Channels

Top 100 Trending New

Categories

Crypto Gaming News Entertainment Music Sports Tech Gambling Bots and mini apps Finance Business Education Lifestyle Health Travel Auto Fashion Jobs Dating Deals and shopping

Stickers

Stickers Emoji Themes Wallpapers

Bots Gifts Tools

Theme

CurrencyUSD

$US DollarUSD ₽Russian RubleRUB €EuroEUR ₴Ukrainian HryvniaUAH ₸Kazakhstani TengeKZT ₺Turkish LiraTRY złPolish ZlotyPLN ₪Israeli New ShekelILS AEDUnited Arab Emirates DirhamAED R$Brazilian RealBRL RpIndonesian RupiahIDR RMMalaysian RinggitMYR ¥Japanese YenJPY ₩South Korean WonKRW CN¥Chinese YuanCNY

Português (Brasil)

Bahasa Indonesia

Беларуская

Українська

Channels Categories Stickers Bots Gifts Tools

Premium Wiki Glossary Legal

Notifications Settings Log in

Fact Hub Myanmar: post #3872 — TG.ME

Fact Hub Myanmar@facthub_mm · 1.2K subscribers Open in TelegramOpen

t.me/facthub_mm/3872

October 8, 2026 43

More from this channel

Photo 33·Oct 9 မြန်မာ့ဂျီနိုဆိုက်အမှုကို အပြည်ပြည်ဆိုင်ရာတရားရုံး-အိုင်စီဂျေမှာ တာဝန်ယူ စစ်ဆေးနေတဲ့ တရားသူကြီး နာဗီ ပီလေး ၂၀၂၆ ခုနှစ်ရဲ့ ငြိမ်းချမ်းရေးနိုဘယ်ဆု ရရှိသွားပါတယ်။ နိုဘယ်ကော်မတီက “ငြိမ်းချမ်းရေးနဲ့ နိုင်ငံတကာဥပဒေတွေ ထွန်းကားလွှမ်းမိုးလာဖို့ သူရဲ့ ဇွဲလုံ့လနဲ့ ကြိုးပမ်းအားထုတ်မှုတွေ” ကြောင့် အခုလို ချီးမြှင့်တာလို့ မှတ်ချက်ပြုတာပါ။ တောင်အာဖရိကနိုင်ငံဖွား အိန္ဒိယ-တမီးလ်လူမျိုး နာဗာနီသမ် နာဗီ ပီလေး (Navanethem "Navi" Pillay) က လက်ရှိမှာ မြန်မာနဲ့ ဂမ်ဘီယာနိုင်ငံကြား ဖြစ်ပေါ်နေတဲ့ လူမျိုးတုံးသတ်ဖြတ်မှုဆိုင်ရာ စွဲချက်ကို အပြည်ပြည်ဆိုင်ရာ တရားရုံး (ICJ) မှာ ၂၀၁၉ ခုနှစ်ကတည်းက အထူးခန့်အပ်ခံ တရားသူကြီး (ad hoc judge) အဖြစ် ဆောင်ရွက်နေသူဖြစ်ပြီး