9

"تذكّرتك، وأنا لا زال في قلبي حنين، وخوَف ‏تصاغرت السنين وما تجيب، ولا تصاغرتْك ‏تعوّدت أني أكون الغريب اللي عليه ظْروف ‏لأنك أرض، وظروفي تخون الأرض؟ غادرتك ‏على كثر الوجيه اللي تمر، ولا تزِلّ الشوف ‏إلى مرّوا تذكّرتك.. وإلى غابوا؟ تذكّرتك"

‏عَفى الله عن كلامٍ في حنايا الصدر ماينقال ‏تركته للزمن لو هو ثقيل و جمرته حيّه ‏وعَفى الله عن همومٍ ما تخلي مستريح البال ‏يعيش أيام عمره في صفا ذهن وصفا نيّه ‏وعَفى الله هواجيسٍ توقف بي على الإطلال ‏تعيد الذكريات اللي مع الأيام منسيه

اللي قضى كل السنين يتحراك تفرق معه النص والربع ساعه

‏«وش اللي سرق من صوتك الحبّ يا مملوح؟ ‏لمحت الغلا مفقود من قسوة النبرة ‏أسولف معك ما كنّ لي فـ السّبب مصلوح ‏و أنا والله إنها خانقة حلقي العبرة ‏ ‏دخيلك لا ترجّع لهفتي رجعة المكسوح ‏أبي صوتك يعوّد علي مثل ما أخبره ‏ ‏ما دوّرت غيرك يوم غيرك تجي وتروح ‏على القلب ما تلقى لها دربٍ تعبره ‏ ‏مع النّاس…

‏‌«ما باح سدّي بالليال المخلّة ‏اللي رداها منْك وهمومها منْك ‏يدري عن غيابك وعن جرحك الله ‏هو الوحيد اللي تكلّمت له عنْك»

‏« تسلّفت الحقايق ما بكيت ولا ضحك لي ناب ‏ أشوف إنك كلامٍ — ما معي قوَّة على قوله ! »

‏"مانيب أحب الكبر، والزود، والعنفوان ‏وإن جيتني بـ الكبر والعنفوان.. بْعدي ‏لك الولاية، وتاج المُلك، والصولجان ‏عندك يموت المعاند — والحسن يبتدي ‏أنا أكثر إنسان قَدّم لـ الغرام إمتنان ‏واللي يبي يقتدي في حبنا؟ ‏يقتدي ‏قلبي مع الحب صامل لو يطول الزمان ‏وأخاف بعدين أوّرث صملته لـ ولدي"

‏«اذا انك بخير أنا بعد ما علي خلاف ‏تخطيت مرحلة الجفا الأنتقاليه ‏يا حي الفراق وقسوة الظلم والأجحاف ‏ولا وصل من شاف أوله عاف تاليه ‏لا تفرح بكسر الخاطر اللي عليك يخاف ‏ترى أحيان كسر الشي يزيده جماليه ‏أنا من تعودت أسمع أسمي بصوتك حاف ‏وأنا داري ان حبك على آخر لياليه»

‏تقول ان الخطا منّي ؟ إي بالله الخطا منّي ‏معاك اجحد كثير اشياء لكن مَاجحد عيوبي ‏انا حبيت مرّه في حياتي والصحيح إنّي ‏عرفت احب لكن ماعرفت اختار محبوبي ‏— فهد العيبان

‏برمي مشاريهي على خالي البيد ‏و أدورّ الراحه مع اللي لقوها ‏إن كان ما جابك حنين أوّل العيد ‏زهَدت في أيّام السنه كل أبوها

‏يطيح المطر ويصير وجه الثرى مبتلّ ‏وتروى جميع الناس تحته وأنا ضامي ‏أدوّر نهارٍ في شتات الدروب يدلّ ‏وليلٍ نجومه تنتشلني من أوهامي ‏تناسيت وأول ما ذكرتك وطيفك طلّ ‏تبسّمت لك - كنك من الشوق قدامي

‏"المحزن إن مثلك مثل رابع العيد/ لا فرّح الديرة .. ولا مر عادي" — صالح بن حمد

‏«كل عام و أنت العيد و مشاهدك عيد ‏و أقرب و أحبّ من العرب .. كل أبيها» ‏———خالد العذبه

‏« دامك معي انا معيّد من قبل ليلة العيد » ‏ ❣️

‏قديم الوِدّ.. وأيَّام الصبا والحِلَّ والترحال ‏أعرفك مثل نظرَات الوَله في عيْن متجَاهل.. ‏تمهَّل لا تغافلك اللّيَالي، والسنين طوال ‏أنا للحين أغنّي في عيونك.. وأنت تستاهل!