الرادود : الملا #محمد_بوجبارة
الشاعر : #عبدالله_بوحمد
#محرم1447هـ
••••••••••••••••••••••••••••
يگلبـي الأشيله أذّاني فرگاك
إلى الجنّه رايح روح الله ويّاك
أناغيك .. بالجروح ..
دلّـلـول .. يمذبوح
* *
١
يگلب احسين بيد احسين محمول
إن شــاء الله يبني عمـــرك ايطول
يعــبــــــدالله عـليــك البـال مشغول
أنــاغـــيلك عسى للمـــــــاي جيّــه
عيونـــي اعليــك واعيونــك عليّــه
صِرِت فجــــأه تنـــازع بين إديّــه
تمدلي چفوفـــك .. واعيـوني تبچيك
كـأنّــــك تگـلّـي .. يحــسيـــن اخلّيك
الحچي اوياك .. صبح نوح ..
دلّـلـول .. يمذبوح
٢
شربــة مــــاي يوليـــــدي تكـفّيك
ونهر يمّ العـــده وتمنـــــع تروّيك
صابـوك ابسهــم واحترت أداويك
الربـاب اعلـيـــك يتفايـــض جفنها
گَـلْـب الأم يحس لــو مــات إبنــها
خبـــــر موتــــك يموّتــها ابحزنها
إذا اتشيلك أمّـــك .. ما تستمع صوت
يخوفــــــي عليها .. يم مهــدك اتموت
تلـولـيـك .. بلا روح ..
دلّـلـول .. يمذبوح
~~~~~~~~~~~
٣
روح الجنّــــه يبني واشـرب الماي
والجنّـــــه تـره مـــــا بيهـــا رمّاي
علي جـــــدّك تشوفـــــه إلـك سگّاي
ســـت اشهـــور وانتـــه اگبال عيني
أحــس لــمّــن رِحِــت راحت سنيني
اشكبر هالجــرح يا أصغــــر بنينـي
انتلاگه ابگبرنـــــه .. ملگه بــلا اسهام
على صدري ترجع .. يوليــدي واتنــام
عَـنِ احسين .. فلا اتروح
دلّـلـول .. يمذبوح
رابط القصيدة
https://youtu.be/uEyCOubH5rg?si=yn1nWAdtCH0nJfH8
قصائد الملا محمد بوجبارة
https://instagram.com/hmsh.223?igshid= YmMyMTA2M2Y=
https://youtube.com/@H.K.J
https://t.me/hmsh223
