على اللّٰه لو يروح اليوم كله بين حزن و ياس
وانا ما احب كسرة نفسي وما اداني خضوعي
وانا اتعبني السهر وارهقني التفكير و الهوجاس
مضت حول الثلاث ايام دمعي مغرقٍ كوعي
بلاني ربي بقلبٍ صخر وبخاطر حساس
ما بين امسح غلا الغالين وبين امسح دموعي
تقول اللّٰه خلقني من برود ومن شوي احساس
وانا والله لا هب النسيم يزيد من لوعي
لو ان ماني بـ احن الناس لكني احن الناس
وأخاف اللّٰه لا ابدل خاطرٍ راضي بـ موجوعي
اداري فـ الخواطر لو ما عندي لها احساس
يا كيف اللي لي اغلى من هلي وأغلى من ربوعي
1August 2, 2026 92 2
