Gəncəni Azərbaycan Premyer Liqasında təmsil edən “Kəpəz” futbol klubu sentyabrın 4-də növbəti oyununa çıxacaq.Gencexeber.az məlumat verir ki, Misli Premyer Liqasının 4-cü turu çərçivəsində “Kəpəz” doğma meydanda “Şamaxı”nı qəbul edəcək. Qarşılaşma Gəncə Şəhər Stadionunda saat 20:15-də başlayacaq.
Oyuna azarkeş marağı da böyükdür. Artıq 4 mindən çox bilet satılıb və bu rəqəm cəmi bir gün ərzində qeydə alınıb.
Qeyd edək ki, komandalar arasında əvvəlki görüşlərin ümumi balansında “Şamaxı”nın üstünlüyü var: 41 oyunda “Kəpəz” 10 qələbə qazanıb, 10 heç-heçə edib, 21 dəfə isə məğlub olub.
Xatırladaq ki, ötən turda “Kəpəz” Gəncə Şəhər Stadionunda “Turan Tovuz”u qəbul edib. Görüş 1:0 hesabı ilə Nizami yurdunun rəmzinin qələbəsi ilə başa çatıb.
Oyunu tribunlardan 13 500 tamaşaçı izləyib. Bu göstərici 2026/27 mövsümündə indiyədək azarkeş sayına görə rekord olub. Həmçinin son 10 ildə Azərbaycan çempionatlarında qeydə alınan ən yüksək ikinci tamaşaçı göstəricisidir.
Yeni "Instagram" hesabımız
@gencexeberaz