ဒီ့မတိုင်ခင်မှာလဲ တောင်အာဖရိက တရားလွှတ်တော်ချုပ် တရားသူကြီး၊ ရဝမ်ဒါနိုင်ငံဆိုင်ရာ နိုင်ငံတကာရာဇဝတ်ခုံရုံး (ICTR) ဥက္ကဋ္ဌနဲ့ ကုလသမဂ္ဂ လူ့အခွင့်အရေးဆိုင်ရာ မဟာမင်းကြီးဟောင်းအဖြစ်လဲ တာဝန်ယူခဲ့တာပါ။ သူဟာ လူမည်းအခွင့်အရေးတက်ကြွလှုပ်ရှားသူ နယ်လ်ဆင်မန်ဒဲလားရဲ့ ရှေ့နေဖြစ်ခဲ့ဖူးပြီး အမျိုးသမီးတွေအပေါ် လိင်ပိုင်းဆိုင်ရာ အကြမ်းဖက်တာနဲ့ မုဒိန်းကျင့်တာတွေ၊ အမုန်းစကားအခြေပြု ဝါဒဖြန့်ချိတာတွေဟာ လူသားမျိုးနွယ်အပေါ် ကျူးလွန်းတဲ့ ရာဇဝတ်မှုမြောက်ကြောင်း ကမ္ဘာ့ဥပဒေမှတ်တမ်းမှာ ပထမဆုံးအကြိမ် ခိုင်ခိုင်မာမာ ပြဋ္ဌာန်းပေးခဲ့သူလဲ ဖြစ်ပါတယ်။ နိုဘယ်ကော်မတီရဲ့ အဆိုအရ လက်ရှိအချိန်မှာ ကမ္ဘာကြီးဟာ စစ်ပွဲတွေနဲ့ ပြည့်နှက်နေပြီး တရားဥပဒေထက် အင်အားကြီးသူက အနိုင်ကျင့်တဲ့ စနစ်ကို ဦးတည်လာနေတာကြောင့် နိုင်ငံတကာ ဥပဒေအဖွဲ့အစည်းတွေ၊ တရားရုံးတွေနဲ့ တရားသူကြီးတွေဟာ ကြီးမားတဲ့ ဖိအားတွေ၊ ခြိမ်းခြောက် ပိတ်ဆို့မှုတွေနဲ့ ရင်ဆိုင်နေရတာပါ။ “ဒီလိုအချိန်မျိုးမှာ ငြိမ်းချမ်းရေးဆိုတာ တရားမျှတမှုမပါဘဲ တည်ဆောက်လို့ မရပါဘူး။ ပရမ်းပတာနိုင်မှုနဲ့ အစဉ်တကျရှိမှုကြားက ပါးလွှာတဲ့ မျဉ်းနီလေးကို ရဲရဲဝံ့ဝံ့ ကာကွယ်စောင့်ရှောက်နေတဲ့ တရားသူကြီးတွေဟာ ကျွန်တော်တို့ရဲ့ ချီးကျူးဂုဏ်ပြုမှုကို ထိုက်ထိုက်တန်တန် ရရှိသင့်ပါတယ်” လို့ ကော်မတီက ထည့်သွင်းပြောကြားခဲ့ပါတယ်။ #Facthub #News #Nobel2026 #Peace #Update 32·Oct 9 ၂၀၂၆ ခုနှစ်ရဲ့ စာပေနိုဘယ်ဆုကို ခေတ်ဟောင်း (ဂန္ထဝင်) နဲ့ ခေတ်သစ်စာပေတွေကို ပေါင်းစပ်ပြီး စာပေပုံစံသစ်တွေ အရဲစွန့်ဖန်တီးခဲ့သူ ကနေဒါနိုင်ငံသား စာရေးဆရာမ အန်း ကာဆန် (Anne Carson) က ဆွတ်ခူးရရှိသွားပါတယ်။ အန်း ကာဆန် ဟာ “ရှေးဟောင်း ဂန္ထဝင်အစဉ်အလာတွေကို ပေါ့ပေါ့ပါးပါးနဲ့ အပြန်အလှန် ဆွေးနွေးသလို ပုံဖော်ပြီး ခေတ်ပြိုင်စာပေအတွက် ပုံစံသစ်တွေကို ဖန်တီးရင်း ရဲရင့်တဲ့ဟန်နဲ့ တီထွင်ဆန်းသစ်တဲ့ လက်ရာတွေ” ကြောင့် အခုလို စာပေနိုဘယ်ဆု ချီးမြှင့်တာလို့ ဆွီဒင်အကယ်ဒမီက ဆိုပါတယ်။ အန်း ကာဆန် ဟာ လူသားတွေရဲ့ ခံစားချက် လျှို့ဝှက်ချက်တွေကို ‘စကားလုံးတွေ’ ထဲ ရှာဖွေခဲ့သူလို့ နိုဘယ်ကော်မတီက မှတ်ချက်ပြုတာပါ။ သူ့ဘဝတစ်လျှောက်လုံး ကဗျာတွေ ရေးတယ်၊ ဘာသာပြန်တယ်၊ နောက် တက္ကသိုလ်အသီးသီးမှာ စာသင်တယ် . . . ဒီအလုပ်တွေကိုလဲ တွဲဖက်ဆောင်ရွက်ခဲ့သူ ဖြစ်ပါတယ်။ သူ့ရဲ့ ထူးခြားချက်က စကားလုံးတွေအပေါ် တစူးတစိုက် လေ့လာတတ်တဲ့ ဘာသာစကား သမိုင်းပညာရှင် (Philologist) တစ်ယောက်ရဲ့ အမြင်နဲ့ အဓိပ္ပာယ်သစ်တွေ အမြဲစမ်းသပ်ထုတ်ဖော်ချင်တဲ့ ကဗျာဆရာတစ်ယောက်ရဲ့ ဆန္ဒကို အချိုးညီညီ ပေါင်းစပ်ပြီး ခေတ်ပြိုင်စာပေလက်ရာတစ်ရပ် ပေါ်ပေါက်လာအောင် ဦးဆောင်ဦးရွက်ပြုခဲ့တာပါ။ ကာဆန့်စာပေလက်ရာတွေ အားလုံးရဲ့ အစပြုရာ နေရာက Etymology ခေါ် ဝေါဟာရတွေရဲ့ မူလဇာစ်မြစ်ကို တူးဆွလေ့လာခြင်းကပါ။ ဂရိနဲ့ လက်တင်လို ရှေးဟောင်းဘာသာစကားတွေကို ကျွမ်းကျင်တဲ့ ကာဆန်ဟာ ရှေးဟောင်းဘာသာစကားတွေရဲ့ အတိတ်ဆက်စပ်-အဓိပ္ပာယ်တွေကို ခေတ်သစ်လူသားတွေရဲ့ အချစ်၊ ဝမ်းနည်းမှုနဲ့ ဆုံးရှုံးမှု . . . စတဲ့ ခံစားချက်တွေနဲ့ ဟန်ချက်ညီ/အသက်ဝင်အောင် ချိတ်ဆက်ရေးသားနိုင်ခဲ့ပါတယ်။ ဒီအထဲ Autobiography of Red, The Beauty of the Husband နဲ့ Wrong Norma စာအုပ်တွေက နာမည်ကြီးပါပဲ။ ဒီလို ဖန်တီးချိန်မှာလဲ ကာဆန့် လက်ရာတွေဟာ သမားရိုးကျ စာပေဘောင်တွေထဲ ရှိနေတာမျိုး မဟုတ်ဘဲ ကဗျာဆန်ဆန် စကားပြေဟန်ရောပြီး တစ်ခါတလေလဲ အက်ဆေးတစ်ပုဒ်အသွင် ဖြစ်နေတတ်တာမျိုးနဲ့ အားလုံးကို ရောနှောပြီး စာပေပုံစံသစ်တစ်ခုကို တီထွင်ခဲ့တာပါ။ ရှေးဟောင်း ဂရိဒဏ္ဍာရီတွေ၊ ဇာတ်ကောင်တွေကို ခေတ်သစ်နောက်ခံတွေနဲ့ အစားထိုးပြီး ကဗျာရှည်ကြီးတွေအဖြစ် ပြန်လည်အသက်သွင်းပြခဲ့တာမျိုးက သူ့ရဲ့ အထင်ရှားဆုံး အမှတ်အသားတစ်ခု ဖြစ်ပါတယ်။ ရှေးဟောင်းဂန္ထဝင်စာပေဆိုတာ ဖတ်ရခက်ပြီး ခေတ်နဲ့ မလျော်ညီတော့ဘူးဆိုတဲ့ အစွဲတွေကို ကာဆန်က သူ့ကလောင်သွားနဲ့ ရဲရဲရင့်ရင့် ချေဖျက်နိုင်ခဲ့တာပါ။ လွန်ခဲ့တဲ့ ရာစုနှစ်က