivojlantirish hamda yangi marralarni zabt etish masalalari yuzasidan fikr almashildi.
Shuningdek, yosh tadqiqotchilarning ilmiy izlanishlarini qo‘llab-quvvatlash, ularning tashabbuslarini rag‘batlantirish, ilmiy-ijodiy salohiyatini yanada rivojlantirish hamda yoshlarga yaratilayotgan imkoniyatlardan samarali foydalanish bo‘yicha taklif va tavsiyalar bildirildi.
Uchrashuv samimiy va ochiq muloqot ruhida o‘tib, yosh olimlarning fikr-mulohazalari, taklif va tashabbuslari tinglandi.#RahbarVaYoshlar #Yoshlar #IlmFan #Mustaqillik35Yilligi #MadaniyMeros
icrich.uz|
Telegram|
Facebook|
Instagram|
X|
YouTube
