MUSTAQILLIKNING 35 YILLIGI MUNOSABATI BILAN YUKSAK E’TIROF
O‘zbekiston Respublikasi Prezidentining 2026-yil 25-iyundagi Farmoniga binoan ta’sis etilgan “O‘zbekiston Respublikasi Mustaqilligining 35 yilligi” esdalik nishoni bilan O‘zbekiston Respublikasi Madaniyat vazirligi huzuridagi Madaniyatshunoslik va nomoddiy madaniy meros ilmiy-tadqiqot institutining bir qator xodimlari taqdirlandi.
Jumladan, institut Xalqaro aloqalar va grantlar bo‘limi boshlig‘i Shuhrat Abdullayev hamda Madaniyatshunoslik bo‘limi mudiri, tarix fanlari bo‘yicha falsafa doktori (PhD), katta ilmiy xodim Saodat Nazarova ushbu yuksak e’tirofga munosib ko‘rildi.
Mazkur yuksak mukofot — mamlakatimiz madaniyati va san’atini rivojlantirish, milliy madaniy merosimizni asrab-avaylash va targ‘ib etish, ilmiy-tadqiqot faoliyatini rivojlantirish hamda sohada amalga oshirilayotgan islohotlarga munosib hissa qo‘shib kelayotgan fidoyi mutaxassislarning samarali mehnatiga berilgan yuksak bahodir.
Madaniyatshunoslik va nomoddiy madaniy meros ilmiy-tadqiqot instituti jamoasi nomidan Shuhrat Abdullayev va Saodat Nazarovani ushbu munosib mukofot bilan samimiy muborakbod etamiz! Ularga kelgusidagi mas’uliyatli va sharafli faoliyatida mustahkam sog‘lik, oilaviy xotirjamlik, kuch-g‘ayrat hamda yangi ilmiy va kasbiy yutuqlar tilaymiz.
Milliy madaniyatimiz va nomoddiy madaniy merosimizni asrab-avaylash, tadqiq etish va kelajak avlodga yetkazish yo‘lidagi ezgu faoliyatingiz bardavom bo‘lsin!
Yuksak e’tirof muborak!
icrich.uz|
Telegram|
Facebook|
Instagram|
X|
YouTube