ဝေါဟာရတွေ၊ စကားလုံးတွေ သုံးပြီး ခေတ်သစ်လူသားတွေရဲ့ ရင်ဘတ်ထဲက ခံစားချက်တွေကို ပုံစံသစ်တစ်မျိုးနဲ့ အနုပညာလက်ရာမြောက်စွာ ဖန်တီးဆန်းသစ်ပြနိုင်စွမ်းရှိတာကြောင့် အန်း ကာဆန် တစ်ယောက် ၂၀၂၆ ခုနှစ်ရဲ့ စာပေနိုဘယ်ဆုနဲ့ ချီးမြှင့်ခံရတာ ဖြစ်ပါတယ်။ မကြာခင်မှာ Fact Hub Myanmar ကနေ ၂၀၂၆ စာပေနိုဘယ်ဆုနဲ့ ဆက်စပ်လို့ ဆန်းစစ်ချက်ဆောင်းပါးတွေ ထုတ်ဝေပါမယ်။ #Facthub #Nobel2026 #Literature #News #Update 52·Oct 8 ဒီတော့ အဲရ်(ခ်)နိုဟာ ဖိနှိပ်ခံရသူတွေကို အမှန်တကယ် “လက်စားချေ” ပေးနိုင်ခဲ့သလား . . . အဲရ်(ခ်)နိုရဲ့ စာအုပ်တွေဟာ မကျေနပ်ချက်တွေကို ဖော်ပြထားတဲ့ လူတန်းစားဆိုင်ရာ၊ ဖိုမဖြစ်တည်မှုဆိုင်ရာ လက်စားချေလိုမှု ဆန္ဒကို ဖြည့်ဆည်းပေးလိုက်တာထက် လူမှုအသိုက်အဝန်းမျိုးစုံ ရှိနေတဲ့ ကမ္ဘာကြီးရဲ့ ယန္တရားတွေကို မြင်အောင် ဘယ်လို ကြည့်ရမလဲ ဆိုတဲ့အချက်ကို စကားလုံးတွေကတစ်ဆင့် ဖော်ပြခဲ့တယ်။ နိုဘယ်လ်ဆုမရခင် နှစ်ပေါင်းခြောက်ဆယ်က အမျိုးသမီးငယ်တစ်ဦးရဲ့ ဒိုင်ယာရီထဲမှာ ရေးခဲ့တဲ့ ကတိကဝတ်တစ်ခုက မှတ်ဉာဏ်သက်သက်တစ်ခုပဲ မဟုတ်၊ ပုံသဏ္ဌာန်အဖြစ် ပြောင်းလဲပြီး ကိုယ့်လူမျိုးကို မေ့ပျောက်မသွားစေဖို့ ငြင်းဆန်တာပါပဲ။ ဘေးထွက်ထိုင်နေရမဲ့ လူတစ်စု မဟုတ်၊ အခြေခံကျကျ မီးမောင်းထိုးပြရမဲ့ စင်မြင့်ပေါ် ရှင်သန်မှုတစ်စုအဖြစ် မြင်စေတာက တရားမျှတမှုသဘောအရ လက်စားချေလိုက်တဲ့ သဘောမျိုးအဖြသ် မြင်နိုင်ပါတယ်။ “ကျွန်မရဲ့ လူထုအတွက် တုံ့ပြန်လက်စားချေဖို့ ကျွန်မ စာရေးမယ်” ဆိုတဲ့ ဒီစာကြောင်းဟာ အန်နီး အဲရ်(ခ်)နို ဘဝတစ်သက်တာ အကောင်အထည်ဖော်ပြသွားခဲ့တဲ့ လူထုမှတ်တမ်းတွေအတွက် ညွှန်တံတစ်ခုပဲပေါ့။ ။ ______ (ရည်ညွှန်းစာရင်းကို ကောမန့်မှာ ကြည့်ပါ။) Written by — Htet Phone Shein Released from Fact Hub Myanmar Newsroom’s Nobel Week Program ©️ 2026-2027 | Fact Hub Myanmar #Facthub #Nobel2022 #Literature #Analysis 49·Oct 8 ဖိနှိပ်ခွဲခြားမှုတွေကို ငြင်းပယ်ရာမှာ အဲရ်(ခ်)နို