قصيدة : #رهين_السجون
الرادود : الملا #محمد_بوجبارة
الشاعر : ثامر_بوجبارة
استشهاد الإمام موسى ابن جعفر الكاظم
———————————
يارهين السجون وسجدتك طويله
بالله خلني ابدعاءك چفوفك وسيله
@@@@
مولاي ، باب الحاجات ، روحي لك جات ، والدرب ابعيد
دگيت ، بابك محتاج ، بين الافواج ، مديت الإيد
ماخاب ، ياهو اللي يجيك ، اتعودنه اعليك ،
تنطي شتريد
كل حين ، باسمك ناديت ، نفحات الگيت ، واتفك الگيد
كل عذابي وبلائي ابنظرتك تشيله
@@@
تسبيح ، سجنك محراب ، للدعوه باب ، صلى الله اعليك
مظلوم ، وگتك سجدات , گيدك سبحات ،
يسجد بيديك
آيات ، تتلوها املاك ، كل شي لبّاك ، لبّيك لبّيك
ما چان ، گبلك مسجون ، هم يقضي اديون ، رحمات البيك
يا ملاذ الحيارى كافل اليلتجي له
@@@@
انخاك ، املي ورجواي ، محتاج اهواي، يمناك اتعين
خِدّام ، عدنا المطلوب ، ما ننزع ثوب ، خدمه لحسين
ادعوك ، لو ما هيّه ، بس بالريّه ، انفاس البين
للموت ، نبچي وننعاه ، تجري بالآه ، دمعات العين
سيدي كلي حيره همومي ثجيله
@@@@
ناداك ، گلبي المحروگ ، تعّبني الشوگ ، ابعازة نظره
ودّيت ، يمك مرسول ، دمعي المهمول ، عبره ابعبره
يا يوم ، اوگف عالباب ، اوصل اعتاب ، ذيك الحضره
مشتاگ ، بس انته اتريد ، يگرب لبعيد ، كل شي اتگدره
لولا نظرة جنابك سيدي مالي حيله
@@@@
مسموم ، چبدك مولاي ، يالكاظم هاي ، للشيعه اجروح
يا حال ، جسر الآلام ، والثلاثه ايام ، جسمك مطروح
آهات ، ترجع تنعاد ، طف ابغداد ، سم ومذبوح
مرضوض ، ساگه بالگيد ، وايضل اوحيد ، شيْهَيْد الروح
لو دمه تجري عيني ابمصابك قليله
————————————
قصائد الملا محمد بوجبارة
https://youtube.com/@H.K.J
https://t.me/hmsh223
7
1May 21, 2025 3.5K 5