သုံးလေ့ရှိတဲ့ “ပြားချပ်တဲ့ အရေးအသား (écriture plate)” ကလဲ အခရာကျနေပါတယ်။ စာပေဆိုင်ရာ အဆင်တန်ဆာတွေကို လူတန်းအစားခွဲခြားမှုရဲ့ အမှတ်အသားအဖြစ် ယူဆာတာကြောင့် ထည့်မသုံးဘဲ ရိုးရှင်းပြေပြစ်တဲ့ ရေးဟန်နဲ့ ကိုယ်တိုင်ရေးလူမှုအတ္ထုပ္ပတ္တိတွေကို ဖန်တီးတာဖြစ်ကြောင်း အဲရ်(ခ်)နိုကိုယ်တိုင် ရှင်းပြခဲ့ဖူးတာပါ။ မှတ်ဉာဏ်တွေကို ဖော်ပြရာမှာ ရှေးရိုးကဗျာဆန်ဆန်် စာပေဆင်ယင်မှုတွေ ရည်ရွယ်ထည့်သွင်းရမလား၊ ရွှင်မြူးဖွယ် ပြက်လုံးတွေ ဆင်သရမလား၊ ဒါတွေထက် ပြားချပ်တဲ့ အရေးအသားက သဘာဝအတိုင်း ရောက်လာတယ်၊ အရင်က မိဘတွေဆီ အရေးကြီးသတင်းတွေ ပေးပို့ဖို့ ရေးသားခဲ့စဉ်က သုံးခဲ့တဲ့ အရေးအသားမျိုးက ရေးဟန် ဖြစ်လာပြီး အစကတည်းက စိတ်ဝိညာဉ်ထဲ စိမ့်ဝင်ဖြစ်တည်နေခဲ့တာ လို့လဲ အဲရ်(ခ်)နို ပြောခဲ့ပါတယ်။ ရိုးစင်းပြေပြစ်တဲ့ အရေးအသား ဆိုတာ အလှအပဆင်ယင်မှုတွေ မပါဝင်ပါဘူး၊ ဘာလို့ဆိုရင် အလှဆင်တာက အဲရ်(ခ်)နို ရေးသားနေတဲ့ လူမျိုးတွေကို သစ္စာဖောက်ရာ ရောက်သွားစေနိုင်လို့ပါပဲ။ စာပေပညာရှင်တွေကတော့ écriture plate - ပြားချပ်တဲ့ အရေးအသားကို စာပေရေးသားဟန်စနစ်အရ ကျင့်ဝတ်ဆိုင်ရာ ရွေးချယ်မှုတစ်ခုအနေနဲ့ လေ့လာခဲ့ကြပါတယ်။ ဒီဟန်ကို အရှင်းဆုံး ဖော်ပြရရင် ဝါကျနဲ့ သဒ္ဒါဆိုင်ရာ ရှုပ်ထွေးမှု နည်းနည်းပဲ ပါတဲ့ နာမ်ပုဒ်အခြေပြု အရေးအသားတစ်မျိုး ဖြစ်ပြီး စာပေနဲ့ ဘာသာစကားရဲ့ ခက်ခဲရှုပ်ထွေးတဲ့ ဖွဲ့စည်းပုံတွေကို ငြင်းပယ်ထားတဲ့ ဝါကျရိုးရိုးရှင်းရှင်းတွေနဲ့ ဖွဲ့စည်းထားတာမျိုးပါ။ ဟန်ပညာရှင်တွေ တွေ့ရှိထားတဲ့ နောက်တစ်ချက်ကတော့ အတိတ်ကာလသဒ္ဒါစနစ်က အဲရ်(ခ်)နိုရဲ့ ပြားချပ်တဲ့ အရေးအသားအတွက် မရှိမဖြစ် လိုအပ်တဲ့ ပါဝင်ပစ္စည်းတစ်ခု ဖြစ်နေတာပါပဲ။ ဝေဖန်ရေးသမားအချို့ကတော့ ဒီဟန်ဟာ သိပ်ငြီးငွေ့စရာကောင်းတယ်၊ ရိုးစင်းလွန်းတယ် ဆိုကြပေမဲ့ écriture plate ဟာ စာပေလက်ရာအတွက် ထားရှိတဲ့ ရည်မှန်းချက်ဆီ ရောက်ဖို့ သုတေသနတွေ၊ တင်းကျပ်ခိုင်မာတဲ့ ပုံစံတွေ အများကြီးနဲ့ ဖန်တီးထားရတဲ့၊ တမင်တကာ ဦးတည်တည်ဆောက်ထားတဲ့ ရိုးစင်းမှုတစ်ခုအဖြစ် မြင်တွေ့ရတာမျိုး ဖြစ်ပါတယ်။ အဲရ်(ခ်)နိုရဲ့ ပြားချပ်တဲ့ အရေးအသားဟာ ယဉ်ကျေးမှုအရ အရင်းအနှီးတစ်ခုအနေနဲ့ စာပေဘာသာစကားကို ငြင်းပယ်လိုက်တဲ့ လူမှုနိုင်ငံရေးဆိုင်ရာ လှုပ်ခတ်လှုပ်ဆော်မှု လှိုင်းအလျားတစ်ခုပဲ လို့ ဆိုနေနိုင်တာပါ။ ဖိနှိပ်ခံရသူတွေကို မသစ္စာဖောက်ဘဲ သူတို့ကိုယ်စား ဘယ်လိုလက်စားချေမလဲ ဆိုတဲ့ မေးခွန်းအတွက် ဒီရေးသားဟန်က အဖြေတစ်ခုပါပဲ။ တကယ်လို့သာ အထက်တန်းလွှာတွေရဲ့ ယဉ်ကျေးမှုအရ ရရှိထားတဲ့ တန်ဆာဆင်စာပေဘာသာစကားနဲ့သာ ရေးခဲ့ရင် ကိုယ် ဖောက်ဖျက်ဖယ်ရှားလိုတဲ့ အထက်အောက် အဆင့်ဆင့်ဖွဲ့စည်းပုံကို ကိုယ်တိုင်ကပဲ ကျားကန်ထောက်ပံ့ပေးနေသသလို ဖြစ်သွားမှာပါ။ အဖေဖြစ်သူရဲ့ ဇာစ်မြစ် ဖိနှိပ်ခံလူတန်းအစားကို သစ္စာဖောက်စေမဲ့ စာပေအရေးအသားအားလုံးကို အဲရ်(ခ်)နိုက ခိုင်ခိုင်မာမာမဲ ငြင်းပယ်လိုက်ပါတယ်။ ဒီလက်စားချေမှုရဲ့ အပြည့်စုံဆုံး အကောင်အထည်ဖော်မှုကိုတော့ အဲရ်(ခ်)နိုရဲ့ “နှစ်ကာလများ (Les Années)” စာအုပ်မှာ တွေ့ရပါတယ်။ တစ်ဦးတစ်ယောက်ကိုပဲ ကိုယ်စားပြုတဲ့ “ငါ” ကို ဖယ်ရှားပြီး အစုအပေါင်းကို ကိုယ်စားပြုတဲ့ ‘ငါတို့’ နဲ့ မသဘာဝဖြစ်တည်မှုအားလုံးကို ကိုယ်စားပြုတဲ့ “သူ(မ)” တို့နဲ့ အစားထိုးရေးသားခဲ့ပါတယ်။ ဓာတ်ပုံတွေ၊ ကြော်ငြာတွေ၊ သီချင်းတွေနဲ့ နိုင်ငံရေးဖြစ်ရပ်တွေကနေတစ်ဆင့် ဇာတ်ကြောင်းကို အစပြုဖန်တီးသွားပြီး တစ်ဦးချင်းအတွေ့အကြုံနဲ့ စုပေါင်းအတွေ့အကြုံတို့ ခွဲထုတ်မရအောင် ရောယှက်နေတဲ့ အလုံးစုံဝတ္ထု (roman total) ပုံစံကို အဲရ်(ခ်)နိုက တည်ဆောက်လိုက်တာပါ။ စစ်ပြီးခေတ်က အစပြုပြီး ၂၀၀၀ ပြည့်နှစ်တွေအထိ ကြုံတွေ့ခဲ့ရတဲ့ အမျိုးသမီးတွေရဲ့ အခြေအနေ ဆင့်ကဲပြောင်းလဲလာတဲ့ ဖြစ်စဉ်ကို ဇာတ်ကြောင်းအဖြစ် ပြောပြဖို့အတွက် လူမှုဗေဒနဲ့ အတ္ထုပ္ပတ္တိဆိုင်ရာ မိန့်ခွန်းတွေကို ပေါင်းစပ်အသုံးပြုထားတဲ့ နှစ်ကာလများ (၂၀၁၈) စာအုပ်က အဲရ်(ခ်)နိုရဲ့ အကောင်းဆုံးလက်ရာတွေထဲက တစ်ခုဖြစ်နေရုံမကဘဲ ပြင်သစ််စာပေအတွက်လဲ ခေတ်သစ်ဂန္ထဝင်တစ်အုပ်အဖြစ် သတ်မှတ်ခံထားရပါတယ်။ ဇာတ်ကြောင်းတော်တော်များများမှာ သုံးထားတဲ့ “nous” (ငါတို့) က တောင်းဆိုချက်တစ်ခု၊ တော်လှန်မှုတစ်ခု ဖြစ်ပါတယ်။ တစ်ဦးတစ်ယောက်တည်းအတွက် သိပ်ကို ထူးခြားတယ်လို့ ထင်ရတဲ့ အတွေ့အကြုံတွေဟာ တကယ့်လက်တွေ့မှာ လူအများနဲ့အတူ မျှဝေခံစားနေကြရတာတွေ ဖြစ်ပြီး စာရေးတာကလဲ အဲဒီမျှဝေမှုကို မြင်သာအောင် လုပ်ပေးတာပါပဲ လို့ အဲရ်(ခ်)နိုက မြင်ခဲ့ပါတယ်။ ဒီတင်ပြချက်တွေမှာ ကိုလိုနီခေတ်ဆိုင်ရာ အချက်အလက်တွေကို လူမျိုးစုကိုယ်စားပြုမှုတွေ ပါနေပေမဲ့ တစ်ဖက်မှာ လျစ်လျူရှုခံရတာ၊ အသံတိတ်ခံရတာနဲ့ မှားယွင်းဖော်ပြခံရတာတွေလဲ ရှိနေပါတယ် လို့ လေ့လာသူအချို့က ဝေဖန်ထောက်ပြခဲ့ကြပါတယ်။ တစ်နည်းပြောရရင် ကိုယ့်လူမျိုးစုအတွက် လက်စားချေဖို့ ရေးသားရာမှာ တိတ်ဆိတ်မှုရဲ့ကန့်သတ်ဘောင်တွေထဲ ကိုယ်ကိုယ်တိုင်လဲ မသိလိုက်ခင်မှာပဲ ပါဝင်ပတ်သက်နေသလို ဖြစ်နေတတ်တာမျိုးပါပဲ။ 38·Oct 8

An open web layer over public Telegram — search, stats and channel reading right in your browser, no account, no install.

Not affiliated with Telegram FZ-LLC; all data comes from public sources.

Catalog

Top channels Categories Countries Search

Content

Stickers Emoji Gifts Themes Wallpapers

Help

Tools Wiki Glossary Blockchain Safety Premium Advertisers Advertising

© 2026 TG.ME · G.Media network· Updated 10/08/2026 · v0.2.0 · bde7f05

Privacy Terms DMCA & complaints Report a violation

Similar channels

O D I N : The Nexus Team1.7K subscribers

HYPEN Organization10.2K subscribers

Kevin Network5.4K subscribers

YᴀᴍSᴀʟʟKʜᴇᴍ Uɴɪᴠᴇʀsᴇ ᴍɪX ᵗᵗᵐᵏ8.8K subscribers

For The Future Myanmar8K subscribers

LLC - Lavender Language Center3.2K subscribers

Introverts' Yatwoon4.6K subscribers

Study Diary7.4K subscribers